Jerimaia 22:11 - Edo Bible (E Baibol Ẹdo) Version 1996

¹¹ E Nọyaẹnmwa keghi kha vbe ekpa ọghe ovbi e Josaia ighe Joahaz ne ọ rriọba e Juda lele erha ẹe wẹẹ, “Ọ kpao vbe emwa na rre nẹ, ẹ i ghi dọlegbe dee ọvbehe.

Jerimaia 22:11 Iomraidhean Croise

II Ọba 23:29

Ẹghẹ ne Josaia na gha re ọba, e Nẹko ne ọba Igipt keghi viọ ivbi iyokuo gha rrie Yufretes ne ọ ya ru iyobọ ne ọba nọkhua ọghe Asiria. E Josaia ne ọba keghi hia ne ọ degbe ivbi iyokuo Igipt odẹ vbe Mẹgido. Iran keghi gbe ẹe rua vbe okuo.

II Ọba 23:30

Emwa rẹn ni rre ukpo keghi ya ikẹkẹ okuo mu ikun ẹnrẹn werriegbe gha rrie Jerusalẹm, iran na ya re ẹre ye idin avbe ọba vbe evba. Ivbi e Juda keghi zẹ Joahaz ne ovbi e Josaia ne okpia, iran na ma ẹre ọba.

II Ọba 23:31

Ukpo eha yan ugie ọ re Joahaz gha ye vbe ọ rriọba e Juda, ọ keghi ya uki eha vbe ẹkete vbe Jerusalẹm. Iye ẹe kegha re Hamutal ne ovbi e Jerimaia ne ovbi ẹvbo ne a tie ẹre Libna.

II Ọba 23:34

E Nẹko ne ọba ma Eliaikim ne ovbi e Josaia ọba e Juda, ne ọ rriọba lele Josaia, ọ na fi ẹre eni werriẹ gha tie ẹre Jehoiakim. E Nẹko ne ọba keghi mu Joahaz gha rrie Igipt, evba ọre ọ ghi na wu.

I Krọnikol 3:15

E Josaia kegha mwẹ emọ ikpia enẹ, ena ọ re Johanan, Jehoiakim, Zedekaia kevbe Joahaz.

II Krọnikol 28:12

Enẹ vbe uwu avbe ọkaolotu Otọe Okuọ, Azaraia ne ovbi e Jehohanan, Berakia ne ovbi Mesilemot, Jehizkaia ne ovbi e Sialọm kevbe Amasa ne ovbi e Hadlai kevbe gbe odan ye uyinmwẹ ivbiyokuo na.

II Krọnikol 34:22

E Hilkaia kevbe iran nekpa keghi ru vbene ọba khare, iran keghi bu e Hulda ne akhasẹ ne okhuo ọkpa ne ọ rre obọ ne a da bọlọ vbe Jerusalẹm, ya gualọ otọ ẹre. (Ọdafẹn ọnrẹn ighẹ Sialọm ne ovbi e Tikva kevbe eyẹ Hahas, ọ re ọ gbearoghe ehe ne a viọ ukpọn yi vbe Ọgua Osa.) Iran keghi na iyẹn emwi ne ọ sunu ma okhuo nii.

Jerimaia 22:27

Wa gha wa ho ne uwa te dọlegbe ye aro kan ẹvbo na, sokpan, wa i ghi dọlegbe dee.”

Zẹfanaia 1:1

Uhunmwu ne Nọyaẹnmwa giee Zẹfanaia re ọna khin, vbe ẹghẹ ne Josaia ne ovbi Amọn na gha re ọba e Juda (e Zẹfanaia na, ovbi uniẹn e Hẹzekaia ne ọba ọ re ọ gha khin, vbe obọ ne ọ laghe ọghe Amaraia, Gedalaia kevbe Kusi.)