Jerimaia 22:10 - Edo Bible (E Baibol Ẹdo) Version 1996

¹⁰ Ivbi e Juda, wa ghẹ viẹ Josaia ne Ọba, wa ghẹ khiẹ uwu ẹre. Sokpan wa viẹ eve orriara ne Joahaz ne ovbi ẹre; iran mu ẹẹn kpao, ẹ i ghi werriegbe dee, ẹ i dọlegbe ye aro kan otọe nii ehe ne a na biẹ ọe.

Jerimaia 22:10 Iomraidhean Croise

II Ọba 22:20

Oya ne I khian rri e Jerusalẹm re i ra sunu vbe ẹ i re te uwu nẹ. I gha gie uwẹ wu vbe ọfumwegbe.’ ” Emwa ni keghi ya na iyẹn ma e Josaia ne ọba.

II Ọba 23:29

Ẹghẹ ne Josaia na gha re ọba, e Nẹko ne ọba Igipt keghi viọ ivbi iyokuo gha rrie Yufretes ne ọ ya ru iyobọ ne ọba nọkhua ọghe Asiria. E Josaia ne ọba keghi hia ne ọ degbe ivbi iyokuo Igipt odẹ vbe Mẹgido. Iran keghi gbe ẹe rua vbe okuo.

II Krọnikol 36:4

E Nẹko keghi ma Eliaikim ne ọtẹn Joahaz ne okpia ọba e Juda. Ọ na fi ẹre eni werriẹ gha tie ẹre Jehoiakim. E Nẹko keghi mu e Joahaz gha rrie Igipt.

Asan-Ibo 4:2

Ọmakin iran ni wulo lahin agbọn na rre nẹ, ọghe iran ọ re ọ maa sẹẹ ọghe iran ni ye rre agbọn.

Aizaia 57:1

Emwa esi ghi wulo, ai miẹn ọmwa ne ọ rẹn otọ ẹre ra ne ọ vbe zẹyọ. Sokpan iran gha wulo, ọkhọ ọhanabe i sẹtin kuan iran.

Jerimaia 16:7

A i miẹn ne ọ gha gu ọmwa rri evbare ra ne ọ guee da ne ọ ya fu ẹre ẹko rre vbe ọmwa a wu ẹe. Ne ọ ra mwẹ itohan i rrọọ, ọ gha re te erha wu ọmwa ra iye ọ re ọ wu ẹe.

Jerimaia 22:11

E Nọyaẹnmwa keghi kha vbe ekpa ọghe ovbi e Josaia ighe Joahaz ne ọ rriọba e Juda lele erha ẹe wẹẹ, “Ọ kpao vbe emwa na rre nẹ, ẹ i ghi dọlegbe dee ọvbehe.

Jerimaia 22:18

Rhunmwuda ọnii, e Nọyaẹnmwa khare vbekpa e Josaia, ovbi e Jehoiakim ne ọba Juda wẹẹ, “Ọmwarhọkpa i ra khiẹ uwu ẹre ra ne ọ kha wẹẹ, ‘Ẹta ọse mwẹ, ẹta ọse mwẹ o!’ A i miẹn ọmwa ne ọ gha viẹ ọe nẹ, ọ kha wẹẹ, ‘Enaẹmwẹ! Ọba mwẹ!’

Jerimaia 22:27

Wa gha wa ho ne uwa te dọlegbe ye aro kan ẹvbo na, sokpan, wa i ghi dọlegbe dee.”

Jerimaia 25:27

Ẹre Nọyaẹnmwa na tama mwẹ wẹẹ, “Tama avbe emwa nii wẹ mẹ ne Nọyaẹnmwa ne Oghodua ne Osanobua Izrẹl, mẹ ọ re ọ tama iran wẹ ne iran da rhinrin ọ te do gha gbe iran ne iran gha bi, iran te do dele gbotọ vbe ne iran i ghi na sẹtin kpaegbe ọvbehe, rhunmwuda okuo ne I gie bu iran dee.

Jerimaia 28:4

I gha vbe rhie ọba e Juda dọlegbe rre, ighe Jehoiakin ne ovbi e Jehoiakim, deba emwa e Juda hia fẹẹrẹ ni gha rrie iwe vbe Babilọn. Ẹn, te I ra bun ẹtin ọba e Babilọn, Mẹ ne Nọyaẹnmwa ọ re ọ tae.”

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 44:14

Avbe ivbi e Juda ne a sẹrae, ni vbe dọlegbe gha die Igipt, okpa ne ọ ra miẹn uhunmwu i rrọọ. Ọkpa ne ọ gha werriegbe rrie Juda i rrọọ, ehe ne ọ te khọn iran ne iran dọlegbe ya yin nii. Ọmwa okpa ne ọ gha dọlegbe rre i rrọọ gberra omwa ibọzẹghẹ ni lẹ hin owa rre do lẹre vbe evba.”

Eve Orriara 4:9

Iran ne okuo gbele ọ re ọ maa sẹ ni do wulo vbe okiekie emwa ne ohanmwẹ hẹko gbele ua vbene evbare i na rrọ ne ọ gha da iran yi ye agbọn.

Ezikiẹl 24:16

“Ovbi ọmwa. I ra fi emwi uhukpa kẹkan ya rhie ọmwa ne u ho ẹmwẹ ọnrẹn sẹẹ kpao. Ghẹ vbe talọ yọ ra ne u gha viẹ ra ne amẹ eve la a aro rre.

Iyẹn ne ọ Maan Ọghe Luk 23:28

Jesu keghi fi akhọe ghe iran, ọ wẹẹ, “Ikhuo Jerusalẹm! Wa ghẹ viẹ mwẹ, wa gha viẹ egbe uwa kevbe ivbi uwa.