Jerimaia 22:3 - Edo Bible (E Baibol Ẹdo) Version 1996

³ “Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Jerimaia 22:3 Iomraidhean Croise

II Samuẹl 23:3

Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,

II Ọba 24:4

kpataki, rhunmwuda emwa ni ma rukhọ ne ọ gbele, ọnii ma gie Nọyaẹnmwa yabọ e Manasẹ.

Job 22:9

Ẹ i re u ma ru iyobọ ne avbe ẹgbẹ ọkpa, sokpan deba ọnii, u keghi do avbe emọ ne ẹ i mwẹ erha emwi hẹ, u na gha ru iran khọ.

Job 24:9

“Emwa dan ghi gha ya emobọ ne ẹ i mwẹ erha ru eviẹn, ọ ghi viọ ivbi ovbiogue ya ha osa.

Psalm 68:5

Osanobua ne ọ rre uwu Ọgua Osa ẹre nọhuanrẹn gbearoghe ọ re ọ gbearoghe avbe emọ ni i mwẹ erha rẹn ọ re ọ degue avbe ẹgbẹe.

Psalm 82:4

Wa gha fannọ iran ye otọ vbe obọ emwa dan.

Psalm 94:21

Iran ni khuan khẹ emwa ẹmwata, ni bu abe uwu gbe ọmwa ne ọ ma rri abe.

Psalm 94:6

Iran gbele avbe ẹgbẹe kevbe emọ ne ẹ i mwẹ erha iran keghi vbe gbele avbe erriọvbe ni rre otọe mwa.

Ẹksọdọs 22:21

“Wa ghẹ ya obọ dan mu orhunmwuyẹn ra ne a ru ẹe khọ, yerre wẹ orhunmwuyẹn wẹ vbe gha khin vbe Igipt.

Ẹksọdọs 22:22

Wa ghẹ ru ọmọ ne ẹ i mwẹ erha ra ẹgbẹ khọ.

Itan 23:10

Ghẹ vbọ ikhinmwi ne ẹdẹ ne u miẹn ehe na mu otọ ọmọ ne ẹ i mwẹ erha.

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Aizaia 58:7

Wa fian ne iran ne ohanmwẹ gbe vbe evbare uwa, ne uwa vbe gha gie iran ne ivbiogue ne ẹ i mwẹ owa gha la owa uwa. Wa gha viọ ukpọn ne iran ne ẹ i miẹn rhuan, ne uwa ghẹ he ne uwa ru iyobọ ne etẹn uwa.

Jerimaia 19:4

I ra ni ẹe vberriọ rhunmwuda, avbe emwa na hee mwẹ yotọ nẹ, iran kevbe mu awua la emwa na vbekpa ne iran na gha zọ ese ghe avbe ẹbọ ọvbehe vbe emwa na, avbe ẹbọ ne iran tobọ iran ra avbe erha iran odede ra avbe ọba e Juda ma rẹn emwikemwi vbe ekpa ẹre. Iran ye esagiẹn emwa ni ma rukhọ vuọn emwa na.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Jerimaia 26:16

Ẹre avbe ọkaolotu na tama avbe ohẹn kevbe akhasẹ wẹẹ, “Eni e Nọyaẹnmwa ne Osanobua mwa ọ re ọmwa na ya gu ima guaan, ọ ma kei na a gbe ẹe rua.”

Jerimaia 5:28

Ọnii ọ re ọ vbe sii ẹe ne iran na kọnkọn egbe, ẹko kevbe vuọn iran. Emwi dan ne iran ru i mwẹ okhiẹ. Iran i rhie emwi ni khẹke emọ ni i mwẹ erha ne iran, ra ne a bu ohiẹn ẹse ne ọmwa ne a zẹ kpokpo.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Jerimaia 9:24

Adeghẹ ọmwa wẹ rẹn rhuọ emwi ne ọ gha ya rhuọ ọrọre wẹ ọ rẹn mwẹ ọ vbe rẹn vbene I ru emwi hẹ. Rhunmwuda ahoẹmwọmwa mwẹ i beghe, emwi ne ọ gbae kevbe ne ọ hẹnhẹn ọ re I ru. Mẹ ne Nọyaẹnmwa ta ẹe nẹ.”

