Jerimaia 24:1 - Edo Bible (E Baibol Ẹdo) Version 1996

¹ E Nọyaẹnmwa keghi viọ okhuae ohọ eva ma mwẹ, a keghi viọ iran ye Ọgua Osa (Ọna kegha re iyeke vbe Nebukiadneza ọghe Babilọn mu ovbi e Jehoiakim ighẹ Jehoiakin ne ọba e Juda) kpao vbe Jerusalẹm gha rrie Babilọn zẹ vbe oghunmwu, kẹe kevbe avbe ọkaolotu e Juda avbe emwa iwinna kevbe iran ni guẹ ona.

Jerimaia 24:1 Iomraidhean Croise

II Ọba 24:10

Ẹghẹ ọre, ọre avbe ekaokuo e Nebukiadneza ne ọba na viọ ivbi iyokuo e Babilọn do gha khọn e Jerusalẹm.

II Krọnikol 36:10

Ọ ghi sẹ omuhẹn orhọ, e Nebukiadneza ne ọba keghi mu e Jehoiakin oghunmwu gha rrie Babilọn, ọ na vbe viọ emwi ẹwe ni rre Ọgua Osa gha rrie. Ẹre Nebukiadneza na ya ovbi erha e Jehoiakin ighẹ Zedekaia ma ọba e Juda kevbe Jerusalẹm.

Aizaia 13:1

Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Jerimaia 13:19

Avbe okpẹvbo ni rre odẹ ekẹn e Juda, okuo ghae gae ẹre nẹ, ọmwa ne ọ gha miẹn ehe la sẹ eke ne iran ye irrọ. A viọ ivbi e Juda hia kpao gha rrie iwe nẹ.”

Jerimaia 28:4

I gha vbe rhie ọba e Juda dọlegbe rre, ighe Jehoiakin ne ovbi e Jehoiakim, deba emwa e Juda hia fẹẹrẹ ni gha rrie iwe vbe Babilọn. Ẹn, te I ra bun ẹtin ọba e Babilọn, Mẹ ne Nọyaẹnmwa ọ re ọ tae.”

Jerimaia 29:1

I keghi gbẹn ebe gie avbe ohẹn avbe akhasẹ avbe ọkaolotu emwa nii, kevbe avbe emwa ọvbehe hia ne Nebukiadneza viọ ẹre oghunmwu ke Jerusalẹm kpao gha rrie Babilọn.

Jerimaia 29:2

A mu Jehoiakim, iye ẹe, avbe ekhaẹmwẹ ẹguae, avbe ọkaolotu e Juda kevbe Jerusalẹm, avbe owinna kevbe emwa ni guẹ iwinna, kpao gha rrie iwe nẹ, I ke gbẹn nene ebe.

Jerimaia 37:1

E Nebukiadneza ne ọba e Babilọn keghi ya Zedekaia ne ovbi e Josaia rriọba e Juda ye ihe Jehoiakin ne ovbe Jehoiakim.

Ezikiẹl 17:4

ọ na mu ẹẹn gha rrie otọe ne a na do ẹki, ọ na vbe mu ẹẹn ye ẹvbo ne a na do ẹki.

Ezikiẹl 19:9

Iran keghi mu ẹẹn ye uwu ẹkpẹti okhuae, iran na mu ẹẹn gie ọba e Babilọn. Iran keghi viọ emwa ne iran gha ba ẹe ne a ghẹ ghi dọlegbe họn vbe ọ vannọ ọvbehe vbe uhunmwu oke Izrẹl.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Emọs 7:1

I keghi miẹn umian ne ọ ke ehe ne Nọyaẹnmwa ne Udazi ye rre. I keghi bẹghe ẹre vbe ọ yi oghẹn irhiso, vbe a gha da wa fian irunmwu ne ẹsin re ọghe ọba, vbe avbe irunmwu nii ghi wa dọlegbe suẹn gha zọọ.

Emọs 7:4

I keghi vbe miẹn umian ọvbehe ke ehe ne Nọyaẹnmwa ne Udazi ye gha dee. Vbe uwu ẹre, I keghi bẹghe ẹre vbe ọ mu egbe ne ọ do ya erhẹn rri emwa rẹn oya. Erhẹn ni keghi giẹn okun nọkhua ne ọ rre uwu otọ, ọ keghi vbe suẹn gha giẹn otọe kẹkan.

Emọs 7:7

I keghi vbe miẹn umian ọvbehe ke ehe ne Nọyaẹnmwa ye rre. Vbe uwu ẹre, I keghi bẹghe ẹre vbe ọ mudia ke ekẹn ne a ya emwi ne a ya mwa egbekẹn mwaa vbe a gbe ẹe, rẹn keghi vbe mwẹ emwi ne a ya mwa egbekẹn vbe obọ ẹre.

Zẹkaraia 1:20

Ẹre Nọyaẹnmwa na ma mwẹ arhiẹn enẹ ni winna, ni viọ umọmọ mwẹ obọ.

Zẹkaraia 3:1

Vbe umian ọvbehe, e Nọyaẹnmwa keghi mu Ogie Ohẹn ighe Jọsua ma mwẹ, ọ keghi mudia ye odaro odibosa e Nọyaẹnmwa. E Satan keghi vbe mudia ke Jọsua, ọ mu egbe ne ọ ba ẹre ifi ẹzọ.