Jerimaia 26:2 - Edo Bible (E Baibol Ẹdo) Version 1996

² E Nọyaẹnmwa keghi tama mwẹ wẹẹ, “Ya mudia ye ọgua nọkhua ọghe Ọgua Osa, ne u talọ ẹmwẹ hia ne I wẹ ne u ta ma emwa nii kevbe avbe ẹvbo ni ke Juda rre do ga vbe evba. Ghẹ sẹ ọkpa rae vbọ.

Jerimaia 26:2 Iomraidhean Croise

Jerimaia 1:17

Mu egbe, Jerimaia, ya talọ avbe ẹmwẹ hia ne I we ne u tama iran, ma iran. Ghẹ gie ohan iran mu ẹẹn nian, ne a ghẹ miẹn wẹ te I ghi gie ohan iran mu ẹẹn sayọ vbe u gha sẹ ehe ne iran ye ne.

Jerimaia 1:7

Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Jerimaia 19:14

Ẹre I na kpao vbe Tofẹt rre, ehe ne Nọyaẹnmwa gie mwẹ gha rrie ne I na ya ta uhunmwu ne irẹn gie. I kegha rre ọgua nọkhua ọghe Ọgua Osa, I ke ya tama avbe emwa nii hia.

Jerimaia 23:28

Akhasẹ ne ọ minaẹn, giee kha ighe imina kẹkan nọ, sokpan akhasẹ ne ọ họn urhu mwẹ, we ne ọ ya ta uhunmwu ne I gie kpẹghẹ. De emwi ne a ye ihunhun ru vbe ehe ne ọka ye yi?

Jerimaia 25:2

I keghi tama ivbi e Juda kevbe ivbi e Jerusalẹm hia wẹẹ,

Jerimaia 28:5

Vbe sirra avbe ohẹn, kevbe avbe emwa ni mudia vbe ọgua Osa, I keghi tama Hananaia wẹẹ,

Jerimaia 36:10

Ehe ne emwa hia na wa danmwehọ nii e Barọk keghi tie avbe ẹmwẹ hia ne I taa ye ebe ohian nii ladian. Ọgua Osa ọ re ọ na tie ẹre vbe ughugha e Gemaraia ne ovbi e Siafan, ne ọgbenbe ẹguae. Ọgua ne ọ ke ukhunmwu, ọ re ughugha ẹre ye vbe ọkpẹn Onurho Ọgbọn ọghe Ọgua Osa.

Jerimaia 42:4

Mẹ keghi wanniẹn wẹẹ, “Ọ wa maa ẹsẹse, I gha na erhunmwu ghe Nọyaẹnmwa Osanobua, vbene uwa nọrẹn, emwi ne ọ rhirhi ghi vbe ta, I gha tama uwa. I i ra vbe rhie emwiọkpa lẹre ne uwa.”

Jerimaia 7:27

“Rhunmwudọnii nian Jerimaia, u ghi ta avbe ẹmwẹ na ma avbe emwa mwẹ, sokpan, iran i ra danmwehọ ruẹ. u gha tie iran sokpan, iran i ra khuẹnniẹn.

Ezikiẹl 3:10

Osanobua ke rhie bare wẹẹ, “Ovbi ọmwa, gbe ehọ kotọ ẹsẹse ne u ye ẹmwẹ hia ne I tama ruẹn rre.

Ezikiẹl 33:7

“Banbanna nian, ovbi ọmwa, I ya uwẹ ru abodẹ ne Izrẹl. I gha yan ma iran, u ghi tama iran.

Ezikiẹl 40:4

Rẹn keghi tama mwẹ wẹẹ, “Ovbi ọmwa, gbe aro kotọ, kakabọ danmwehọ ne u kakabọ ye avbe emwi ne I ra ma ruẹn re ẹro, rhunmwuda, ọnii ọ si ẹe ne a na mu ẹẹn gha die emwa na. U gha ya talọ emwi ne u miẹn hia ma ivbi Izrẹl.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Luk 19:47

Jesu kegha ma emwa emwi vbe uwu Ọgua Osa ẹdẹgbegbe. Iran ne igie ohẹn, iran ni ma emwa Uhi, kevbe avbe iran ne olotu emwa kegha ho ne iran gbe Jesu ua.

Iyẹn ne ọ Maan Ọghe Jọn 18:20

Jesu wanniẹn wẹẹ, “Azagba ọre I na ma emwa hia emwi, uwu Ọgua ediọn kevbe ọgua Osa ọre I na sirra avbe Ju ma emwa ni si koko ye evba emwi. I ma he do ta ẹmwẹ ọkpa ẹdẹ.

Iyẹn ne ọ Maan Ọghe Jọn 8:2

Vbe owiẹ vbirrivbirri vbe ẹdẹ ne ọ lele ẹe, Jesu keghi dọlegbe gha rrie Ọgua Osa, emwa hia keghi ma rhu ẹe, ọ keghi tota gha ma iran emwi.

Iwinna 20:20

Wa rẹnrẹn wẹ vbe uwu emwi hia ne ọ gha ma uwa egbe, ọkpa ne I ke ya ẹ i rrọọ vbe ne I na gha kpe orhu, I keghi vbe gha ma emwa emwi vbe adesẹ ore kevbe dọmwadẹ owa uwa.

Iwinna 20:27

Rhunmwuda, emwamwa Osanobua hia, ọkpa ne I ke ya ne I ma tama uwa ẹ i rrọọ.

Iwinna 5:25

Ẹghẹ ni ọre okpia ọkpa na do tama iran wẹẹ, “Ghe avbe emwa ne uwa viọ khui ye ẹwẹdọ wa rre uwu Ọgua Osa nian, iran gha ma emwa emwi.”

Iwinna 5:42

Iran kegha yo Ọgua Osa ugbugbẹhia. iran keghi vbe gha ya dọmwadẹ owa ya gha ma emwa emwi kevbe ne iran gha kpe orhu Iyẹn Ne ọ maa ọghe Jesu ne Mẹzaia.

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

Diuteronomi 4:2

Wa ghẹ rhie te emwi ne I ma uwa ẹre, wa ghẹ vbe rhie hin rre. Wa gha mu uhi Nọyaẹnmwa Osanobua ne I rhie ne uwa sẹ.

Jọsua 8:35

E Jọsua keghi wa tie uhi ọghe Mosis hia fẹẹrẹ ma emwa ni gbe ẹbu nii, ke ikhuo kevbe ibiẹka kevbe avbe ọrriọvbe ni rre ehe ne iran ye.

Arhie Maan 22:19

A deghẹ ọmwaikọmwa vbe fian hin rre vbe ebe na, Nọyaẹnmwa gha miẹn ẹre ne ọ te sẹ ọre obọ vbe ọmọ erhan ẹfe nii, kevbe ne ọ te re ọghọe vbe Ẹvbo Ne Ọ Huanrẹn nii, ne a ta ẹmwẹ ọnrẹn ye ebe na.