Jerimaia 20:9 - Edo Bible (E Baibol Ẹdo) Version 1996

⁹ Sokpan, I gha kha wẹẹ, “I gha mianmian e Nọyaẹnmwa, I i ghi vbe dọlegbe guan vbe eni ẹnrẹn.” Ẹghẹ nii, uhunmwu ne u gie ghi yevbe erhẹn ne ọ giẹn vbe uwu imẹ I ghi gha hia ne I yẹn ọnrẹn muotọ, sokpan I i ghi sẹtin rhie ẹre lẹre.

Jerimaia 20:9 Iomraidhean Croise

Psalm 39:3

Ohawa keghi gbe mwẹ fi otọ vbene I ya muẹn ro, erriọ ọ re ẹko mwẹ ya rhia yọ; I ma ghi sẹtin hunwan ọ re I na nọ wẹẹ:

Jerimaia 23:29

Te ẹmwẹ mwẹ ye vbe erhẹn kevbe umọmọ ne ọ guọghọ okuta nekhua rẹnkhẹnrẹnkhẹn.

Jerimaia 23:9

A guọghọ mwẹ udu, te I ghi guọ zighazigha. Rhunmwuda e Nọyaẹnmwa, rhunmwuda ẹmwẹ ọnrẹn nọhuanrẹn I ye vbe ọmwa ne ọ da ayọn gbe egbe. Ọmwa ne ọ da ayọn ne ọ bun gbe.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Ezikiẹl 3:14

Orhiọn Osanobua keghi wa ya ẹtin nọkhua hin yan mwẹ, vbene orhiọn rẹn wa mu mwẹ khian nii, ẹko kegha rriara mwẹ, ohu na gha mu mwẹ.

Ezikiẹl 3:3

Ọ wẹẹ “Ovbi ọmwa, rri ebe ohian ne I rhie nuẹn na, yae vuọn ẹko ruẹ.” I keghi rrii ọe, ọ kegha rhiẹnrhiẹn zẹvbe owọn.

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Jona 1:2

Ọ wẹẹ, “Gha rrie Ninevi, okpẹvbo nọkhua nii, ne u ya ta ku ọre, I rẹn vbene emwa rẹn mwẹ ekhọe dan hẹ.”

Jona 1:3

Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.

Iyẹn ne ọ Maan Ọghe Luk 9:62

Jesu tama rẹn wẹẹ, “Ọmwa ne ọ gha suẹn egua ne a ya ẹmila gua nẹ, ọ na ye vbe gha ghe iyeke, ẹ i mwẹ vbe ọ gie a ya ru vbe Arriọba Osanobua.”

Iwinna 17:16

Ẹghẹ ne Pọl na gha diakhẹ Sailas kevbe Timoti vbe Atẹns, egbe keghi wa wọ ẹre vbe ọ miẹn vbene ẹbọ ne a mannọẹn wa gba ehe hia vbe ẹvbo nii hẹ.

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Iwinna 4:20

Rhunmwuda, ẹ i gie ima ru wẹ emwi ne aro ima sẹe nẹ, ehọ mwa vbe họn ẹn nẹ, ne a ghẹ ghi ta ẹe ladian.”