Jerimaia 20:4 - Edo Bible (E Baibol Ẹdo) Version 1996

⁴ E Nọyaẹnmwa tobọ ẹre khare wẹẹ, “Rẹn ra ya uwẹ khian ohan ne egbe ruẹ kevbe avbe ọse ruẹ hia, wẹ gha vbe miẹn iran vbe a ya umozo avbe eghian gbele iran hia. I ra do viọ ivbi e Juda hia yan ẹtin ọba e Babilọn obọ. Ọ gha viọ eso vbọ oghunmwu gha rrie ẹvbo irẹn, ọ ghi gbele ni dekẹe ua.

Jerimaia 20:4 Iomraidhean Croise

II Ọba 25:7

Vbe Sirra e Zedekaia, a keghi gbele ivbi ẹre ne ikpia a, e Nebukiadneza na wẹ ne iran wọlọ e Zedekaia aro hẹ kua, a keghi ya ọgiọrọ rrọ ẹre mu gha rrie e Babilọn.

Psalm 73:19

A fuẹn iran an vbe udomwurri, ufomwẹ iran keghi khọrhiọn.

Jerimaia 13:10

Avbe emwa dan na hee ne iran họn ẹmwẹ mẹ. Vbene iran ka wa zee vbe udu ne iran na vbe re ekhọe dan dee yi, ọ re iran ye ye. Iran gha gho, iran gha ga avbe ẹbọ ọvbehe. Rhunmwuda ọnii, erriọ iran ra do gha ye zẹe vbe utalawẹ na, te iran wa khian ne ẹ i ghi maa hiehiere.

Jerimaia 13:19

Avbe okpẹvbo ni rre odẹ ekẹn e Juda, okuo ghae gae ẹre nẹ, ọmwa ne ọ gha miẹn ehe la sẹ eke ne iran ye irrọ. A viọ ivbi e Juda hia kpao gha rrie iwe nẹ.”

Jerimaia 19:15

Wẹ e Nọyaẹnmwa ne Oghodua, ne ọ re Osanobua Izrẹl khare wẹẹ, “Oya hia ne I khare ighe I gha rri iran re, I ra mu ẹẹn sẹ vbe egbe ẹvbo na kevbe avbe ẹvbo ni sikẹ ọre, rhunmwuda, wa zevbudu gbe, wa i vbe danmwehọ ẹmwẹ ne I ta.”

Jerimaia 20:6

Zẹ vbene ọ kan uwẹ vbọ e Pasiọ, obọ gha vba uwẹ kevbe ẹgbẹe ruẹ hia, iran ghi viọ iran gha rrie Babilọn. Evba ọre u ra na wu, a ghi vbe re ruẹ ba avbe ọse ruẹ nibun, ne u gha ta ohoghe ni bun sẹrriọ ma.”

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 29:21

“E Nọyaẹnmwa ne Oghodua, Osanobua Izrẹl guaan nẹ, vbekpa Ehab ne ovbi Kolaia kevbe Zedekaia ne ovbi e Manasẹ emwa ni ya eni ẹnrẹn ta ohoghe ma uwa. Ọ khare wẹ rẹn gha viọ iran ye obọ ẹtin e Nebukiadneza ọba ọghe Babilọn, ọmwa ne ọ gha sirra uwa gbele iran an.

Jerimaia 46:5

“Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Jerimaia 52:24

Vbe deba ena, e Nebuzaradan ne arowa ivbiyokuo keghi viọ avbe Seraia ne Ogie Ohẹn, e Zẹfanaia ne ohẹn ne ọ zẹ diake ẹe, kevbe iran kpataki vbe uwu iran ni rre asẹ vbe Ọgua Osa, oghunmwu gha rrie.

Jerimaia 52:27

Vbe otọe Hamat. Iran ghi sẹ evba, ọba na wẹ ne a mama iran, ọ na gbele iran an. Erriọ ọ re a na miẹn wẹ a viọ ivbi e Juda hin otọe iran rre gha rrie iwe.

Jerimaia 6:25

Ohan i ghi gie ima khian ladian hin adesẹ ore ẹvbo rre, ra ne a khian lele ukpo, rhunmwuda, te avbe eghian mwa viọ emwi igbinna mwẹ, ohan rre ehe hia lẹga mwa.”

I Samuẹl 2:33

Sevba, I gha sẹ ọkpa vbe uwu ivbi uẹ rae ye agbọn, rẹn ghi gha ga mwẹ zẹ vbe ohẹn. Sokpan rẹn gha do rhu aro, ọ ghi hohua, ivbuẹ ni ghi dekẹe hia, uwu ọkpankpan iran ra wulo yi.