Jerimaia 26:9 - Edo Bible (E Baibol Ẹdo) Version 1996

⁹ Vbọzẹ ne u na ye eni e Nọyaẹnmwa tae wẹ Ọgua Osa na gha ye vbe Siailo, kevbe wẹ a gha fuẹn ẹvbo na an, ọmwa rhọkpa i ra vbe gha rrọọ?” Emwa na keghi ma rhu mwẹ.

Jerimaia 26:9 Iomraidhean Croise

II Krọnikol 25:16

Amezaia keghi gbe eta ye ọre unu wẹẹ, “De ẹdẹ ne ima ghi vbe zẹ uwẹ iguọbaziro yi? Gue unu uẹn vba ne u ghẹ ya ye uhunmwu tae.” Vbe akhasẹ ni ghi te gue unu ẹnrẹn, ọ tama rẹn wẹẹ, “I rẹnrẹn wẹ Osanobua tae nẹ ne irẹn fuẹn ruẹn uan, rhunmwuda ne u na ru avbe emwi na hia kevbe ne u ma na rhie ude ne I bu ruẹ re.”

Aizaia 29:21

Osanobua gha fuẹn iran an ighe avbe emwa ni ta ẹrrẹe ọtakhọ, iran ne ẹ i gia rri emwa dan oya, iran ni ta ohoghe ne a ghẹ miẹn ehe na bu ohiẹn ẹmwata ne emwa esi.

Jerimaia 32:3

E Zedekaia ne ọba ọ re ọ mu mwẹ khui ye evba, ọ keghi ba mwẹ ifi ẹzọ wẹ mẹ khare ighe e Nọyaẹnmwa wẹẹ, “I gha gie ọba e Babilọn khọn miẹn ẹvbo na otọ.

Jerimaia 33:10

E Nọyaẹnmwa keghi kha wẹẹ, “Emwa ta ẹe khian wẹ, te emwana ye vbe ato, kevbe wẹ emwa nagbọn ra aranmwẹ oha i rrọọ. Ẹmwata ọre iran tae, avbe okpẹvbo ni rre Juda, kevbe idunmwu ni rre Jerusalẹm, ehia divbiẹ, emwa nagbọn i rre evba, aranmwẹ i rrọọ sokpan, wa gha dọlegbe họn.

Jerimaia 36:29

E Nọyaẹnmwa keghi tama mwẹ ne I tama ọba wẹẹ, “U giẹẹn ebe ohian ni nẹ, u keghi vbe nọ e Jerimaia wẹ vbọzẹ ne ọ na gbẹn wẹ ọba e Babilọn gha rre do fuẹn ẹvbo ni uan, ọ ghi gbele emwa kevbe aranmwẹ ni rrọọ.

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Eve Orriara 4:13

Sokpan, ọ sunu, rhunmwuda, avbe akhasẹ ọ re ọ rukhọ avbe ohẹn ọnrẹn vbe rriabe wẹ, iran ọ re ọ gie avbe emwa ni ma rukhọ wulo.

Emọs 5:10

Wa ni khuiwu iran ni gbeta ye a i ta ẹmwata unu vbe iko, iran ghi rhie ẹmwata ne ọ rrọ ta.

Maika 2:6

Emwa nii gha na iyẹn mwẹ iran wẹẹ, “Ghẹ ghi ya unu salọ ima. Ghẹ ghi talọ egbe ẹmwẹ nii. Osanobua i fa ima an.

Matiu 21:23

Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Matiu 27:20

Avbe igie ohẹn kevbe avbe eniwanrẹn keghi kpikpi avbe emwa wẹ ne iran khama Pailet ne ọ fan Barabbas fua ne iran, ne ọ gbe Jesu.

Iyẹn ne ọ Maan Ọghe Mak 15:11

Sokpan avbe igie ohẹn keghi kpikpi emwa ni gbe ẹbu ye evba wẹ ne iran kha ma Pailet wẹ Barabbas iran ho ne ọ fan fua ighẹ ẹ i re Jesu.

Iyẹn ne ọ Maan Ọghe Jọn 8:20

Ẹghẹ ne Jesu na gha ma emwa emwi vbe Ọgua Osa ọre ọ na guan ẹmwẹ na hia, vbe ugha ne a viọ ẹkpẹti emwi imuohan yi. A ma miẹn ọmwa ne ọ muẹn rhunmwuda ẹghẹ ọre ma he sẹ.

Iyẹn ne ọ Maan Ọghe Jọn 8:59

Iran keghi mu nọ okuta ne iran filo gbe ẹe, sokpan Jesu rhie egbe lẹre, ọ keghi kpao vbe Ọgua Osa rre.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 21:30

Adesẹ ore ẹvbo hia keghi wa tighi ua, iran hia keghi wa mu vẹ, iran gua Pọl rhie, iran na hiọrọ ẹe hin uwu Ọgua Osa rre. Vbe ọwarọkpa nii, iran na khui urho Ọgua Osa.

Iwinna 22:22

Vbe Pọl te do ta ẹmwẹ na, emwa nii kegha danmwehọ ẹre, sokpan ẹghẹ na nian, iran keghi wa gha go kha wẹẹ, “Wa mu ẹn fua mwa! Gbe ẹe rua! Ọ ma kei ne ọ di agbọn ya!”

Iwinna 3:11

Ehe ne ọ na da Pita kevbe Jọn obọ yi nii, unu keghi yan emwa hia, iran kegha rhulẹ bu iran rre vbe ehe ne iran tie ẹre “Ugha Solomọn.”

Iwinna 5:12

Avbe Apọsol kegha winna iwinna ama kevbe ọyunnuan ni bun vbe adesẹ avbe emwa. Iran ni yayi hia kegha miẹn egbe vbe Ugha Solomọn.

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

Iwinna 6:14

Rhunmwuda, ma họn ẹn vbe ọ khare wẹẹ, Jesu ne Ovbi e Nazarẹt na, gha do guọghọ Ọgua Osa sẹ otọ, ọ ghi vbe fi iyi otọe mwa ne Mosis ma ima re werriẹ.”

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.