Jerimaia 26:23 - Edo Bible (E Baibol Ẹdo) Version 1996

²³ Iran keghi mu ẹẹn werriegbe bu e Jehoiakim ne ọba gha dee, ọ na gbẹe rua, ọ na fi ikun ẹnrẹn fi itẹ emwa kẹkan.)

Jerimaia 26:23 Iomraidhean Croise

II Ọba 23:37

E Jehoiakim keghi lele ukpowẹ erha ẹe odede, ọ na sẹ ẹmwẹ e Nọyaẹnmwa.

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Jerimaia 22:19

Otiti ne ọ rre irorinmwi ekẹtẹkẹtẹ, ọ re a ra ya si ẹe ladian a ghi fi ẹe fua. Vbe a ladian onurho e Jerusalẹm rre nẹ.”

Jerimaia 26:15

Sokpan, wa gie ọna gha rre uwa ekhọe wẹ adeghẹ wa gbe mwẹ uan, wa gha rria abe, kevbe emwa ni rre ẹvbo na wẹ wa gbe ọmwa ne ọ ma rukhọ ua, rhunmwuda, e Nọyaẹnmwa ọ re ọ gie mwẹ ne I do ta ẹmwẹ na yotọ ma uwa.”

Jerimaia 36:30

Rhunmwuda ọnii nian, mẹ ne Nọyaẹnmwa tama ruẹn, wẹ ne Jehoiakim ne ọba wẹ, a i ra miẹn ovbuẹ ne ọ gha rriọba yan otọ arriọba e Devid. A gha mu ikun ruẹn fua fi ehe ne ovẹn gha na gha gbe ẹe vbe avan amẹ ghi gha guẹguẹ yan rẹn vbe asọn.

Ezikiẹl 19:6

Ugbẹn vbe ọ ghi wan fo nẹ, ọ keghi deba avbe oduma nekpa gha kọn. Rẹn tobọ ẹre keghi ruẹe ohuẹ ne a ru ọ na vbe do khian emwi ne ọ rri ọmwa.

Matiu 14:10

Rhunmwuda ọnii ọre iran na ya fian e Jọn uhunmwu vbe uwu eghan.

I Tẹsalonaika 2:15

Iran ni gbe Nọyaẹnmwa Jesu kevbe avbe akhasẹ, iran keghi vbe khu ima khian. Umiẹn vbe ohu iran mu Osanobua hẹ! Umiẹn vbene iran khọ mu emwa hia hẹ!

Hibru 11:37

A filo okuta gbele iran uan, a sọ iran ye eva, a ya umozo gbele iran uan. A ya iran kin ughe vbene a na yọ iran ohian ẹwe ra ọghe ohuan, ivbiogue, ne a zẹ ọre owẹ kevbe ne a ru ẹre emwi oya.

Arhie Maan 11:7

Iran ghẹ ghi kpe orhu ẹmwẹ Osanobua fo nẹ, aranmwẹ oha ne ọ ke uwu uvun ne ẹ i mwẹ ehe ne ọ sẹe nii ladian ghi do gu iran gbinna, obọ ẹre gha ke ukhumwu ne ọghe iran, ọ ghi gbele iran uan.