Jerimaia 27:5 - Edo Bible (E Baibol Ẹdo) Version 1996

⁵ “Ẹtin kevbe iwegbe mwẹ nọkhua ọ re I ya yii agbọn na, emwa nagbọn kevbe avbe aranmwẹ oha ni rre agbọn, I keghi vbe mu ẹẹn ne ọmwaikọmwa ne ọ yẹ mwẹ.

Jerimaia 27:5 Iomraidhean Croise

Gẹnẹsis 1:25

Ẹre Osanobua na yi avbe emwi hia, emwi ne irẹn bẹghe keghi sẹ ọre ọyẹnmwẹ.

Gẹnẹsis 9:6

Ọmwa ne ọ rhirhi gbe ọmwa ran, ọmwa ne ihuaẹre ọ gha vbe gbẹe rua. Rhunmwuda te a yi ọmwa zẹ vbe Osanobua.

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Nehimaia 9:22

“U rhie ẹtin ne iran yan avbe otọ kevbe arriọba, avbe otọ ne iran gba mwa uwu iran khọn mu otọe e Hesbọn, ehe ne Saihọn na khaemwisẹ kevbe otọ Basian. Ehe ne Ọg na re ọba.

Psalm 102:25

Vbe ẹghẹ ne ọ kpẹ fua, u keghi yi agbọn na, obọ ruẹ ọre u vbe ya yi ẹrinmwi.

Psalm 96:5

Amazẹ ọ re ẹbọ avbe emwa nekpa khin, sokpan, e Nọyaẹnmwa ọ re ọ yi ẹrinmwi.

Ẹksọdọs 20:11

Ẹdẹ ehan ọre mẹ ne Nọyaẹnmwa ya yi ẹrinmwi, agbọn, avbe okun kevbe emwi nii rre uwu iran hia, sokpan vbe ikpẹdẹ ne ne ogihinrọn, I keghi kẹtin. Ọnii ọ zẹe ne imẹ ne Nọyaẹnmwa na fiangbe Ẹdẹ Ikẹtin, I na ya ẹe khian ne ọ huanrẹn.

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Aizaia 42:5

Osanobua ọ re ọ yi iso, ọ keghi niẹn ẹnrẹn uan. Rẹn ọ re ọ yi agbọn kevbe emwi hia ni rre uwu ẹre; rẹn ọ re ọ rhie arrọọ kevbe uhiọnrọnmwẹ ne emwa ẹnrẹn hia. Banbanna nian, e Nọyaẹnmwa Osanobua tama ọguọmwadia ẹre wẹẹ,

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 48:13

Obọ mwẹ ọ re ọ gbe ẹyotọ agbọn ọ na vbe tan iso gbadaa. I gha gie ne a tie otọe kevbe iso, iran ghi rre vbe ọwarọkpa do rhie egbe ma.

Aizaia 51:13

Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Jerimaia 27:4

e Nọyaẹnmwa ne Oghodua, ne Osanobua Izrẹl tama mwẹ ne I gie iran ne iran tama avbe ọba iran wẹ, e Nọyaẹnmwa khare wẹẹ,

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Jerimaia 51:15

E Nọyaẹnmwa ọ re ọ ya ẹtin ẹnrẹn yii otọe, ẹwaẹn ẹnrẹn ọ re ọ ya yii agbọn, ọ kevbe rhaan aro iso ne ọ vbẹ.

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Daniẹl 4:14

Ọ keghi ya urhu ne ọ la datu wẹẹ, ‘Wa tọn erhan nii gbotọ ne uwa giagia ẹre abọ kua, wa khuọn ẹre ebe kua ne uwa duẹ avbe ọmọ rẹn kua. Wa khulo avbe aranmwẹ nii hin ototọ ẹre rre kevbe avbe ahianmwẹ nii hin abọ ẹre rre.

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.

Daniẹl 4:25

A gha khu uwẹ fua hin uwu ẹbu emwa nagbọn rre, u gha ya deba avbe aranmwẹ oha gha rrọọ. U gha rri irunmwu zẹ vbe ẹmila la ukpo ihinrọn, u ghi gha vbiẹ adesẹ ore ehe ne evbu gha na gha tuo yan ruẹn. Ẹghẹ nii, u ghi do miẹnkue wẹ Osanobua ne ọ Sẹehia ọ re ọ khaemwisẹ yan arriọba agbọn na hia kevbe wẹ ọ sẹtin munọ iran ne ọmwa ne ọ rhirhi khọn rẹn.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 17:24

Osanobua ne ọ yi agbọn kevbe emwi hia ni rre uwu ẹre, ọrọre Nọyan ẹrinmwi kevbe agbọn, ẹ i vbe di owa ne emwa ne agbọn bọe ya.

