Jerimaia 23:12 - Edo Bible (E Baibol Ẹdo) Version 1996

¹² Odẹ ne iran la khian gha miọnghọn, ọ ghi vbe so ebiebi I gha gie iran rrua owẹ ne iran dele. I ra gie ọkhọ do rruan iran ẹghẹ ne a gha na rri iran oya dee. Mẹ ne Nọyaẹnmwa tae nẹ.

Jerimaia 23:12 Iomraidhean Croise

Job 18:18

A gha khu ẹe fua hin otọ emwa ni rre agbọn, a ghi khu ẹe fua vbe uwanmwẹ la ebiebi.

Psalm 35:6

Te odẹ iran gha so ebiebi, ne ọ gha miọnghọn, ne odibosa e Nọyaẹnmwa gbele iran ku otọ.

Psalm 73:18

Te uwẹ ra viọ iran ye ehe ni miọnghọn, u ghi gie iran dele la ọrhiae rriẹ.

Psalm 82:5

“Wa ma rẹn emwi rhọkpa hiehiere! A miẹn vbe uwa kọn hẹ! Te uwa wa kẹkẹ ua, a vbe ho ohiẹn ẹmwata bẹkun nẹ vbe agbọn.

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Itan 4:19

Sokpan, te odẹ ne ọmwa dan la khian yevbe asọn. Iran ghi dele sokpan iran i bẹghe emwi ne ọ rrua iran owẹ.

Aizaia 8:22

ra iran ghi gha ghe otọe sokpan, iran i ra bẹghe emwi ọvbehe gberra ọlọghọmwa kevbe ebiebi, ebiebi ne ọ gbe orrirri ne iran ra khulo iran lao. Odẹ ne iran gha la miẹn uhunmwu vbe egbe ọlọghọmwa na, ẹ i rrọ.

Jerimaia 11:23

A gha gbele avbe igbama iran vbe okuo; ohanmwẹ gha gbele ivbi iran an. I rhie ẹghẹ yọ nẹ ne I gha gie ọkhọ ya rruan ivbi Anatọt, ọ gha sẹ ẹghẹ nii, okpa ne ọ ra miẹn uhunmwu vbọ i rrọọ.”

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Eve Orriara 2:20

Tọn aro mu Nọyaẹnmwa! Tọn aro mu ghe iran ne u sẹ ọre usẹ! Iyemọ gha gbele emọ ne iran ho ẹmwẹ ọnrẹn re! A gha gbele avbe ohẹn kevbe avbe akhasẹ ye uwu Ọgua Osa tobọẹre!

Maika 7:4

Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.

Iyẹn ne ọ Maan Ọghe Jọn 12:35

Jesu tama iran wẹẹ, “Uwanmwẹ gha ye gu uwa mudia kpẹe kherhe. Wa yin uyinmwẹ ẹdẹ agbọn uwa vbene uwa na mwẹ uwanmwẹ, ne ebiebi ighe do hẹ rhu uwa rhunmwuda, ọmwa ne ọ khian vbe ebiebi ma rẹn ehe ne ọ rrie.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.

Ebe ne Jud gbẹẹn 1:13

Iran ye vbe ogbigbi amẹ a kuọkan, ọghe okun, vbene uyinmwẹ efa iran na rhiegbe ma zẹ vbe ihu. Iran ye vbe orhọnmwẹ ni hẹ yo hẹ rre, emwa ne Osanobua rhie ihe ye otọ khẹ nẹ, vbe uwu ebiebi ne ọ dinmwi sẹẹ.