Jerimaia 21:6 - Edo Bible (E Baibol Ẹdo) Version 1996

⁶ I gha gbele emwa hia ni rre ẹvbo na, emwa nagbọn kevbe avbe aranmwẹ, emianmwẹ dan gha gbele iran hia.

Jerimaia 21:6 Iomraidhean Croise

Gẹnẹsis 6:7

Ẹre ọ ghi na kha wẹẹ, “I gha fuẹn iran an ighẹ emwa ne I yi, I gha fuẹn iran an ighẹ avbe aranmwẹ kevbe ahianmwẹ rhunmwuda I kpa rẹn I ghẹ yi iran.”

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 20:4

E Nọyaẹnmwa tobọ ẹre khare wẹẹ, “Rẹn ra ya uwẹ khian ohan ne egbe ruẹ kevbe avbe ọse ruẹ hia, wẹ gha vbe miẹn iran vbe a ya umozo avbe eghian gbele iran hia. I ra do viọ ivbi e Juda hia yan ẹtin ọba e Babilọn obọ. Ọ gha viọ eso vbọ oghunmwu gha rrie ẹvbo irẹn, ọ ghi gbele ni dekẹe ua.

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 33:12

E Nọyaẹnmwa ne Oghodua khare wẹẹ, “Vbe otọe na ne ọ yevbe ato, ehe ne emwa nagbọn ra aranmwẹ i ye na, a gha dọlegbe miẹn ehe ne avbe aranmwẹ na rria vbọ, ehe ne avbe ọsuohuan gha sẹtin viọ ohuan iran gha yo.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 36:29

E Nọyaẹnmwa keghi tama mwẹ ne I tama ọba wẹẹ, “U giẹẹn ebe ohian ni nẹ, u keghi vbe nọ e Jerimaia wẹ vbọzẹ ne ọ na gbẹn wẹ ọba e Babilọn gha rre do fuẹn ẹvbo ni uan, ọ ghi gbele emwa kevbe aranmwẹ ni rrọọ.

Jerimaia 42:22

Rhunmwuda ọnii, wa ghi yerre o, okuo ọ re uwa ra wulo yi, ra ohanmwẹ ra emianmwẹ ọ re ọ ra gbele uwa a vbe ẹvbo ne uwa khare ighe wa ra gha rrie ne uwa ya yin ẹnrẹn.”

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Ezikiẹl 12:16

I gha gie ihozẹghẹ vbe uwu iran miẹn uhunmwu vbe nene okuo, ukhunmwu kevbe emianmwẹ, vbene a gha na miẹn wẹ iran ghẹ ghi gha rre uwu ẹbu ẹvbo ọvbehe nẹ, iran gha rẹn vbene uyinmwẹ iran zughu ọmwa ẹko hẹ, iran ghi miẹn kue ighe mẹ ọrọre Nọyaẹnmwa.”

Ezikiẹl 14:13

“Ovbi ọmwa, uhunmwu ẹvbo okpa gha rukhọ ighẹ ọ ma mudia ẹse ghe mwẹ, I gha nien obọ ladian, I ghi guọghọ ehe ne ọ la miẹn evbare kua. I gha gie ukhunmwu, I ghi gbele emwa nagbọn kevbe avbe aranmwẹ ba ẹre.

Ezikiẹl 14:17

“Ra, I sẹtin mu okuo la ẹvbo ọkpa, I ghi vbe viọ emwi igbinna dan larọ, ne ọ ya fuẹn emwa nagbọn kevbe aranmwẹ,

Ezikiẹl 14:19

“I gha gie okpemianmwẹ la ẹvbo ọkpa, ighe I gbele emwa nibun kevbe aranmwẹ rhunmwuda ighe ohu mu mwẹ,

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Ezikiẹl 33:27

“Tama iran wẹ mẹ ne Nọyaẹnmwa ne Udazi tama iran wẹ omwa vbe ne aro na dae wẹ mẹ ọrọre Osanobua ne ọ rrọ, te a ra gbele iran ni rre ẹvbo ne a rẹnkhuan nii hia a. Aranmwẹ oha gha rri iran ni rre avbe igue, emianmwẹ gha gbele iran ni lẹre ye uvun okuta kevbe avbe uhunmwu oke.

Ezikiẹl 33:29

I gha ghi rri avbe emwa nii oya ye orukhọ iran nẹ, I na ya otọe ni khian otọe ne ọ gbe ẹvbi, iran gha rẹn wẹ mẹ ọrọre Nọyaẹnmwa.”

Ezikiẹl 7:15

Igbinna wa rre adesẹ ore, emianmwẹ kevbe ohanmwẹ wa rre uwu owa. Ọmwaikọmwa ne ọ fi owẹ hin ore ẹvbo rre, ladian gha wu ye igbinna nii, emwa ni vbe rre ore ẹvbo, obọ emianmwẹ kevbe ohanmwẹ gha vba iran.

Hozia 4:3

Rhunmwuda ọnii, otọe nii gha kakaa, emwi hia ni rrọọ gha vbe wulo. Avbe aranmwẹ oha hia, kevbe avbe ahianmwẹ kevbe avbe ehẹn, ehia gha wulo.”

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Zẹfanaia 1:3

Emwa ne agbọn hia kevbe avbe aranmwẹ oha, avbe ahianmwẹ kevbe avbe ehẹn. I gha ru ẹe ne avbe emwa dan de guọghọ ua. I gha fuẹn emwa ne agbọn uan, ọkpa ne ọ ra kẹe i rrọ. Mẹ ne Nọyaẹnmwa ọ re ọ ta ẹe.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.