Jerimaia 23:2 - Edo Bible (E Baibol Ẹdo) Version 1996

² Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Jerimaia 23:2 Iomraidhean Croise

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Jerimaia 10:21

Mẹ keghi wanniẹn wẹẹ, “Akpa ọ re avbe ọkaolotu mwa khin; iran ma wẹ ne Nọyaẹnmwa ma iran odẹ, ọ na ọ sii ẹe ne ọ ma na dunna ne iran, te a ghi zagha emwa ima hia kua.

Jerimaia 11:22

Rhunmwuda ọnii, e Nọyaẹnmwa ne Oghodua ke kha wẹẹ, “I gha rri iran oya! A gha gbele avbe igbama iran vbe okuo; ohanmwẹ gha gbele ivbi iran an.

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Jerimaia 13:20

E Jerusalẹm ghe! Ghe! Avbe eghian ruẹn wa ke odẹ okuọ dee! Emwa ne a viọ nuẹn viọ mwẹ vbo, avbe emwa ruẹn ne u ya ghagha.

Jerimaia 13:21

A deghẹ avbe emwa ne u tie ẹre ọse ruẹ ghi khọn ruẹn, iran na gha khaemwisẹ yan ruẹn, vbe u a ra kha hẹ. U ghi do gha rre uwu obalọ, zẹ vbe okhuo ne emwi ubiẹmwẹ ru.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 23:34

Adeghẹ ọkpa vbe uwu avbe emwa mwẹ, ra akhasẹ ra ohẹn vbe lo ẹmwẹ ni wẹẹ, ‘Ihẹ e Nọyaẹnmwa,’ I gha rri irẹn vbe ẹgbẹe ọre oya.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 5:29

“Sokpan, mẹ ne Nọyaẹnmwa gha rria iran ikhi ye emwi na, I gha rria uhunmwu ẹvbo na ikhi.

Jerimaia 5:9

Ọ ma kei ne I rri iran oya ye emwi na ra, ne I vbe rria ẹvbo nii ikhi ye emwi vbenian?

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Ezikiẹl 34:5

Rhunmwuda ighe nene ohuan i mwẹ ne ọ su ẹe, iran keghi zagha kua, aranmwẹ akọn kegha gbele iran re.

Hozia 2:13

I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Maika 7:4

Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.

Zẹkaraia 10:3

E Nọyaẹnmwa khare wẹẹ, “Ohu avbe erhunmwuyẹn ni khaemwisẹ yan emwa mwẹ wa mu mwẹ, te I ra rri iran oya. Ọghomwẹ ọre ivbi e Juda khin. Mẹ ne Nọyaẹnmwa ne Oghodua ọ re ọ ra gha gbearoghe iran. Iran gha khian ẹsin okuo mwẹ ne mwẹ ẹtin.

Zẹkaraia 11:16

I rhie ọsuohuan ne ọ gha su ohuan mwẹ, sokpan, ẹ i zẹ ye avbe ohuan ne ọfuan wa sobọ vbe urho ẹre vbọ re, ra ne ọ ya gualọ ne ọ wiri, ra ne ọ sinmwi iran ne a kuan rẹn, ra ne ọ koko ni gha vbe miẹn uhunmwu vbọ. Ne ọ gha na te ru vberriọ. emiowo ọghe ni ti ni rrọ ọre ọ re, ọ ghi gha bannọ iran ibata owẹ hẹ kua.

Matiu 25:36

I rre irhunmwirhun, wa keghi rhie ukpọn rhuan mwẹ, I khuọnmwi, wa keghi gbe aro ghe mwẹ, I rre uwu eghan, wa keghi do tuẹ mwẹ.’

Matiu 25:43

I re orhunmwuyẹn, wa ma rhie mwẹ la owa rua, I rre irhunmwirhun, wa ma rhie ukpọn rhuan mwẹ, I khuọnmwi, I rre uwu eghan, wa ma do miẹn mwẹ.’

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.