Jerimaia 24:10 - Edo Bible (E Baibol Ẹdo) Version 1996

¹⁰ I gha ya okuo ohanmwẹ kevbe emianmwẹ gu iran khọn a te miẹn wẹ okpa ma ghi kẹe vbe uwu iran vbe otọ nii ne I mu ne iran kevbe avbe erhan iran odede.”

Jerimaia 24:10 Iomraidhean Croise

I Ọba 14:15

E Nọyaẹnmwa gha rria Izrẹl ikhi. Ọ ghi gha mian gbẹghẹgbẹghẹ zẹ vbe ovbi erhan ne ọ zọ ye uwu ẹzẹ. Ọ gha silo ivbi Izrẹl vbọlọ hin otọe esiesi na ne ọ mu ne avbe erha iran odede. Ọ ghi zagha iran kua gberra Ẹzẹ Yufretes, rhunmwuda, iran gua izohu ẹre kpao vbekpa ne iran na ma amazẹ Asiẹrra ne ẹbọ ne okhuo.

Aizaia 51:19

Odekun eva ọ re u vbaa vbe egbe, okuo guọghọ otọe ruẹ hia ohanmwẹ gbe avbe emwa ruẹn. A ma miẹn ọmwa ne ọ tohan ruẹn.

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 15:2

Iran gha nọ ruẹn wẹ de ehe ne iran ra gha rrie, tama iran wẹ I khare re wẹẹ: “Eso rrọ ne emianmwẹ ra gbele ehe ne iran ra gha rrie ọre ọnii khin! Eso rrọ ni gha wulo vbe okuo ehe ne iran ra gha rrie ọre ọnii khin! Eso rrọ ne ohanmwẹ gha gbele ua ehe ne iran ra gha rrie ọ re ọnii khin! Eso rrọ ne a gha viọ ẹre oghunmwu gha rrie. Ehe ne iran ra gha rrie ọre ọnii khin.

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 19:7

Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 21:9

Ọmwa ikọmwa ne ọ rre ore ẹvbo, okuo gha gbe ẹe ra ohanmwẹ ra emianmwẹ. Sokpan, ọmwa ikọmwa ne ọ ladian, ọ na wa tobọ ẹre bu ivbi e Babilọn gha khian, iran ni wa khọn ẹvbo na khian na, a i ra gbe ẹe rua, ọ gha miẹn ikpakpuhunmu ẹnrẹn rhie ladian, ọ ghi baa, ọ ghi khọ.

Jerimaia 27:8

“Sokpan, a deghẹ a miẹn ẹvbo ra arriọba ne ọ wẹ rẹn i ga gie ẹe, I gha ye okuo rri uhunmwu ẹvbo ni oya, kevbe ohanmwẹ kevbe emianmwẹ rhinrin a te do miẹn wẹ, I wa rhie ẹghẹ ne Nebukiadneza ya fuẹn ọnrẹn uan fẹẹrẹ.

Jerimaia 29:17

E Nọyaẹnmwa ne Oghodua khare wẹẹ, ‘I mu okuo, ohanmwẹ kevbe emianmwẹ bu iran dee I gha ru iran zẹ vbe ọmọ ohọ ni kẹkẹ gbe ne ẹ ighi gia re.

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 32:25

Sevba, e Nọyaẹnmwa ne Udazi, wẹ ọ re ọ we mwẹ dẹ ako oha nii vbe sirra avbe osẹe, a gha rhe miẹn wẹ te iran ghi ra khọn mu ẹvbo ni ighe ivbi e Babilọn.”

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 42:17

Emwa hia ni wa kha ighe Igipt iran ra ya dia, okuo ọ re ọ ra gbele iran, ra ohanmwẹ ra emianmwẹ. Ọkpa ne ọ ra miẹn uhunmwu i rre uwu iran, ọkpa ne ọ gha lẹ ọkhọ ne I ra we ne ọ do rruan iran fe, ẹ i rrọọ.’

Jerimaia 42:22

Rhunmwuda ọnii, wa ghi yerre o, okuo ọ re uwa ra wulo yi, ra ohanmwẹ ra emianmwẹ ọ re ọ ra gbele uwa a vbe ẹvbo ne uwa khare ighe wa ra gha rrie ne uwa ya yin ẹnrẹn.”

Jerimaia 5:12

Emwa e Nọyaẹnmwa siẹn ọẹn, iran keghi kha wẹẹ, “Vbe ẹmwata, ẹ i ra ru emwi rhọkpa, ma i ra miẹn emwi ne ọ ba vbe aro, ma i ra miẹn okuo ra ukhunmwu.”

Jerimaia 9:15

Rhunmwuda ọnii nian, danmwehọ emwi ne imẹ ne Nọyaẹnmwa ne Oghodua ne Osanobua Izrẹl, gha ru. I gha rhie erhan ne ọ rriara ne emwa mwẹ kpe zẹvbe ukpakọn, I ghi vbe mu eruan ne iran wọn.

Jerimaia 9:16

I gha zagha iran lele avbe ehe ne iran tobọ iran ra avbe erha iran odede ma he họn ẹmwẹ ọnrẹn ẹdẹ. I ghi vbe gie ivbiyokuo ne ọ mu aro da iran, rhinrin I te do fuẹn iran an fẹẹrẹ.”

Ezikiẹl 33:27

“Tama iran wẹ mẹ ne Nọyaẹnmwa ne Udazi tama iran wẹ omwa vbe ne aro na dae wẹ mẹ ọrọre Osanobua ne ọ rrọ, te a ra gbele iran ni rre ẹvbo ne a rẹnkhuan nii hia a. Aranmwẹ oha gha rri iran ni rre avbe igue, emianmwẹ gha gbele iran ni lẹre ye uvun okuta kevbe avbe uhunmwu oke.

Ezikiẹl 6:11

E Nọyaẹnmwa ne Udazi khare wẹẹ, “Ma khinkhiẹn egbe ua! Gbe igiẹngian! Vbe viẹ egbuẹ ua! rhunmwuda emwi dan ni hu ọmwa ẹko ne ivbi Izrẹl ru. Te iran ra ya wulo ye okuo, ra ohanmwẹ ọ ra gbele iran an, ra emianmwẹ.

Ezikiẹl 7:15

Igbinna wa rre adesẹ ore, emianmwẹ kevbe ohanmwẹ wa rre uwu owa. Ọmwaikọmwa ne ọ fi owẹ hin ore ẹvbo rre, ladian gha wu ye igbinna nii, emwa ni vbe rre ore ẹvbo, obọ emianmwẹ kevbe ohanmwẹ gha vba iran.

Diuteronomi 28:21

Ọ ghi gha gie emianmwẹ rre do gha vba emianmwẹ vbe egbe uwa a te do miẹn wẹ ọkpa ma ghi ke ẹe vbe uwu uwa vbe otọe ne uwa ra yin na.

Arhie Maan 6:8

I ghi tọn aro mu, I keghi bẹghe ẹsin ne egbe ẹre fua banbanban. Iran kegha tie ọmwa ne ọ hin ẹnrẹn khian, “Uwu.” Ẹrinmwi erhẹn keghi wa gha lele ẹre usomwẹ owẹ khian. A keghi rhie asẹ ne iran yan obọ ọkpa vbe vbe a gha wa agbọn ye ihe enẹ, ne iran ya umozo kevbe ukhunmwu kevbe emianmwẹ, kevbe avbe aranmwẹ ni khọ ni rre otọ agbọn, gbele emwa.