Jerimaia 20:2 - Edo Bible (E Baibol Ẹdo) Version 1996

² Ọ na wẹ ne iran gbe mwẹ, ne a ye ọgiọrọ rrọ mwẹ vbe ọkpẹn Onurho e Bẹnjamin ne ọ ke Ọdọ vbe Ọgua Osa.

Jerimaia 20:2 Iomraidhean Croise

I Ọba 13:4

Ugbẹn vbe Jeroboam ne ọba ghi họn ẹmwẹ na, ọ keghi niẹn obọ da ẹre, ọ wẹẹ, “Wa mu ẹẹn ighẹ okpia nii!” Vbe ọwarọkpa nii, obọ ọba keghi zeze sẹrriọ wẹ ọ ma ghi sẹtin si ẹe werriegbe.

I Ọba 22:27

Tama iran ne iran fi ẹe fi uwu ẹwẹdọ, ne ọ gha ye ebrẹd vbe amẹ koko ẹe I te rre vbe egbe hẹnnẹdẹn.”

II Krọnikol 16:10

Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.

II Krọnikol 18:23

Ẹre Zedekaia ne akhasẹ na khian bu Mikaia, ọ na so ubi ye ọre aro, ọ nọ rẹn wẹẹ, “De ẹghẹ ne orhiọn e Nọyaẹnmwa ghi vbe ya kpao sẹ imẹ rae do gha gu uwẹ yi?”

II Krọnikol 24:21

E Joas ne ọba keghi deba emwa nii khuan khẹ e Zẹkaraia, emwa nii keghi filo okuta gbe Zẹkaraia a vbe ẹghodo Ọgua Osa zẹ vbene ọba wẹ ne iran ru ẹe.

Job 13:27

U rrọ ọgiọrọ yọ mwẹ owẹ, u kegha baba owẹ ne I zẹ vbotọ, u keghi vbe gha zọ uhio ehe ne I rhie owẹ yi.

Job 33:11

Ọ rrọ ọgiọrọ yọ mwẹ owẹ, ọ na gha baba mwẹ vbe emwi ne I ru hia.’

Jerimaia 26:10

Ugbẹn vbe avbe ọkaolotu e Juda ghi họn emwi ne ọ sunu, iran keghi zẹgiẹgiẹ ke ẹguae ọba gha di Ọgua Osa, iran keghi mudia ye Onurho ọgbọn.

Jerimaia 26:8

Ọwarọkpa vbe I ghi wa taa ẹmwẹ ne Nọyaẹnmwa tama mwẹ wẹ ne I ta fo nẹ iran ke gua mwẹ rhie, iran na gha go kha wẹẹ, “Te ọ kere ne a gbe uẹ ua ba ọnọna.

Jerimaia 29:26

“E Nọyaẹnmwa ọ re ọ ya a rri ohẹn ye ihe Jehoiada, Banbanna nian, wẹ ọ re ọ ghi re enọwanrẹn avbe ohẹn vbe Ọgua Osa. Iwinna ruẹn nọ ne u miẹn ọmwẹmwẹikeọmwẹmwẹ ne ọ ba ru vbe akhasẹ, ne a ya ọgiọrọ rrọ ẹre, a ghi vbe mu odigba ematọn yọ ọre urhu.

Jerimaia 36:26

Ẹre ọ na wẹ ne Okoro ighe Jeramil, kevbe Seraia ne ovbi Azriẹl kevbe Sielemia ne ovbi Abdil munọ imẹ kevbe ọgbenbe mwẹ ighe Barọk, sokpan, e Nọyaẹnmwa keghi viọ ima lẹre.

Jerimaia 37:13

Sokpan, I ghi sẹ Onurho e Bẹnjamin arowa ne ọ gbearoghe avbe ivbiyokuo ni winna vbe evba, ọmwa ne a tie eni ẹnrẹn Irigia ne ovbi Sielemia kevbe eyẹ, Hananaia, keghi mu mwẹ mudia ọ wẹẹ, “Te u lẹ bu ivbi e Babilọn khian.”

Jerimaia 37:21

Rhunmwudọnii, e Zedekaia ne ọba na ghi wẹ ne a khui mwẹ ye ẹwẹdọ ne ọ rre ọre ẹguae. Evba ọ re I ghi gha ye, iran keghi gha mu ududu ẹbrẹd ọkpọkpa ke ehẹn ne a na le gunmwẹ ẹdẹgbegbe, a te miẹn wẹ ebrẹd fo vbe ore ẹvbo na hia fẹẹrẹ.

Zẹkaraia 14:10

A gha hẹnhẹn otọe nii hia fẹẹrẹ ke Geba vbe odẹ okuọ ya sẹ Rimọn vbe odẹ ekẹn, e Jerusalẹm ghi gha ghe avbe otọ ni lẹga ẹre adesẹ uhunmwu; ẹvbo ni gha tan vbe otọ ke urho e Bẹnjamin ya sẹ Onurho igọgọ, ehe ne onurho ka gha ye yi, kevbe ke Owa ọkhẹ e Hananẹl ya sẹ okọ ne a na minọ ayọn ọghe ọba.

Matiu 21:35

Iran ni keghi munọ eviẹn ọnrẹn nii, iran mama ọkpa vbọ, iran gbe ọkpa vbọ rua fẹẹrẹ, iran keghi filo okuta gbe nọkpa.

Iwinna 4:3

Rhunmwuda ọnii, iran mu nọ iran, iran keghi khui iran ye ẹwẹdọ vbe ẹdẹ te ya gbe, rhunmwuda ẹdẹ khian nẹ.

Iwinna 5:18

Iran keghi munọ avbe ukọ, iran keghi khui iran ye ẹwẹdọ.

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.