Jerimaia 3:1 - Edo Bible (E Baibol Ẹdo) Version 1996

¹ E Nọyaẹnmwa khare wẹẹ, “Ọmwa gha khu amwẹ ọnrẹn nẹ, ọ na kpao sẹ ọe rae, ọ na ya rọnmwẹ okpia ọvbehe, okpia nii i ghi dọlegbe rhie ẹre ọvbehe. Emwi vberriọ gha si awua ye otọe sokpan, ẹ i re avbiẹ ọse wa he zẹlẹ, wa keghi vbe ho na ne uwa dọlegbe bu mwẹ gha dee.

Jerimaia 3:1 Iomraidhean Croise

Psalm 106:38

Iran gbele emọ ni ma rẹn okpa ọma rẹn eva nii, avbe uyinmwẹ izigha na keghi mu awua la ẹvbo.

Aizaia 24:5

Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 2:23

Vbe uwa ghi ra tae hẹ yi ighe wa ma ru awua, wẹ, wa ma he gho e Baal ẹdẹ. Wa ghe vbene uwa ru orukhọ hẹ vbe uwu iya, wa ghe emwi ne uwa he ru, te uwa ye vbe ede amwẹ vbe ẹghẹ owowo, wa gha rhulẹ yo rhulẹ rre vbe ne a ma na gbe odẹ,

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Jerimaia 22:20

Ivbi e Jerusalẹm, wa gha rrie Lebanọn ya go, wa gha rrie Basian ya viẹ wa ke oke Moab da tie emwa rhunmwuda, obọ ke okhunmwu ne iran ni deba ruẹ hia nẹ.

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 3:9

ekhue ma vbe mu ẹẹn hiehiere. Ọ ru otọ awua, ọ keghi ghẹ vbekpa ne ọ na gha gho avbe okuta kevbe erhan.

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

Jerimaia 4:1

E Nọyaẹnmwa khare wẹẹ, “Ivbi Izrẹl, adeghẹ wa ho ne uwa fiwerriẹ, wa fiwerriẹ, bu mwẹ gha dee. Adeghẹ wa viọ avbe amazẹ ni sọnnọ mwẹ kua, wa na mudia ke mwẹ ẹse,

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Ezikiẹl 16:26

Emwa ẹdogbo ruẹ ne ọ fifi ẹre egbe ighe ivbi Igipt, u ke vbe gie iran guẹ ru emwi, u keghi ye igberagia ne u gbe gha ya ohu mu mwẹ.

Ezikiẹl 16:30

Vbenian ọ re Nọyaẹnmwa ne Udazi ghi kha nian: “Te uwa ru avbe emwi na hia zẹ vbe igberagia ne okhuo ekhue i mu awa.

Ezikiẹl 16:35

Rhunmwuda ọnii nian, e Jerusalẹm ne ẹwia! Danmwehọ vbene Nọyaẹnmwa ne Udazi kha hẹ.

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Hozia 1:2

Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Maika 2:10

Wa kpaegbe ne uwa kpao, egbe rọkhọmwẹ i ghi rre emwa ọvbehe. Orukhọ ne uwa ru zẹ emwa na ye ne a ra fuan nẹ.

Zẹkaraia 1:3

sokpan, banbanna nian, mẹ tama uwa wẹẹ wa werriegbe bu mwẹ gha dee, mẹ gha vbe werriegbe bu uwa rre.

Matiu 5:31

“Avbe tae wẹẹ, ‘Okpia gha khu amwẹ ọnrẹn, ọ ghi gbẹn ebe ne ọ ya khu ẹe rhie nẹẹn.’

Diuteronomi 22:21

ẹghẹ nii, a ghi rhie ẹre ladian gha rrie onurho owa erha ẹe, emwa ẹvbo ẹre ghi filo okuta gbe ẹe rua vbe evba. Emwi ekhue ọ re ọ ru vbe uwu ẹbu vbe ekpa ne ọ na rẹn okpia nẹ, ọ ke ya rọnmwẹ ọdọ, awẹ vbe ẹghẹ ne ọ na rre owa erha ẹe. Odẹ vbe nian wa gha gbe ukhu emwi dan na uan.

Giọgis 19:2

Sokpan ohu ẹre keghi mu okhuo nii, ọ re ọ na werriegbe gha rrie owa erha ẹe vbe e Bẹtlẹhẹm. Ọ keghi gbe uki enẹ vbe odọ.