Jerimaia 26:3 - Edo Bible (E Baibol Ẹdo) Version 1996

³ Ughaghe avbe emwa nii gha danmwehọ, iran ghi mu uyinmwẹ dan iran fua. Iran gha ru vberriọ, I gha fi ekhọe mwẹ werriẹ vbe ọkhọ ne I ra wẹ ne ọ rruan iran rhunmwuda avbe emwi dan ne iran ru.”

Jerimaia 26:3 Iomraidhean Croise

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

I Ọba 21:29

“U miẹn vbene Ehab mu egbe rriotọ hẹ vbe odaro mwẹ? Rhunmwuda ne ọ na ru vberriọ, I i ghi zẹ ọkhọ na rruan rẹn vbe ọ he rre agbọn, ẹghẹ ovbi ẹre I gha na zẹ ọkhọ ne ọ rruan ẹgbẹe Ehab.”

Jerimaia 26:13

Wa fi uyinmwẹ uwa werriẹ, kevbe emwi ne uwa ru, ne uwa gha họn ẹmwẹ ne Nọyaẹnmwa ne Osanobua uwa. Wa gha ru vberriọ rẹn gha vbe fi ekhọe werriẹ vbekpa ọkhọ ne ọ wẹ ọ gha rruan uwa.

Jerimaia 26:19

E Hẹzekaia kevbe ivbi e Juda ma gbe Maika ua sokpan, e Hẹzekaia keghi gha mwẹ e Nọyaẹnmwa ọghọ, ọ na gha ho ne ọ miẹn aro nọ maa vbe obọ ẹre. E Nọyaẹnmwa keghi fi ekhọe werriẹ vbekpa ọkhọ ne ọ te wẹ ne ọ rruan iran. Ghe nian, ma ra ye obọ ima si ọkhọ rri egbe ima uhunmwu.”

Jerimaia 36:3

Ọ gha kẹe, ivbi Izrẹl gha họn ọkhọ ne I khare ighe ọ dee ra do rruan iran, iran gha zobọ vbe emwi dan ne iran ru. Ẹghẹ nii, mẹ ghi ya uyinmwẹ dan kevbe ọkhọ ne iran ru bọ iran.”

Jerimaia 36:7

Ughaghe, iran gha na erhunmwu ghe Nọyaẹnmwa, ne iran vbe fiwerriẹ hin odẹ dan iran rre, rhunmwuda, e Nọyaẹnmwa niẹn obọ ye emwa rẹn aro nẹ vbe uwu ohu kevbe okuosu ẹre ne ọ mu ohan.”

Ezikiẹl 12:3

“Banbanna nian, ovbi ọmwa kun emwi zẹ vbe ne ọmwa ne ọ lẹ la ẹvbo ẹrrẹe gha wa ru zẹẹ, ne u deyan okhian vbe ẹdẹ te mu. Gie emwa hia bẹghe ruẹ vbe u a ra kpao ne u gha rrie ehe ọvbehe. Ughaghe, avbe etẹ nii gha bẹghe ruẹ.

Ezikiẹl 18:21

“A deghẹ ọmwa dan dobọ orukhọ yi, ọ na rhie uhi mwẹ mwẹ, adeghẹ ọ ru emwi ne ọ kere kevbe ne ọ hẹnhẹn, rẹn i ra wu te ọ gha diagbọnya.

Hozia 11:9

Mẹ i ra ya ohu rri uwẹ oya. Mẹ i ra dọlegbe fuẹn Izrẹl rua ọvbehe rhunmwuda, Osanobua mẹ khin ighe ẹ i re ọmwa kẹkan. Mẹ, ne Ọmwa Nọhuanrẹn, mẹ gu uwẹ rrọ. Mẹ i ra ya ohu bu rua rre.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.