Jerimaia 27:2 - Edo Bible (E Baibol Ẹdo) Version 1996

² ne I ye avbe ohian ne a biẹnnẹ kevbe erhan ne a viọgbe ru urọnghọn mu ye urhu.

Jerimaia 27:2 Iomraidhean Croise

I Ọba 22:11

Ọkpa vbe uwu avbe akhasẹ nii, e Zedekaia ne ovbi e Kienaana keghi dunmwu igho ematọn, ọ tama Ehab wẹẹ, “Vbenian ọre Nọyaẹnmwa khare, ‘Ọ na ọre u ra ya khọn ivbi e Siria a te do wabọ iran an fẹẹrẹ.’ ”

Jerimaia 27:11

Sokpan ẹvboikẹvbo ne ọ kue ne ọ gha ga gie ọba Babilọn, ọ na gele gha ga ẹe, I gha kue ne ọ gha rre otọ ẹre tobọ ẹre, ne ọ gha gbe ugbo vbe evba, ne ọ vbe gha rre evba. Mẹ ne Nọyaẹnmwa ọre ọ tae.”

Jerimaia 27:12

Ẹmwẹ vberriọ ọ re I vbe tama e Zedekaia ne ọba e Juda. “Gbe uhunmwu kotọ ne ọba e Babilọn. Ga irẹn kevbe emwa rẹn, u gha gha rre agbọn.

Jerimaia 30:8

E Nọyaẹnmwa ne Oghodua khare wẹẹ, “Ọ gha sẹ ẹdẹ ne ẹdẹrriọ. I gha bun urọnghọn ne ọ rre iran urhu, I ghi vbe rhan iran ọgiọrọ hẹ kua. Iran i khian ghi vbe gha re eviẹn avbe erhunmwuyẹn ọvbehe.

Ezikiẹl 30:18

Ebiebi gha so yan e Tapanhes vbe I a ghi guọghọ ẹtin Igipt, I ghi kie ẹre ukpẹ ighe ẹtin ne iran ya ghagha. Amẹ ne ọ bi gha degue Igipt. Emwa ni rre avbe okpẹvbo ẹre hia ghi khian ne a viọ ẹre oghunmwu.

Ezikiẹl 7:23

“Emwi hia lighi ua, avbe izigha gba otọe hia, uyinmwẹ ikẹtin vbe gba ore ẹvbo.

Emọs 7:1

I keghi miẹn umian ne ọ ke ehe ne Nọyaẹnmwa ne Udazi ye rre. I keghi bẹghe ẹre vbe ọ yi oghẹn irhiso, vbe a gha da wa fian irunmwu ne ẹsin re ọghe ọba, vbe avbe irunmwu nii ghi wa dọlegbe suẹn gha zọọ.

Emọs 7:4

I keghi vbe miẹn umian ọvbehe ke ehe ne Nọyaẹnmwa ne Udazi ye gha dee. Vbe uwu ẹre, I keghi bẹghe ẹre vbe ọ mu egbe ne ọ do ya erhẹn rri emwa rẹn oya. Erhẹn ni keghi giẹn okun nọkhua ne ọ rre uwu otọ, ọ keghi vbe suẹn gha giẹn otọe kẹkan.