Jerimaia 22:5 - Edo Bible (E Baibol Ẹdo) Version 1996

⁵ “Sokpan, a deghẹ wa ma ghi rhie ẹmwẹ ne I tae, I wa vẹn ihẹn ya tae ma uwa wẹ, ẹguae na gha khian itowa. Mẹ ne Nọyaẹnmwa ọ re ọ taa ẹe.

Jerimaia 22:5 Iomraidhean Croise

Gẹnẹsis 22:16

“I ye eni mwẹ yan, Nọyaẹnmwa ọre ọ guan na, wẹẹ I gha fiangbuẹ ẹsẹse rhunmwuda emwi ne u ru na ne u ma na gun mwẹ sinmwi ovbuẹ,

II Krọnikol 7:19

Sokpan adeghẹ a na miẹn vbe ẹghẹ ke ẹghẹ wẹ, wẹ vbe emwa ruẹn rra uhi mwẹ kevbe iyi mwẹ ne I yi ma uwa, wa na ya gha ga ẹbọ ọvbehe.

II Krọnikol 7:21

“Banbanna nian, emwa hia ọ re ọ ya ọghọ ne Ọgua Osa na, sokpan, ọ gha sẹ ẹghẹ nii, unu ghi yan emwa hia ni rhirhi lae gberra, iran ghi nọ wẹẹ, ‘Vbọzẹ ne Nọyaẹnmwa na ru otọe na kevbe Ọgua Osa rẹn vbenian yi?’

II Krọnikol 7:22

Emwa ghi wanniẹn wẹẹ, ‘Rhunmwuda ighẹ iran fi iyeke gbe Nọyaẹnmwa ne Osanobua iran, ne ọ viọ avbe erha iran odede ke Igipt ladian gha dee, iran keghi kpe iku gie ẹbọ ọvbehe, iran na gha ga iran. Ọnii ọ sii ẹe ne Nọyaẹnmwa na gie emwi dan na rruan iran.’ ”

Psalm 95:11

Ohu keghi mu mwẹ ọre I na yan wẹẹ, ‘Wa i ra la otọe nii ne I gha na te rriẹ ikẹtin ne uwa.’ ”

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Jerimaia 17:27

“Sokpan, te ọ kere ne iran gha họn ẹmwẹ mẹ, ne iran gha ru Ẹdẹ Ikẹtin zẹ vbe ẹdẹ nọhuanrẹn. Iran ghẹ mu ihẹikeikẹ la onurho e Jerusalẹm gberra vbe ẹdẹ vberriọ, iran gha danmwẹ ọẹn, I gha mu erhẹn ye onurho e Jerusalẹm. Erhẹn gha giẹn ẹguae ne ọ rre Jerusalẹm, ai ra vbe miẹn ọmwa ne ọ gha sẹtin dọ ẹre yọ.”

Jerimaia 26:4

E Nọyaẹnmwa keghi tama mwẹ wẹ ne I tama avbe emwa nii wẹẹ, “Mẹ ne Nọyaẹnmwa ọ re ọ tama uwa wẹ ne u wa gha họn ẹmwẹ mẹ vbekpa ne uwa gha na gha ya emwi ne I ma uwa ẹre ru emwi.

Jerimaia 39:8

Vbe uwu ẹghẹ na, ivbi Babilọn keghi giẹẹn ẹguae ọba sotọ ke ẹe kevbe owa avbe emwa nii, iran keghi vbe guọghọ ekẹn ne a gbe lẹga e Jerusalẹm kua.

Jerimaia 44:26

Sokpan, wa danmwehọ nian, eyan ne imẹ ne Nọyaẹnmwa, ya eni mwẹ nọkhua yan ma uwa ne ivbi Izrẹl ni rre Igipt wẹẹ, ‘Mẹ i ghi ra dọlegbe gie ọmwaikọmwa vbe uwu uwa ya eni mwẹ yan emwi wẹ I ya eni e Nọyaẹnmwa ne Udazi ne ọ rrọọ vinhẹn.’

Emọs 6:8

Udazi ne Nọyaẹnmwa ne Oghodua ọ re ọ tua unu mu ẹmwẹ na taa ẹe wẹẹ, “Uhiomwẹ ne ivbi Izrẹl hio wa sọnnọ mwẹ, ẹko i rhiẹnrhiẹn mwẹ ye owa nekhua ọghe ọkpọkua ne iran bọlọe. I gha mu igiogbẹ ẹvbo iran, kevbe emwi ni rre uwu ẹre hia ne avbe eghian.”

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Matiu 23:38

Banbanna nian, ẹvbo ruẹ khian evba he!

Hibru 3:18

Ẹghẹ ne Osanobua na yan wẹ, “Iran i ra la owa do gun mwẹ kẹtin,” de emwa ne ọ kha yi? Iran ni sọtẹ ọre ọ kha.

Hibru 6:13

Ẹghẹ ne Osanobua na ve Ebraham emwi ọ keghi yan wẹ, rẹn gha ru vbene irẹn ve. Ugbẹn vbe a miẹn wẹ, ọmwa ne ọ kpọlọ sẹ irẹn i ghi rrọọ, ọ keghi ye eni egbe ẹre yan nene eyan.

Hibru 6:17

Osanobua keghi ho ne ọ rhie maa emwa ne emwi ne irẹn ve gha sẹ ọre obọ hia wẹ, rẹn i ra fi ekhọe werriẹ: rhunmwuda ọnii, ọ na rhie eyan na te emwi ne ọ ve.