Jerimaia 20:8 - Edo Bible (E Baibol Ẹdo) Version 1996

⁸ Ẹghẹikẹghẹ ne I rhirhi a ya guan I ghi gha tie, “Ọkhọ kevbe Ọfuan.” Nọyaẹnmwa, I khian ne a ghi ya gbe ogie kevbe ne a zan vbe ẹghẹ hia, rhunmwuda ighẹ I ta uhunmwu ne u gie.

Jerimaia 20:8 Iomraidhean Croise

II Ọba 2:23

Elaisia keghi kpao vbe Jẹriko rre gha rrie Bẹtẹl. Ọ ghi sẹ ẹvbo ọkpa ibiẹka eso keghi ladian ya ẹe gha gbe ogiẹ. Iran kegha kha wẹẹ, “Agbakpan, ladian mwa!”

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Aizaia 57:4

De ọmwa ne uwa ya gbogiẹ yi? De ọmwa ne uwa ne ọhọn ohoghe na wee yi?

Jerimaia 15:10

U miẹn agbọn ne I ye, vbọzẹ ne iye mwẹ na biẹ mwẹ ye agbọn na? Te I ghi gu emwa hia ni rre otọe na gui, I ghi gha gu iran gbe agbanmwẹ I ma rhie igho ne ọmwa mọmọ, I ma mọmọ ọmwa rhọkpa ẹre, sevba emwa hia gha rhovbiẹ mwẹ.

Jerimaia 15:15

Ẹghẹ nii ọ re imẹ na kha wẹẹ, “E Nọyaẹnmwa, wẹ rẹn vbene emwi yẹ hẹ. Ye mwẹ rre ne u yọmwẹ obọ. Gun mwẹ sẹtin rria iran ni zẹ mwẹ kpokpo ikhi. Ghẹ ziengbe ne obọ iran gba mwẹ ya rhie gbe ua yerre wẹ rhunmwuda ruẹ ọ re a na rhovbiẹ mwẹ.

Jerimaia 17:27

“Sokpan, te ọ kere ne iran gha họn ẹmwẹ mẹ, ne iran gha ru Ẹdẹ Ikẹtin zẹ vbe ẹdẹ nọhuanrẹn. Iran ghẹ mu ihẹikeikẹ la onurho e Jerusalẹm gberra vbe ẹdẹ vberriọ, iran gha danmwẹ ọẹn, I gha mu erhẹn ye onurho e Jerusalẹm. Erhẹn gha giẹn ẹguae ne ọ rre Jerusalẹm, ai ra vbe miẹn ọmwa ne ọ gha sẹtin dọ ẹre yọ.”

Jerimaia 20:7

E Nọyaẹnmwa, u mu mwẹ rẹrẹ nẹ, mẹ keghi khian ne a mu rẹrẹ. U wegbe sẹ mwẹ, obọ ruẹ keghi ke ukhunmwu mẹ. Te emwa hia ghi ya mwẹ gbe ogie te iran ghi gie mwẹ ne ebi ro.

Jerimaia 28:8

Avbe akhasẹ ni guanrẹn vbe ẹghẹ ne ọ kpẹre ne ọ gberra vbe ọ ma he sẹ ẹghẹ imẹ vbe ruẹ tae wẹ, okuo, ukhunmwu kevbe emianmwẹ gha sẹ egbe uhunmwu ẹvbo ni bun kevbe avbe arriọba ni mwẹ ẹtin.

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Jerimaia 6:10

Mẹ keghi wanniẹn wẹẹ, “Deghẹ mẹ gu iran guan, I na gha bu iran ude, gha ọ ra danmwehọ mwẹ yi? Iran ze vbe udu, iran he ne iran danmwehọ uhunmwu ne u gie, iran ghi gha giẹ ye ẹmwẹ ne u wẹ ne I tama iran.

Jerimaia 7:9

Wa rha, wa do izigha, wa ghẹ, wa vẹn ihẹn re, wa zọ ese ghe Baal, wa keghi vbe gho ẹbọ ne uwa ma ka rẹn de yi.

Habakọk 1:3

Vbe u a ghi na gunmwẹ miẹn ọlọghọmwa vbenian hẹ yi? Vbe uwẹ ra sẹtin ziengbe gha ghe amaruẹse vberriọ hẹ yi? Omurhia kevbe uyinmwẹ ọkpankpan lẹga mwẹ; igbinna kevbe ẹzọ wa vbe rre ehe hia.

Iyẹn ne ọ Maan Ọghe Luk 11:45

Ọkpa vbe uwu iran ni ma emwa Uhi keghi tama rẹn wẹẹ, “Ọmamwaemwi, vbe ne u tae na, te u vbe zan ima ba ẹre!”

Hibru 11:26

Rẹn roro ẹe wẹ ne a rri oya a ye ọmwa gbe ogie rhunmwuda e Mẹzaia, ọre ọ maa sẹ ẹfe ni rre Igipt hia, rhunmwuda rẹn rhie aro ye ẹse ne a gha do san irẹn re ẹdẹ ne ọ dee.

Hibru 13:13

Rhunmwuda ọnii nian, wa gie ima kpao vbe agọ rre ya vba ẹre, ne ima vbe ya egbe viọ vbe emwi ekhue ẹre.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.