Jerimaia 24:5 - Edo Bible (E Baibol Ẹdo) Version 1996

⁵ “Mẹ ne Nọyaẹnmwa ne Osanobua Izrẹl rorẹe wẹ avbe emwa ne a viọ gha rrie Babilọn te iran yevbe ohọ esiesi na. I gha ya obọ itohan mu iran.

Jerimaia 24:5 Iomraidhean Croise

Psalm 119:67

Vbe u te do gbe mwẹ hin ọkhọ rre, te I te ba odẹ ku, sokpan, banbanna nian, te I ghi họn ẹmwẹ ne uẹn.

Psalm 119:71

Ọ ma mẹ vbe a gbe mwẹ hin ọkhọ rre, rhunmwuda, ọ ya mwẹ ruẹ iyi ruẹ.

Jerimaia 24:4

Ẹre Nọyaẹnmwa na khama mwẹ wẹẹ,

Jerimaia 29:11

Mẹ okpa kẹkan ọ re ọ rẹn emwamwa ne I mwamwa ẹn vbekpa uwa, emwamwa ọghe wẹ ne agbọn ma uwa ighe ẹ i re wẹ ne ọkhọ rruan uwa, emwamwa ọghe wẹ ne ọ sẹ uwa obọ ighe agbọn ne ọ maa ne uwa rhie aro yi ẹdẹ nakhuẹ.

Jerimaia 29:20

Wa hia fẹẹrẹ ne I gie ẹre iwe vbe Babilọn, wa ghi danmwehọ vbene I khare.’

Jerimaia 29:4

“E Nọyaẹnmwa ne Oghodua, ne ọ re Osanobua ọghe Izrẹl tama avbe emwa nii ne irẹn gie Nebukiadneza viọ ẹre oghunmwu ke Jerusalẹm kpao gha rrie Babilọn wẹẹ:

Ezikiẹl 11:17

“Rhunmwuda ọnii, tama iran vbene imẹ ne Nọyaẹnmwa ne Udazi kha hẹ. I gha si iran koko kevbe avbe ẹvbo ne I zagha iran kui gha dee, I ghi dọlegbe mu otọ Izrẹl ne iran.

Ezikiẹl 11:20

Ẹghẹ nii, iran gha rhie uhi mwẹ mwẹ, iran ghi vbe ya iyi mwẹ hia ru emwi vbe ẹko ata. Iran ghi gha re emwa mwẹ, mẹ ghi vbe gha re Osanobua iran.

Levitikọs 26:44

Ọ rhe ye vberriọ, ugbẹn vbe iran a gha rre ẹvbo eghian iran, I i ra wa fi iyeke gbe iran fo, ra ne I fuẹn iran an fẹẹrẹ. Ọnii gha rhie ufomwẹ ye ile ne imẹ gu iran ta sevba mẹ ọre Nọyaẹnmwa Osanobua iran.

Nahum 1:7

E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Matiu 25:12

Sokpan ọdafẹn ọha wanniẹn tama iran wẹẹ, ‘I ma rẹn uwa.’ ”

Iyẹn ne ọ Maan Ọghe Jọn 10:27

Avbe ohuan mwẹ danmwehọ urhu mwẹ. Mẹ rẹn iran, iran vbe lele mwẹ.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 8:3

Sokpan ọmwa ne ọ ho ẹmwẹ Osanobua, Osanobua rẹn ọnrẹn.

Galatia 4:9

Sokpan wanwan na nian, vbene uwa ghi na rẹn Osanobua nẹ, ra ne I wa kha wẹ, vbene Osanobua ghi na rẹn uwa nẹ, vbe ọ zẹ ne uwa na ho ne uwa dọlegbe bu avbe orhiọn ẹwobi ne vburriẹ, ni khaemwisẹ ni, gha khian yi? Vbe ọ zẹ ne uwa na dọlegbe ho ne uwa gha re eviẹn iran?

Diuteronomi 8:16

Ọ rhie mana ne uwa re vbe uwu ato, egbe evbare ne avbe erha uwa odede ma re ẹdẹ. Ọ keghi gie ọlọghọmwa gie uwa ne ọ miẹn ehe na danmwẹ uwa ghe, ne ọ miẹn ehe na ya emwi ne ọma fiangbe uwa vbe okiekie.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.