Jerimaia 21:7 - Edo Bible (E Baibol Ẹdo) Version 1996

⁷ Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 21:7 Iomraidhean Croise

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 15:5

E Nọyaẹnmwa khare wẹẹ, “De ọmwa ne ọ gha tohan uwa ivbi e Jerusalẹm, de ọmwa ne ọ gha vbe khiẹ uwa? De ọmwa ne ọ gha mudia kpee sẹ ne ọ gha na nọ uwa wẹ vbe ọ ye hẹ?

Jerimaia 15:9

Iyọmọ ne emọ ihinrọn wulo, sahẹ, ọ kegha si ọghọnrọn. Ebi avan ro ẹe. A fa ẹre ua, ọ khuọnmwi emianmwẹ udu I gha gie avbe eghian uwa gbele avbe uwa ni ghi ye rre agbọn vbọ. Mẹ ne Nọyaẹnmwa ta ẹe ne.”

Jerimaia 19:7

Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 20:4

E Nọyaẹnmwa tobọ ẹre khare wẹẹ, “Rẹn ra ya uwẹ khian ohan ne egbe ruẹ kevbe avbe ọse ruẹ hia, wẹ gha vbe miẹn iran vbe a ya umozo avbe eghian gbele iran hia. I ra do viọ ivbi e Juda hia yan ẹtin ọba e Babilọn obọ. Ọ gha viọ eso vbọ oghunmwu gha rrie ẹvbo irẹn, ọ ghi gbele ni dekẹe ua.

Jerimaia 22:25

I ghi rhie ẹre ne emwa ne ohan rẹn mu ẹẹn, emwa ni ho ne iran gbe uẹ ua. I gha rhie ruẹ ne Nebukiadneza ne Ọba e Babilọn kevbe avbe ivbiyokuo ẹre.

Jerimaia 27:6

Mẹ ọrọre ọmwa ne ọ viọ avbe uhunmwu ẹvbo na hia ye ototọ ẹtin ọguọmwadia mwẹ ighẹ Nebukiadneza ne ọba e Babilọn, uhin ya sẹ egbe aranmwẹ oha, te I wẹ ne iran gha gae.

Jerimaia 32:4

Kevbe we e Zedekaia i ra sẹtin lẹ fe vbo. A gha rhie ẹre ne ọba e Babilọn, ọ gha ye aro kan ẹre aro, ọ gha gu irẹn tobọ ẹre guan vbe ghe aro mwẹ ghe aro ruẹ.

Jerimaia 34:3

Wẹ i ra lẹ fe a gha khu uẹ mu, a ghi mu ẹẹn ne ẹẹn. U gha ye aro kan ẹre aro, u ghi vbe gu irẹn tobọ ẹre guan, iyekọni, u ghi gha rrie Babilọn.

Jerimaia 36:29

E Nọyaẹnmwa keghi tama mwẹ ne I tama ọba wẹẹ, “U giẹẹn ebe ohian ni nẹ, u keghi vbe nọ e Jerimaia wẹ vbọzẹ ne ọ na gbẹn wẹ ọba e Babilọn gha rre do fuẹn ẹvbo ni uan, ọ ghi gbele emwa kevbe aranmwẹ ni rrọọ.

Jerimaia 37:17

Ọ ghi kpee kherhe, e Zedekaia ne Ọba keghi gie ne a tie mwẹ, ọ keghi hẹko nọ mwẹ vbe uwu ẹguae wẹẹ, “E Nọyaẹnmwa giee uhunmwu rre ra.” I keghi wanniẹn, I tama rẹn wẹẹ, “Ọ giee rre, ọ wẹ a gha mu ẹẹn rhie ye ọba e Babilọn obọ.”

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Eve Orriara 2:20

Tọn aro mu Nọyaẹnmwa! Tọn aro mu ghe iran ne u sẹ ọre usẹ! Iyemọ gha gbele emọ ne iran ho ẹmwẹ ọnrẹn re! A gha gbele avbe ohẹn kevbe avbe akhasẹ ye uwu Ọgua Osa tobọẹre!

Eve Orriara 2:22

Wẹ ọ re ọ gie ne a tie avbe eghian mwa ne iran do do ugie iba ne ọ mu ohan, lẹga mwẹ orhiọnkpa i rrọ ne ọ miẹn uhunmwu vbe ẹdẹ ne ohu mu uwẹ. Iran gbele mwẹ emọ ne I ho ẹmwẹ ọnrẹn ne imẹ koko wan nẹ.

Ezikiẹl 23:28

Vbenian ọ re Nọyaẹnmwa ne Udazi khare: “I gha rhie ruẹ bu emwa ne ohu ẹre mu ẹẹn kevbe ne ẹmwẹ ọnrẹn sọnnọ ọn.

Ezikiẹl 7:9

Mẹ i ra sẹ uwa rae, ra ne I tohan uwa. I ra rria uwa ikhi ye uyinmwẹ ne ọ hu ẹko ne uwa yinrin, nu uwa miẹn ehe na rẹn wẹ mẹ ọrọre Nọyaẹnmwa kevbe wẹ, mẹ ọ re ọ rri uwa oya.”

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Ezikiẹl 9:10

Sokpan mẹ i ra tohan iran hiehiere. I gha ru iran vbene iran ru emwa ọvbehe.”

Diuteronomi 28:50

Iran gha ye ọkpankpan ru uwa emwi, iran i ra tohan ọmwa rhọkpa ọdiọn kevbe ọvbokhan.