Jerimaia 21:9 - Edo Bible (E Baibol Ẹdo) Version 1996

⁹ Ọmwa ikọmwa ne ọ rre ore ẹvbo, okuo gha gbe ẹe ra ohanmwẹ ra emianmwẹ. Sokpan, ọmwa ikọmwa ne ọ ladian, ọ na wa tobọ ẹre bu ivbi e Babilọn gha khian, iran ni wa khọn ẹvbo na khian na, a i ra gbe ẹe rua, ọ gha miẹn ikpakpuhunmu ẹnrẹn rhie ladian, ọ ghi baa, ọ ghi khọ.

Jerimaia 21:9 Iomraidhean Croise

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 24:10

I gha ya okuo ohanmwẹ kevbe emianmwẹ gu iran khọn a te miẹn wẹ okpa ma ghi kẹe vbe uwu iran vbe otọ nii ne I mu ne iran kevbe avbe erhan iran odede.”

Jerimaia 27:11

Sokpan ẹvboikẹvbo ne ọ kue ne ọ gha ga gie ọba Babilọn, ọ na gele gha ga ẹe, I gha kue ne ọ gha rre otọ ẹre tobọ ẹre, ne ọ gha gbe ugbo vbe evba, ne ọ vbe gha rre evba. Mẹ ne Nọyaẹnmwa ọre ọ tae.”

Jerimaia 27:12

Ẹmwẹ vberriọ ọ re I vbe tama e Zedekaia ne ọba e Juda. “Gbe uhunmwu kotọ ne ọba e Babilọn. Ga irẹn kevbe emwa rẹn, u gha gha rre agbọn.

Jerimaia 27:13

Vbọzẹ ne okuo ra ohanmwẹ ra emianmwẹ gha na gbele uwẹ vbe emwa ruẹn yi? Ọnii ọ re Nọyaẹnmwa wẹ ọ gha rruan emwaikemwa ni ma gbe uhunmwu kotọ ne ọba e Babilọn.

Jerimaia 38:2

e Nọyaẹnmwa khare wẹẹ, “Ọmwaikọmwa ne ọ tota ye ẹvbo na, okuo, ra ohanmwẹ ra emianmwẹ gha gbe ẹe sokpan, ọmwaikọmwa ne ọ ladian, ọ na ya rhie egbe ẹre ye ivbi e Babilọn obọ, a i ra gbe ẹe rua, ọ gha ghi ba gbe, ọ gha miẹn uhunmwu, rẹn vbe ikpakpauhunmwu ẹnrẹn okpa kẹkan.”

Jerimaia 38:3

I keghi vbe gha tama iran wẹ e Nọyaẹnmwa khare wẹẹ, “Te I ra mu ẹvbo na ne ivbiyokuo e Babilọn, iran gha vbe khọn rẹn muotọ.”

Jerimaia 39:18

I gha degue ruẹ, ai ra gbe uẹ ua. U gha miẹn uhunmwu rhunmwuda u mu ẹtin ruẹn yan mwẹ. Mẹ ne Nọyaẹnmwa ọ re ọ taa ẹe.”

Jerimaia 45:5

Te uwẹ ghi ho ne a ya obọ ughaẹn kpataki mu mwẹ ra? Ghẹ danmwẹ ọẹn ghe, te I ra gie ọkhọ rruan emwa nagbọn hia, sokpan, vbene ọ rhirhi a gha ye hẹ, wẹ gha miẹn uhunmwu wẹ kevbe ikpakpa uhunmwu ruẹn okpa vbe ehe ne u rrie, Mẹ ne Nọyaẹnmwa ọre ọ taa ẹe.”

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.