Jerimaia 28:3 - Edo Bible (E Baibol Ẹdo) Version 1996

³ Vbe ọ te gba vbe ukpo eva, I gha viọ avbe emwi ewe Ọgua Osa ne Nebukiadneza ne ọba hẹ gha rrie Babilọn rre.

Jerimaia 28:3 Iomraidhean Croise

Gẹnẹsis 47:28

E Jekọb kegha rre Igipt vbe ukpo ehairrọvbugie rhinrin ọ te do sẹ ọmọ ukpo ihinrọn yan ikiọkhọe.

Gẹnẹsis 47:9

E Jekọb keghi wanniẹn wẹẹ, “Ukpo ọgban yan iyisẹn ọre i he ya zozo. Avbe ukpo na keghi re ni i bun sokpan ọ kegha re ọghe ọlọghọmwa, ọ ma zẹdẹ yevbe avbe ukpo ne avbe erha mwẹ ya zozo.”

II Ọba 24:13

Ọ na viọ emwi ẹfe hia ni rre Ọgua Osa kevbe ni rre ẹguae, avbe ọkpan igoru ne Solomọn ne ọba ru ne a ya gha ru emwi vbe Ọgua Osa.

II Krọnikol 36:10

Ọ ghi sẹ omuhẹn orhọ, e Nebukiadneza ne ọba keghi mu e Jehoiakin oghunmwu gha rrie Babilọn, ọ na vbe viọ emwi ẹwe ni rre Ọgua Osa gha rrie. Ẹre Nebukiadneza na ya ovbi erha e Jehoiakin ighẹ Zedekaia ma ọba e Juda kevbe Jerusalẹm.

II Krọnikol 36:7

E Nebukiadneza keghi vbe viọ eso vbe uwu emwi ẹwe ni rre Ọgua Osa, ọ na ya viọ ẹre ye ẹguae ẹre vbe Babilọn.

Psalm 90:10

Ukpo ekigbesiyenẹ ọre ima mwẹ, deghẹ ma wegbe ọ ghi sẹ iyenẹ Sevba, akhiẹ kevbe ibaro ẹre iran rhie gie ọmwa; vbe ọ ma he kpẹe, ẹdagbọn mwa gberra, ma ghi gha rriẹ.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.