Jerimaia 24:6 - Edo Bible (E Baibol Ẹdo) Version 1996

⁶ I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Jerimaia 24:6 Iomraidhean Croise

Gẹnẹsis 44:21

Enọwanrẹn, u na wẹ ne ima rhie ẹre rre ne u miẹn ọẹn,

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Nehimaia 5:19

Osanobua, lahọ, u ghi ye mwẹ rre vbe ne ọ maa, vbe ekpa emwi hia ne I ru ne avbe emwa na.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 44:2

Vbene u tobọọ khulo avbe nigẹbọ ladian hẹ u na gbe avbe emwa ruẹn ẹkun sotọ ye otọe iran. vbene u rri avbe agbọn ẹvbo nekpa oya hẹ. u na gie agbọn ma iran ne emwa ruẹn.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Aizaia 60:21

Emwa ruẹn hia gha ru emwi ne ọ kere iran gha vbe yan otọe nii ẹdẹdẹmwẹdẹ. Mẹ ọ re ọ kọ iran, mẹ ọ re ọ yi iran ne I ya rhie ukpọlọmwẹ mwẹ ma ehia.

Jerimaia 1:10

Vbe ẹdẹnẹrẹ na, I rhie asẹ ne uẹn yan uhunmwu avbe uhunmwu ẹvbo kevbe avbe otọe arriọba, ne u ya gha silo emwi vbọ kevbe ne u ya gha siẹn emwi sotọ, ne u ya gha rẹnkhẹn emwi uan kevbe ne u ya gha dunmwu emwi uan, ne u ya gha bọ kevbe ne u ya gha kọ.”

Jerimaia 12:15

Sokpan, I gha viọ iran kpao nẹ, I gha tohan iran, I gha viọ dọmwadẹ uhunmwu ẹvbo dọlegbe gha die otọ ẹre kevbe ẹvbo ẹre.

Jerimaia 16:15

Sokpan iran ghi ya eni mwẹ gha vẹn ihẹn, zẹvbe Osanobua ne ọ rrọọ ne ọ viọ ivbi Izrẹl ke otọe okuo rre, kevbe avbe ẹvbo ọvbehe, vbe ehe ne I zagha iran kui. I gha viọ iran werriegbe gha die ẹvbo iran, gha die otọe nii ne I mu ne avbe erha iran odede. Mẹ ne Nọyaẹnmwa ọ re ọ taa ẹe.

Jerimaia 21:10

I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 23:3

I gha si avbe emwa mwẹ ni dekẹe koko ke ẹvbo ne I zagha iran kui gha dee, I ghi viọ iran werriegbe gha die otọ iran. Iran gha biẹlẹ emọ nibun, iran ghi bun yọ vbe inu.

Jerimaia 29:10

“E Nọyaẹnmwa khare wẹẹ, ‘Ukpo ekigbesiyenẹ ọghe Babilọn ghẹ ghi gba nẹ, I gha do zẹ ye ẹmwẹ uwa, I gha mu eyan mwẹ sẹ wẹ I gha viọ uwa dọlegbe gha die owa.

Jerimaia 31:28

Zẹ vbene I wa mu aro yọ ne I vbọlọ kua, ne I siẹn gbotọ, ne I sua guọghua, ne I fuẹn ọnrẹn uan kevbe ne I rẹnkhẹn iran, erriọ ọ re I gha wa vbe mu aro yọ ne I kọ iran kevbe ne I bọlọ iran.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Jerimaia 32:37

I ra ya si avbe emwa nii hia koko ke ehe ne I te zagha iran kui vbe ohu mu mwẹ, werriegbe gha die emwa na, I gha gie iran gha rrọ vbe a i mwẹ ẹbe.

Jerimaia 32:41

I gha wa ye ọyẹnmwẹ gha ru emwi esi ne iran. I ghi vbe gbe iran ẹkun sotọ ẹdẹdẹmwẹdẹ vbe otọe na.

Jerimaia 33:7

I gha ya Juda kevbe Izrẹl khian ne agbọn marẹn ẹsẹse, I ghi dọlọ iran bọ ne iran do gha ye vbene iran ka gha ye ẹghẹ ne ọ gberra.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Jerimaia 39:12

“Wa ya gualọ e Jerimaia, ne uwa gbearoghe ẹre ẹsẹse, wa ghẹ kuan ẹre egbe sokpan, wa ru emwi ne ọ rhirhi nọ ne ẹẹn.”

Jerimaia 42:10

‘A deghẹ wa ho ne uwa ye gha rre otọe na, ẹghẹ nii, I gha dọlọ uwa yi. I i ghi ra vbe rhia uwa a. I gha mu uwa mudia, I i ra silo uwa vbọlọ. Ọkhọ ne I gie ẹe rruan uwa, wa ya ẹko mwẹ rhiaa ẹsẹse.

Ezikiẹl 36:24

I gha viọ uwa ke avbe uhunmwu ẹvbo kevbe agbọn ẹvbo ladian, I ghi viọ uwa werriegbe gha die otọe uwa.

Emọs 9:14

I gha viọ emwa mwẹ werriegbe gha die otọ iran, iran gha dọlọ ẹvbo iran ne ọ te guọghọ ua bọ. Iran ghi di ẹe ya. Iran gha gbe ugbo azara iran ghi da ayọn ẹnrẹn. Iran gha mu ugbo, iran ghi rhọ emwi ne iran kọe.

Diuteronomi 11:12

E Nọyaẹnmwa Osanobua uwa ọ re ọ gbe aro ghe otọe na, ọ ghi vbe gha ba ẹe ne ukpo rhu.

I Pita 3:12

Rhunmwuda, te Nọyaẹnmwa wa rhie aro ye egbe ọmwata, ọ ghi gha họn erhunmwu ẹnrẹn vbe ẹghẹ hia. Sokpan, ọ ghi mu aro da iran ni ru emwi dan.”