Jerimaia 22:6 - Edo Bible (E Baibol Ẹdo) Version 1996

⁶ Te ẹguae ọba e Juda ye mose mose vbe aro mwẹ, zẹ vbene iran ye ighe otọe Giliad kevbe avbe Oke Lebanọn, sokpan, I gha ya ẹe khian otọe ne ọ dihoi rua, ehe ne ọmwarhọkpa i ye.

Jerimaia 22:6 Iomraidhean Croise

Gẹnẹsis 37:25

Ugbẹn vbe iran ghi rri evbare, iran keghi miẹn vbe ọwarọkpa emwa Ismẹl ni ke Giliad dee, iran rrie Igipt. Iran ye ekẹtẹkẹtẹ kun avbe ọmọ erhan ne a re eso kevbe ne ọ winhin, iran viọ rrie Igipt.

Psalm 107:34

Ọ ya avbe otọ ni maa emwiokọ khian otọe umwẹ, ni la ọ rhie rriẹ, rhunmwuda uyimwẹ dan avbe emwa ni rrọọ.

Ihuan Ne Ọ Sọọ Ihuan Hia 4:1

A miẹn vbene u mose hẹ enida mwẹ, a miẹn vbene aro ruẹ fi hẹ wainwain. Vbe ukpọn ne u rhie gue uharo. Eto ruẹ gha bi yo bi rre vbe oghẹn ẹwe ni rhulẹ rrie ototọ oke Giliad.

Ihuan Ne Ọ Sọọ Ihuan Hia 5:15

Ekuawẹ ọre keghi re orre alabasta ne a viọ ye ako igoru ọ ye gbangbangban vbe Oke Lebanọn deba sida ni taẹn ni rrọọ

Aizaia 27:10

Ẹvbo ne a gbe ekẹn gaa nii khian itowa. Emwa lẹkua vbọ zẹ vbe ẹgbo ne ọ dihoi rua. Ọ khian ehe ne avbe ẹmila na rria.

Aizaia 37:24

U giee avbe eguọmwadia ruẹ, ne iran do rhuọ ma mwẹ ighẹ u ye avbe ikẹkẹ okuo ruẹ hia khọn ehe ne ọ yo sẹ vbe oke Lebanọn mu otọ nẹ. U rhuọ ma mwẹ wẹ evba nii ọ re u na tọnnọ avbe sida ni tan sẹẹ gbotọ deba avbe uvbiakhẹ ni mose sẹẹ hia, kevbe wẹ u sẹẹ ehe ne ọ ghi dinmwi sẹẹ vbe uwu ẹgbo nii.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 21:11

E Nọyaẹnmwa keghi tama mwẹ wẹ ne I gha rrie owa ọba e Juda ne ovbi uniẹn e Devid ne I ya tama iran wẹẹ, “Danmwehọ ẹmwẹ ne imẹ ne Nọyaẹnmwa tae. Gie a miẹn wẹ ohiẹn ẹmwata ọ re a bu ẹdẹgbegbe. Mudia ne ọmwa ne a mu ru vbe ehe ne ọmwa ne ọ mu ẹẹn ru ye. A deghẹ u ma ru vberriọ, emwi dan ne u ru gha ye ohu mwẹ giẹn zẹ vbe erhẹn ne a i sẹtin dọyọ.

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 22:24

E Nọyaẹnmwa keghi tama e Jehoiakin, ọha ne ovbi e Jehoiakim ne Ọba e Juda wẹẹ, “Omwa vbene a miẹn wẹ mẹ ọ re ọ gele re Osanobua ne ọ rrọọ, ọ gha khọnrẹn ne a miẹn wẹ wẹ ọrọre oroka asẹ ne ọ rrọ mwẹ obọ erha ọmwa, te I yuo ruẹ fua.

Jerimaia 26:18

“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Jerimaia 4:20

Ọfuan okpa lele ọvbehe itowa ọre ẹvbo nii hia ghi khin. Iran dunmwu agọ ima hia vbe udomwurri iran yanghan ukpọn onurho ni rrọ ua.

Jerimaia 4:7

Zẹvbe oduma ne ọ ke ehe ne ọ lẹre yi dee. Onii ne ọ rẹnkhẹn ẹvbo ua la odẹ nẹ. Ọ dee do rẹnkhẹn e Juda. Te a ra ye avbe ẹvbo ni rre Juda khian itowa ọmwa ne ọ gha yin ẹnrẹn i ghi rrọọ.

Jerimaia 50:12

Sokpan, ẹvbo uwa nọkhua, a gha mu ẹẹn rriotọ, a gha vbe fa ẹre ua. E Babilọn ọ re ọ ghi ra do gha re ẹvbo ne ọ kanmwa sẹẹ ẹvbo vbe uwu ehia; ọ gha do khian ato ne ọ kae ne amẹ i ye.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Zẹkaraia 11:1

Kie urho ye otọ, Lebanọn, ne u gie erhẹn do giẹn avbe erhan isida ruẹ hia sẹ otọ!

Nọmbas 32:1

Ẹwae ọghe Riubẹn kevbe Gad keghi wa gha mwẹ ẹmila ni bun ẹsẹse. Ugbẹn vbe iran ghi miẹn vbene otọe Jazẹ kevbe Giliad maa ne avbe ẹmila hẹ,

Diuteronomi 3:25

E Nọyaẹnmwa, gun mwẹ fian Ẹzẹ Jọdan rra ne I miẹn ehe na miẹn otọe ne ọ ma emwi okọ ne ọ rre obọ nọkpa, ẹvbo oke ne mose mose nii, kevbe Oke Lebanọn.’