Eve Orriara 3:36

A gha khiẹn ohiẹn bu vbe iko, ọ vbe rẹn.

Ezikiẹl 18:12

Ọ gbe ivbiogue rhu, ọ rha, ọ wa rhie emwi ne ọmwa ne ọ mọmọ ẹre emwi rhie ne ẹẹn dayi. Ọ yo avbe aro ẹbọ iran ni ga ẹbọ, ọ vbe ga avbe ẹbọ osọnnọ.

Ezikiẹl 18:7

Ẹ i rha ọmwa ẹ i do ọmwa oyi. Ọ vbe rhie emwi ne ọmwa ne ọ mọmọ ẹre emwi rhie ne ẹẹn da yi, werriegbe ne ẹẹn, ọ koko ne ohanmwẹ gbe, ọ vbe rhie ukpọn ne ne ọ rre irhunmwuirhun.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Ezikiẹl 45:9

E Nọyaẹnmwa ne Udazi khare wẹẹ, “Ọ kpẹre ne uwa kegha ru orukhọ, wa ne nikhaemwisẹ vbe Izrẹl! Wa dobọ ọkhọ kevbe a zẹ emwa kpokpo uwa yi. Wa ru emwi ne ọ gbae kevbe ne ọ hẹnhẹn. Wa ghẹghi dọlegbe khulo emwa mwẹ hin otọ iran rre. Mẹ ne Nọyaẹnmwa ne Osanobua, ọ re ọ taa ẹmwẹ na ma uwa.

Joẹl 3:19

“Igipt gha khian ato kevbe Idọm ne ẹvbo, gha vbe khian itowa, rhunmwuda, iran mu okuo ye e Juda, iran keghi gbele emwa ni ma rẹn ọkpa ọma rẹn eva ni rrọọ.

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Emọs 5:24

Ye ihe enena, wa gie ohiẹn ẹmwata gha lẹ vbe ẹzẹ, kevbe uyinmwẹ ẹmwata zẹ vbe ẹzẹ ne ẹ i ka.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 23:23

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi zẹ a ghae ye ihe igbe ebe uwọnmwẹ ne giẹrẹ hia, vbe ne avbe akpọkọ, ihiehie kevbe ebe aranmwọkhọ ye, vberriọ, wa sẹ emwi kpataki ni rre uwu Uhi rae, zẹ vbe a i bu eku, itohan, kevbe ne a i na sẹ ni dekẹe rae.

Diuteronomi 10:18

“Ọ gie a miẹn wẹ obọ esi ọ re ọ ya mu avbe udefiagbọn kevbe ẹgbẹe. Ọ ho ẹmwẹ avbe erhunmwuyẹn, ni rre uwu ima, ọ ghi vbe rhie evbare kevbe ukpọn ne iran.

Diuteronomi 24:17

“Ghẹ gban emwi ne ọ khẹke ọmọ ne ẹ i mwẹ erha ra orhunmwuyẹn hin iran obọ rre, ghẹ vbe miẹn ẹgbẹe ukpọn wẹ ne u da ẹe yi ye emwi ne u rhie nẹ ẹn mọmọ.

Diuteronomi 24:7

“Ọmwaikọmwa ne ọ do ovbi Izrẹl ne ihua ẹre mu, ọ na ya ẹe gha do ẹki egbe ẹre, ra ọ na khiẹn ọẹn, a ghi gbe ẹe rua. Odẹ vberriọ, ọ re uwa gha ya ghe ukhu ọkhọ na rua.

Diuteronomi 25:1

“Gie a kha ighẹ ivbi Izrẹl eva yo iko ne a ya bu ohiẹn iran, a na bu ase ne ọkpa, a keghi bu abe gbe nọkpa.

Diuteronomi 27:19

“ ‘Ihẹn Osanobua rre uhunmwu ọmwa ne ọ gban emwi ne ọ sẹ orhunmwuyẹn, emọ ne ẹ i mwẹ erha kevbe ẹgbẹ egbe hin ẹre obọ rre.’ “Emwa ni hia ghi kha wẹẹ, ‘Isẹ!’

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.