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.

Diuteronomi 2:19

Ẹghẹ nii, wa ghi do sikẹ otọ emwa Amọn ni re ivbi uniẹn e Lọt. Wa ghẹ kpokpo iran, wa ghẹ gu iran khọn rhunmwuda mẹ ira mu ne uwa vbe otọ ne I mu ne iran nẹ.”

Diuteronomi 2:21

Iran keghi wa vbe tan sẹ vbe avbe Anakim. Iran wa gha bun ẹsẹse. Iran keghi vbe gha re emwa ni wegbe sokpan e Nọyaẹnmwa keghi fuẹn iran an, ọ re ivbi Amọri na mu otọe iran, iran na yin ẹnrẹn.

Diuteronomi 2:7

“Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.

Diuteronomi 2:9

“Ẹre Nọyaẹnmwa na tama mwẹ wẹ, ‘Wa ghẹ kpokpo ivbi e Moab ne ivbi e Lọt, ra ne uwa suẹn iran ne a gu gbinna. Mẹ mu ẹvbo Ar ne iran nẹ, mẹ i ra mu ne uwa vbe otọe iran hiehiere.’

Diuteronomi 32:8

Nọyosẹ ọ re ọ ghae otọe sẹ ẹvbo obọ, rẹn ọ re ọ ta ehe ne emwa gha yin, ọ ghae otọ edọmwadẹ ẹvbo ne ẹẹn.

Diuteronomi 4:17

aranmwẹ ra ahianmwẹ,

Diuteronomi 4:25

“A gha miẹn ighẹ ọ kpẹre ne uwa ghi sẹ otọ nii, ighẹ wa ghi na biẹlẹ emọ iwu ke eyẹ, wa ghẹ ya ma amazẹ emwikemwi hiehiere ne uwa ghẹ ya rukhọ. Emwi dan ọna khin vbe aro e Nọyaẹnmwa, ọ gha ya ẹe mu ohu.

Diuteronomi 4:32

“Wa gualọ otọ ẹghẹ ne ọ gberra ghe ẹghẹ ne a ma na he biẹlẹ uwa, wa gha khian ya sẹ ẹghẹ ne Osanobua na yi ọmwa ye agbọn. Wa gualọ otọ agbọn na hia. Emwi ne ọ kpọlọ vbenian he ka sunu de yi ẹdẹ ra! A he miẹn ọmwa ne ọ he họn egbe ẹmwẹ vbenian ẹdẹ ra?

Diuteronomi 4:35

E Nọyaẹnmwa rhie ọna ma uwa nẹ ne ọ ya rhie maa uwa wẹ rẹn ọkpa kẹkan ọrọre Osanobua, kevbe wẹ ọvbehe i rrọọ.

Diuteronomi 5:16

“ ‘Gha ya ọghọ ne erha a kevbe iye uẹ zẹ vbene imẹ ne Nọyaẹnmwa Osanobua ruẹ tama ruẹn, ne agbọn miẹn ehe na ma ruẹn kevbe ne u vbe tọ vbe otọe ne imẹ ra mu nuẹn.

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’

Kọlose 1:16

Obọ ẹre ọre Osanobua la yi emwi ni rre ẹrinmwi kevbe agbọn na, avbe emwi ne a bẹghe kevbe ne a i bẹghe, ke ẹe kevbe ẹtin avbe orhiọn nẹ ẹrinmwi, eniyan ẹvbo, iran ni khaemwisẹ kevbe iran ni rre ọdakha. Obọ ẹre ọre Osanobua la yi ideghede-gheagbọn vbe ẹrinmwi hia, rẹn ọre ọ vbe yi ẹe na.

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

Arhie Maan 4:11

“Nọyaẹnmwa kevbe Osanobua mwa! Wẹ sẹe ne ọ gha miẹn uyi kevbe ọghọ, kevbe ẹtin. Rhunmwuda wẹ ọre ọ yi emwi hia. Zẹ vbene u ho, ọre u ya rhie arrọọ ne iran kevbe ẹfe.”