Jerimaia 21:10 - Edo Bible (E Baibol Ẹdo) Version 1996

¹⁰ I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 21:10 Iomraidhean Croise

II Krọnikol 36:19

Ọ keghi giẹn Ọgua Osa kevbe ẹvbo ni sẹ otọ.

Psalm 34:16

Sokpan, ọ mu aro da iran ni ru emwi dan, sẹrriọ wẹ, iran gha wu, banbanna a mianmian iran nẹ.

Jerimaia 17:27

“Sokpan, te ọ kere ne iran gha họn ẹmwẹ mẹ, ne iran gha ru Ẹdẹ Ikẹtin zẹ vbe ẹdẹ nọhuanrẹn. Iran ghẹ mu ihẹikeikẹ la onurho e Jerusalẹm gberra vbe ẹdẹ vberriọ, iran gha danmwẹ ọẹn, I gha mu erhẹn ye onurho e Jerusalẹm. Erhẹn gha giẹn ẹguae ne ọ rre Jerusalẹm, ai ra vbe miẹn ọmwa ne ọ gha sẹtin dọ ẹre yọ.”

Jerimaia 26:6

Wa gha wa yin ehọ khian vberriọ, vbene I ru e Siailo ọ re I ra vbe ru Ọgua Osa na avbe uhunmwu ẹvbo ni rre otọe agbọn na hia ghi gha ya eni ẹvbo na tie ihẹn.”

Jerimaia 33:5

Eso gha gu ivbi e Babilọn gbinna, emwa ni gha ya ẹe vuọn avbe owa ni hia ighẹ ikun emwa ne I gha gbe ku otọ vbe uwu ohu kevbe okuosu mwẹ. I fi iyeke gbe hin ẹvbo na egbe rre nẹ rhunmwuda avbe emwi dan ne emwa ni rrọọ ru.

Jerimaia 34:2

E Nọyaẹnmwa ne Osanobua Izrẹl keghi tama mwẹ wẹ ne I gha khian ya tama e Zedekaia ne ọba e Juda wẹẹ, “Mẹ ne Nọyaẹnmwa gha mu ẹvbo ne ọba e Babilọn, ọ gha giẹn ọnrẹn uan sotọ.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 38:17

Ẹre I na tama e Zedekaia wẹ e Nọyaẹnmwa ne Oghodua, ne Osanobua Izrẹl khare wẹẹ, “U gha tobọ rhie egbe ruẹ ne avbe ekhaẹmwẹ e Babilọn, ai ra gbe uẹ ua, ai ra vbe giẹn ẹvbo na sotọ. Ke uwa kevbe ẹgbẹe ruẹ, a i ra gbele uwa a.

Jerimaia 38:18

Sokpan, a deghẹ u ma rhie egbe ruẹ ne iran, ẹghẹ nii, a gha mu ẹvbo na ne ivbi e Babilọn iran gha giẹn ọnrẹn sotọ, wẹ i ra vbe sẹtin lẹ iran fẹe.”

Jerimaia 38:23

Mẹ keghi rhie te ẹe wẹẹ, “A gha viọ avbe amwọ ọn kevbe ivbi uẹ gie ivbi e Babilọn, wẹ tobọruẹ i ra vbe lẹ iran fe. Ọba e Babilọn gha mu uwẹ oghunmwu gha rrie a gha vbe giẹn ẹvbo na muotọ.”

Jerimaia 38:3

I keghi vbe gha tama iran wẹ e Nọyaẹnmwa khare wẹẹ, “Te I ra mu ẹvbo na ne ivbiyokuo e Babilọn, iran gha vbe khọn rẹn muotọ.”

Jerimaia 39:16

ne I tama Ẹbẹdmẹlẹk ne ovbi e Sudan wẹ e Nọyaẹnmwa ne Oghodua ne Osanobua Izrẹl khare wẹẹ, “Zẹ vbene I tae, ọkhọ ọ re I ra wẹ ne ọ rruan ẹvbo na ighe ẹ i re ọmaa, emwi na gha sunu, wẹ gha rre evba ne u bẹghe ẹre.

Jerimaia 39:8

Vbe uwu ẹghẹ na, ivbi Babilọn keghi giẹẹn ẹguae ọba sotọ ke ẹe kevbe owa avbe emwa nii, iran keghi vbe guọghọ ekẹn ne a gbe lẹga e Jerusalẹm kua.

Jerimaia 44:11

“Rhunmwuda ọnii nian, mẹ ne Nọyaẹnmwa ne Oghodua, ne Osanobua Izrẹl gha mu aro aa uwa, I ghi fuẹn e Juda hia a.

Jerimaia 44:27

“I gha wa ru ẹe wẹ ne agbọn ghẹ dọlegbe ma uwa, we ne uwa hia fuan. Te uwa hia ra wulo. Ne okuo ma gbe, emianmwẹ ghi gbẹe, a te do miẹn wẹ okpa ma ghi kẹe vbe uwu uwa.

Jerimaia 52:13

Ọ keghi giẹẹn Ọgua Osa sẹ otọ deba owa emwa ni hin usi hia ni rre Jerusalẹm.

Ezikiẹl 15:7

I ghi rri iran oya. Iran lẹ erhẹn ọkpa fe, sokpan erhẹn ọ re ọ ra ye vbe gien iran an nian. I gha rri iran oya nẹ, wa gha rẹn ighe mẹ ọrọre Nọyaẹnmwa.

Ezikiẹl 24:11

Banbanna nian, mu uwawa ẹrọnmwọ nii yan erhẹn, ne u gie ẹe vbe viẹn kpaan. Ẹghẹ nii ọ re awua gha na lahin ukodo nii rre vbe a ghi gien ọtọn kua nẹ.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Emọs 2:5

rhunmwuda ọnii, I gha rhu erhẹn ye Juda I ghi vbe giẹn avbe odin e Jerusalẹm ruan.”

Emọs 9:4

Eghian iran gha viọ iran oghunmwu gha rrie iwe, I gha tama iran wẹ ne a gbele iran an. I wa ta ẹe nẹ wẹ te I ra fuẹn iran an, ẹ i re te I ra ya iran obọ.”

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”