Jerimaia 27:6 - Edo Bible (E Baibol Ẹdo) Version 1996

⁶ Mẹ ọrọre ọmwa ne ọ viọ avbe uhunmwu ẹvbo na hia ye ototọ ẹtin ọguọmwadia mwẹ ighẹ Nebukiadneza ne ọba e Babilọn, uhin ya sẹ egbe aranmwẹ oha, te I wẹ ne iran gha gae.

Jerimaia 27:6 Iomraidhean Croise

II Ọba 25:28

Iyomẹrodak keghi ye obọ esi mu ẹẹn. Ọ keghi rhie ukpo ne ọ yo sẹ ọghe avbe ọba nekpa ni vbe rre iwe vbe ehe ne ọ ye ne ẹẹn vbe Babilọn.

II Krọnikol 36:23

“Vbenian ọre Sairọs ne Nọgbaisi e Pẹsia khare. E Nọyaẹnmwa ne Osanobua ọghe Ẹrinmwi, ọ re ọ ya mwẹ ma ọba yan otọe agbọn hia, ọ na vbe ya ẹe fian okhuo mẹ wẹ ne I bọ Ọgua Osa ne irẹn vbe Jerusalẹm vbe otọe e Juda. Rhunmwuda ọnii nian, wa hia ni re emwa Osanobua, wa gha rrie odọ nii, te Nọyaẹnmwa ne Osanobua uwa gha deba uwa.”

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 22:25

I ghi rhie ẹre ne emwa ne ohan rẹn mu ẹẹn, emwa ni ho ne iran gbe uẹ ua. I gha rhie ruẹ ne Nebukiadneza ne Ọba e Babilọn kevbe avbe ivbiyokuo ẹre.

Jerimaia 24:1

E Nọyaẹnmwa keghi viọ okhuae ohọ eva ma mwẹ, a keghi viọ iran ye Ọgua Osa (Ọna kegha re iyeke vbe Nebukiadneza ọghe Babilọn mu ovbi e Jehoiakim ighẹ Jehoiakin ne ọba e Juda) kpao vbe Jerusalẹm gha rrie Babilọn zẹ vbe oghunmwu, kẹe kevbe avbe ọkaolotu e Juda avbe emwa iwinna kevbe iran ni guẹ ona.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 28:14

E Nọyaẹnmwa ne Oghodua, ne Osanobua Izrẹl khare ighe rẹn gha mu urọnghọn ematọn ye urhu avbe uhunmwu ẹvbo na hia, iran ghi vbe ga e Nebukiadneza ne ọba e Babilọn. E Nọyaẹnmwa tae ne wẹ uhin ighe te irẹn ra wẹ ne avbe aranmwẹ oha gha ga e Nebukiadneza.”

Jerimaia 43:10

Ẹghẹ nii, u ghi ya tama iran wẹẹ, ‘Mẹ ne Nọyaẹnmwa ne Oghodua, ne Osanobua Izrẹl, I gha rhie ẹre gha dee ighe e Nebukiadneza ne ọguọmwadia mwẹ, ọba e Babilọn, ọ ghi gha die emwana, ọ gha mu ẹkete ẹre yan avbe okuta ne u tọnnọ ye evba, ọ ghi vbe tan owa ukpọn ọghe ọba yan rẹn.

Jerimaia 49:30

“Ivbi e Hazọ, mẹ ne Nọyaẹnmwa tama uwa ne uwa lẹ gha rrie ehe ne ọ rrei ne uwa ya lẹre. e Nebukiadneza ne ọba ne Babilọn wa khuan khẹ uwa, ẹmwẹ ne ọ tae ọrọre wẹẹ,

Ezikiẹl 29:12

Avbe okpẹvbo ni rre Igipt khian ẹvbo ne ọ ghi dihoi rua sẹ vbe uhunmwu otọ agbọn hia. Avbe okpẹvbo ni rre Igipt hia, itowa ọ re ehia ra gha khin la ukpo iyeva, ọ ghi rhia sẹ egbe ne a he ka miẹn vbe ẹvboikẹvbo yi. I gha ya ivbi Igipt khian emwa ni lẹ ku ẹvbo ẹrrẹe, iran gha lẹ la avbe ẹvbo hia, iran ghi ya gha rre uwu ẹbu emwa ọvbehe.”

Ezikiẹl 30:24

I ghi ru ẹe ne obọ ọba e Babilọn wegbe, I ghi vbe mu umozo mwẹ ye ọre obọ. Sokpan, I gha bunnọ ọba Igipt obọ, rẹn ghi vbe gha tu, ọ ghi wu ye odaro avbe eghian rẹn.

Daniẹl 4:12

Ebe ẹre hia keghi gha mose, ọ keghi mọ gba uhunmwu hia sẹrriọ wẹ ọ gha sẹ otọe agbọn na hia re. Avbe aranmwẹ oha ghi do gha rhuẹ ye irhu ẹre, avbe ahianmwẹ kegha bọlọ oko ye abọ ẹre, a ma miẹn emwi ọkpa ne ẹ i ghi rri ọmọ rẹn.

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.