Jerimaia 2:8 - Edo Bible (E Baibol Ẹdo) Version 1996

⁸ Avbe ohẹn ma vbe nọ wẹẹ, “E Nọyaẹnmwa vboo?” Avbe ohẹn mwẹ ma rẹn mwẹ, avbe iran ni khaemwisẹ keghi sọtẹ mwẹ, avbe akhasẹ kegha ye eni e Baal guan yotọ iran kegha gho avbe amazẹ ni emwa maa.

Jerimaia 2:8 Iomraidhean Croise

I Ọba 18:22

Ẹre Elaija ghi na kha wẹẹ, “Mẹ ọkpa ọ ghi ke ẹe vbe avbe akhasẹ e Nọyaẹnmwa, sokpan akhasẹ e Bal ekigbesiyeha yan uri eva, ọre ọ rre emwa na.

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

I Ọba 18:40

Elaija keghi kha wẹẹ, “Wa munọ avbe akhasẹ e Bal, wa ghẹ gie ọkpa lẹfua vbọ!” Iran keghi mu nọ iran hia, Elaija keghi viọ iran gha rrie ovbi Ẹzẹ Kisiọn, ọ na gbele iran an.

Job 35:10

Sokpan, iran i bu Osanobua ne ayi ne ọ yi iran gha khian. Ọmwa ne ọ rhie idaehọ ne iran vbe ẹghẹ iran ne ọ so ebiebi sẹ.

Aizaia 28:7

Uhin ighe avbe akhasẹ kevbe avbe ohẹn daa ayọn gbe egbe sẹrriọ wẹ te iran ghi dobidokpannọ khian. Iran daa ayọn, iran kevbe wọọn emwi hia bun sẹrriọ wẹ, te iran ghi dekun emwi hia vbe ne emwi ghi tighi sẹ. Avbe akhasẹ daa ayọn bun sẹrriọ wẹ iran i ghi rẹn umian ne Nọyaẹnmwa rhie ma iran, avbe ohẹn vbe daa ayọn sẹrriọ wẹ iran i ghi rẹn ohiẹn ẹmwẹ ne a viọ bu iran yo ya bu.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 30:5

ivbi Izrẹl gha gbe I ma rẹn, wẹ ọ da iran ne iran na zẹdẹ ya egbe yan uhunmwu ẹvbo ne ẹ i gia mu ẹtin yan nii, uhunmwu ẹvbo ne ọ hiẹ iran vbe iran te gha khẹ iyobọ ẹre.”

Jerimaia 10:21

Mẹ keghi wanniẹn wẹẹ, “Akpa ọ re avbe ọkaolotu mwa khin; iran ma wẹ ne Nọyaẹnmwa ma iran odẹ, ọ na ọ sii ẹe ne ọ ma na dunna ne iran, te a ghi zagha emwa ima hia kua.

Jerimaia 12:10

Avbe enikhaemwisẹ ni re orhunmwuyẹn, dunmwu ogba azara mwẹ uan nẹ; iran ye owẹ guọghọ ugbo mwẹ ginna otọ iran ye owẹ ye otọe esiesi mwẹ khian ato.

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Jerimaia 2:11

Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Jerimaia 7:8

Ghe, ẹmwẹ erẹrẹ ọ re uwa mu ẹtin yan.

Jerimaia 9:14

Sokpan iran keghi zevbudu, iran ke ya gha gho e Baal ne ẹbọ, zẹ vbene avbe erha iran ma iran re ne iran gha ru.

Ezikiẹl 22:26

Avbe ohẹn rra uhi mwẹ, iran i vbe yọghọ ne avbe emwi nihuanrẹn. Iran i vbe vin uwu ye ẹkpo emwi ne ọ huanrẹn kevbe nọ ma huan. Iran i vbe ma emwa alughaẹn negbe ne ọ rre ẹkpo emwi ne awua i ye ke ne awua ye, iran i vbe zẹdẹ zẹ ye ẹmwẹ Ẹdẹ Ikẹtin. Emwi ne a ghi la ọna miẹn ọrọre wẹ ivbi Izrẹl i ghi yọghọ mẹ.

Ezikiẹl 34:2

“Ovbi ọmwa, ta ku avbe ọkaolotu Izrẹl. Ta ẹmwẹ akhasẹ ma iran, ne u tama iran vbene imẹ ne Nọyaẹnmwa ne Udazi khama iran hẹ wẹẹ: ‘Wa wiri, wa ne ọsuohuan Izrẹl! Wa gha koko egbe uwa, sokpan, wa ma koko avbe ohuan.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Habakọk 2:18

De esa ne ẹbọ ye yi? Emwi ne ọmwa ya obọ ru kẹkan ma, nẹ ẹ i vbe ta ẹmwẹ ọkpa ma ruẹn gberra ohoghe. De ọ maa ọkpa ne ọmwa ne ọ mu ẹtin yan rẹn ra miẹn vbọ yi — ẹbọ ne ẹ i sẹtin guan.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Iyẹn ne ọ Maan Ọghe Luk 11:52

“Ọ sẹ uwa, wa ni ma emwa Uhi! Wa rhie isanhẹn urho irẹnmwi mwẹ, wa tobọ uwa ma la owa, wa ma gie ne ọ ho ne ọ la owa, la owa.”

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Iyẹn ne ọ Maan Ọghe Jọn 8:55

Wa ma he rẹn ọnrẹn ẹdẹ, sokpan mẹ rẹn ọnrẹn. I gha kha ighe I ma rẹn ọnrẹn, mẹ gha vbe khian ọhọn ohoghe vbe ne uwa ye. Sokpan mẹ rẹn ọnrẹn, mẹ họn ẹmwẹ nẹẹn.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

Diuteronomi 33:10

Iran gha ma emwa ruẹn re ne iran gha ya uhi ru emwi, iran gha zọ ese vbe aka ruẹ.

I Samuẹl 12:21

Wa ghẹ ya gha gho ẹbọ ohoghe, iran i ra sẹtin yi uwa obọ, ama wẹ ne iran miẹn uwa fan, rhunmwuda emwi ababa iran khin.

I Samuẹl 2:12

Ivbi Elai ne ikpia kegha re emọ ni ku ogboi. Iran i zẹdẹ zẹ ye ẹmwẹ e Nọyaẹnmwa