Jerimaia 21:4 - Edo Bible (E Baibol Ẹdo) Version 1996

⁴ Ne iran tama e Zedekaia wẹ e Nọyaẹnmwa ne Osanobua Izrẹl wẹẹ, “E Zedekaia, te I ra khọn iran muotọ ighẹ ivbiyokuo ruẹ ni gue ọba e Babilọn kevbe ivbiyokuo ẹre khọn, I gha si emwi igbinna ọghe avbe iyokuo ruẹ gboo ye adesẹ ore ẹvbo.

Jerimaia 21:4 Iomraidhean Croise

Aizaia 10:4

Iran gha gbele uwa a vbe okuo ra iran ghi silo uwa viọ gha rrie zẹ vbe oghunmwu. Ọ gha rhe ye rrio, ohu e Nọyaẹnmwa i he ye fo, obọ ẹre gha ye niẹn ladian ne ọ ya rria ikhi.

Aizaia 13:4

Wa danmwehọ owogho ne ọ rre uhunmwu oke, owogho emwa ni wa bun ẹsẹse, owogho agbọn ẹvbo kevbe otọe arriọba ni sii egbe koko. E Nọyaẹnmwa ọghe Ivbiyokuo gha mu ivbiyokuo ẹre egbe yotọ khẹ okuo.

Aizaia 5:5

“Vbene I ra ru ogba mwẹ hẹ ọ re ọna khin. I gha guọghọ ogba ne I gba ga ẹre hin rre, I ghi vbe guọghọ ekẹn ne ọ te degue ẹre. I ghi vbe gie aranmwẹ oha rri ọe, ne iran vbe ya owẹ rrilo ẹe muotọ.

Jerimaia 20:4

E Nọyaẹnmwa tobọ ẹre khare wẹẹ, “Rẹn ra ya uwẹ khian ohan ne egbe ruẹ kevbe avbe ọse ruẹ hia, wẹ gha vbe miẹn iran vbe a ya umozo avbe eghian gbele iran hia. I ra do viọ ivbi e Juda hia yan ẹtin ọba e Babilọn obọ. Ọ gha viọ eso vbọ oghunmwu gha rrie ẹvbo irẹn, ọ ghi gbele ni dekẹe ua.

Jerimaia 21:3

Ẹre Nọyaẹnmwa na gunmwẹ guan, I na vbe tama iran ne a gie bu mwẹ gha dee.

Jerimaia 32:24

“Avbe ivbi e Babilọn tọn uvun igbinna lẹga ore ẹvbo nii nẹ, ne iran khọn mu ẹẹn, iran suẹn igbinna nẹ. Okuo, ohanmwẹ kevbe emianmwẹ, gha gie ẹvbo ni de yi iran obọ, u gha miẹn wẹ emwi ne u tae hia sunu nẹ.

Jerimaia 32:3

E Zedekaia ne ọba ọ re ọ mu mwẹ khui ye evba, ọ keghi ba mwẹ ifi ẹzọ wẹ mẹ khare ighe e Nọyaẹnmwa wẹẹ, “I gha gie ọba e Babilọn khọn miẹn ẹvbo na otọ.

Jerimaia 32:5

A gha mu e Zedekaia gha rrie Babilọn. Ọ gha vbe gha rre odọ nii I te do ru ẹre emwi ne I gha ru ẹre re. Ọ gha khọn rẹn ne ọ gu ivbi e Babilọn gbinna, ẹ i dunna ne ẹẹn. Mẹ ne Nọyaẹnmwa taa ẹe nẹ.”

Jerimaia 33:5

Eso gha gu ivbi e Babilọn gbinna, emwa ni gha ya ẹe vuọn avbe owa ni hia ighẹ ikun emwa ne I gha gbe ku otọ vbe uwu ohu kevbe okuosu mwẹ. I fi iyeke gbe hin ẹvbo na egbe rre nẹ rhunmwuda avbe emwi dan ne emwa ni rrọọ ru.

Jerimaia 35:17

Rhunmwuda ọnii nian. Mẹ ne Nọyaẹnmwa ne Osanobua Izrẹl, gha gie ẹe gele rruan uwa ne ivbi e Juda kevbe ivbi e Jerusalẹm avbe ọkhọ ne I khare ighẹ ọ gha rruan uwa. I gha ru ẹe vberriọ rhunmwuda wa ma danmwehọ mwẹ vbe I gu uwa guan, wa ma khuẹnniẹn mwẹ vbe I tie uwa.”

Jerimaia 39:3

(Iran ghi khọn mu e Jerusalẹm nẹ, avbe ekhaẹmwẹ nekhua hia ọghe ọba e Babilọn kegha die Onurho Adesẹ, iran na do totaa, ne usun ọ re iran ye ighe Negal Sareza, Semga Nebo, e Sasiekim deba Negal Sareza ọvbehe.)

Jerimaia 52:18

Iran kevbe viọ Ọsọbiri kevbe emwi ne a ya hẹ emuẹn, ne a ya kpolo Ogiukpo huan, kevbe avbe emwi ne a ya dọlọ ukpa yi, avbe ọkpan ne a da esagiẹn avbe emwi ne a ya zọ ese yi, avbe ọkpan ne a ya giẹn eturari, kevbe avbe emwi ẹrọnmwọ ne a ghi ya ru emwi hia vbe ẹghẹ ugamwẹ vbe Ọgua Osa.

Eve Orriara 2:3

Ugbẹn vbe ohu kakabọ mu ẹn ọ keghi duẹ ẹtin Izrẹl rua. Ọ kere ne ọ ye ima obọ vbe avbe eghian rre ọ ya uvannọmwẹ guọnmwẹ ghe ima zẹ vbe erhẹn, ọ keghi fuẹn emwi hia a.

Eve Orriara 2:5

E Nọyaẹnmwa fuẹn Izrẹl rua nẹ zẹ vbe oghian ọ ye avbe odin kevbe ẹguae ẹre khian itowa ọ keghi vbe sii akhiẹ ne ẹ i fo ye ivbi Jerusalẹm egbe.

Eve Orriara 2:7

E Nọyaẹnmwa hee Ogiukpo ẹre ọ keghi kpao hin uwu Ọgua Osa ẹre nọhuanrẹn rre. Ọ gie avbe eghian guọghọ ekẹn ọnrẹn sotọ. Iran wee ye akhọnmiotọ iran vbe ehe ne ima na te ya oghọghọ ga yi.

Ezikiẹl 39:3

Ẹghẹ nii, I ghi gbe uhanbọ ẹre fua hin obọ iye ọmwa rẹn rre kevbe ifẹnmwẹ ọnrẹn hin obọ erha ọmwa rre.

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.