Jerimaia 2:9 - Edo Bible (E Baibol Ẹdo) Version 1996

⁹ Rhunmwuda, mẹ ne Nọyaẹnmwa gha dọlegbe talọ ẹzọ ni gu emwa mwẹ gui, I gha ba ivbi uniẹn iran ifi ẹzọ.

Jerimaia 2:9 Iomraidhean Croise

Psalm 50:4

Ọ tie ẹrinmwi kevbe agbọn ye osẹe, ne iran do ghe vbe irẹn a gha bu ohiẹn emwa irẹn.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Aizaia 3:13

E Nọyaẹnmwa mu egbe ne ọ gha ya gui ẹzọ ọghọe, ọ mu egbe ne ọ gha ya bu ohiẹn emwa irẹn.

Aizaia 43:26

“Wa gie ima gha rrie iko ẹzọ, wa viọ ẹzọ ne uwa mwẹ ne uwa ra gui rre. Wa do ta ne unu uwa, ne uwa rhie ma ighẹ wa ma rria abe.

Jerimaia 2:29

De ẹzọ ne uwa mobọ gui yi? Vbọzẹ ne uwa na sẹmwẹ mwẹ yi?

Jerimaia 2:35

Te uwa ye kha wẹẹ, ‘I ma rẹn okpa I ma rẹn eva, e Nọyaẹnmwa i ghi mu ohu mwẹ ọvbehe.’ Sokpan, mẹ ne Nọyaẹnmwa gha rri uwa oya, rhunmwuda ne uwa na siẹn ne uwa na tae na ighe wa ma rukhọ.

Hozia 12:3

E Jekọb ne erha iran odede kevbe Isọ ne irẹn vbe ọre gba re ivin eva gba ru egbe vbe iran eva he rre uwu ẹko iye iran; e Jekọb ghi waan nẹ ọ gu Osanobua suan.

Hozia 2:2

Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Hozia 4:1

E Nọyaẹnmwa mwẹ ẹzọ ne ọ gu emwa ni rre otọe na gui. Izrẹl, danmwehọ vbe ne ọ kha hẹ, “Uyinmwẹ esi ra aho ẹmwẹ ọmwa i zẹdẹ rre otọe nii, avbe emwa nii, ma vbe tie mwẹ Osanobua.

Levitikọs 20:5

mẹ gha tobọmwẹ mu aro da ọmwa nii ke ẹe kevbe ẹgbẹe ọre hia kevbe iran ni yegbe ba ẹre vbe uyinmwẹ a i gie a mu ẹtin yan ne ọ yin ghe mwẹ ne ọ na ya gha gho Milkọm. Mẹ i ghi ra vbe ka iran ba emwa mwẹ.

Maika 6:2

Wa ne avbe oke nekhua, wa ne avbe ẹyotọ etẹbitẹ agbọn na, wa danmwehọ ẹzọ ne Nọyaẹnmwa gui! E Nọyaẹnmwa mwẹ ẹzọ ne ọ gu emwa rẹn gui. Ọ ra ba Izrẹl ifi ẹzọ.