Jerimaia 26:18 - Edo Bible (E Baibol Ẹdo) Version 1996

¹⁸ “Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Jerimaia 26:18 Iomraidhean Croise

II Ọba 19:25

Wẹ ma he ka họn ighẹ ọ kpẹre ne I ghi mwamwa avbe emwi na ye otọ gha dee, ighẹ te I ghi do mu ẹẹn sẹ na? I rhie ẹtin ne uẹn ne u ya ye avbe ẹvbo ne a gbe odin gaa khian otiku emwi ni rẹnkhẹn uan.

II Krọnikol 32:26

Sokpan, vbe okiekie, e Hẹzekaia kevbe ivbi e Jerusalẹm keghi mu egberriotọ rhunmwuda ọnii, e Nọyaẹnmwa ma ghi rri emwa ni oya a te do miẹn wẹ Hẹzekaia wu.

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Psalm 79:1

Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

Jerimaia 17:3

Kevbe avbe oke nekhua vbe oha. I gha gie avbe eghian uwa viọ avbe ẹfe emwi ewe uwa gha rrie rhunmwuda avbe orukhọ hia ne uwa he ru lele otọe uwa hia.

Jerimaia 51:37

Ẹvbo ni gha khian utete itowa, ehe ne avbe aranmwẹ oha ghi dia. Te ọ khian gha mianmwẹ ughe, ọmwarhọkpa i ra yin evba, emwa ni miẹn ọẹn hia gha vbe runran.

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Maika 1:1

Ẹghẹ ne Jotam, Ehaz kevbe Hẹzekaia na gha re avbe ọba e Juda, ọ re Nọyaẹnmwa na gie Maika ne ovbi ẹvbo ne a tie ẹre Morẹsiẹt. E Nọyaẹnmwa keghi rhie avbe emwi na ma e Maika vbe ekpa Sameria kevbe Jerusalẹm.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Maika 4:1

Ẹdẹ dee ne a gha miẹn wẹ oke nii ne a bọ Ọgua Osa yi ọ re ọ ra yo sẹ ehia fẹẹrẹ, ọ ghi gha ghee ni dekẹe adesẹ uhunmwu. Agbọn ẹvbo nibun gha rre, iran ghi gha vẹ bu ẹre rre.

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.