Jerimaia 26:21 - Edo Bible (E Baibol Ẹdo) Version 1996

²¹ Ugbẹn vbe Jehoiakim kevbe avbe ekhaẹmwẹ ọnrẹn kevbe ivbiyokuo ẹre họọn ẹmwẹ ne Uraia tae, ọba keghi te gha ho ne ọ gbẹe rua, sokpan, Uraia keghi họn, ohan na mu ẹẹn, ọ na lẹ fi Igipt.

Jerimaia 26:21 Iomraidhean Croise

I Ọba 18:10

Ne I wa ye eni e Nọyaẹnmwa ne Osanobua vẹn ihẹn nian wẹ ehe i mwẹ ehe ne ọba ma he gualọ ọ la vbe otọe agbọn na. Ẹghẹ ne iran a rhirhi ya tama rẹn wẹ u i rre evba, ọ ghi ya enogie ẹvbo nii vẹn ihẹn wẹ ọ gha gele miẹn ọn.

II Krọnikol 16:10

Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.

II Krọnikol 24:21

E Joas ne ọba keghi deba emwa nii khuan khẹ e Zẹkaraia, emwa nii keghi filo okuta gbe Zẹkaraia a vbe ẹghodo Ọgua Osa zẹ vbene ọba wẹ ne iran ru ẹe.

Psalm 119:109

I mu egbe vbe ẹghẹ hia ne I wu ba ẹre, I ma he mianmian uhi ruẹ.

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Jerimaia 26:10

Ugbẹn vbe avbe ọkaolotu e Juda ghi họn emwi ne ọ sunu, iran keghi zẹgiẹgiẹ ke ẹguae ọba gha di Ọgua Osa, iran keghi mudia ye Onurho ọgbọn.

Jerimaia 36:26

Ẹre ọ na wẹ ne Okoro ighe Jeramil, kevbe Seraia ne ovbi Azriẹl kevbe Sielemia ne ovbi Abdil munọ imẹ kevbe ọgbenbe mwẹ ighe Barọk, sokpan, e Nọyaẹnmwa keghi viọ ima lẹre.

Jerimaia 38:4

Ẹre avbe ekhaẹmwẹ na na ya tama ọba wẹẹ, “Te ọ kere ne a gbe ọmwa na an. Ẹmwẹ ne ọ guan na te ọ ya ye egbe wọ avbe ivbiyokuo ni rre ẹvbo, erriọ ọ re ọ vbe ru avbe emwa ni rre ore ẹvbo hia. Ẹ i re te ọ zẹdẹ yi avbe emwa ni obọ, te ọ ho ne ọ kuan iran egbe.”

Matiu 10:23

Deghẹ iran zẹ uwa owẹ vbe ẹvbo ọkpa, wa lẹ gha rrie ọvbehe. Ne I tama uwa, ẹ i kẹ uwa ya winna la otọe Izrẹl hia fo Ovbi Ọmwa ke rre.

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Matiu 10:39

Ọmwaikọmwa ne ọ ho ne irẹn da orhiọn rẹn yi gha mu ẹn fua. Ọmwaikọmwa ne ọ mu orhiọn rẹn fua rhunmwuda mwẹ, ọ gha miẹn ọẹn rhie.

Matiu 14:5

Hẹrọd gha te wa gbe ẹe rua, sokpan ohan avbe Ju kegha muẹn rhunmwuda iran hia wa ka e Jọn ye akhasẹ ẹmwata.

Iyẹn ne ọ Maan Ọghe Mak 6:19

Rhunmwuda ọnii, Hẹrodias kegha kọn e Jọn, ọ te ho ne ọ gbẹe rua sokpan ohan Hẹrọd ma gi ẹe ru ẹe.