Jerimaia 2:3 - Edo Bible (E Baibol Ẹdo) Version 1996

³ Izrẹl mẹ okpa ọ re ọ te yan ruẹn emwi nọhuanrẹn ọ re u te gha khin mwẹ re I si oya kevbe usẹ ye iran ni kuan ruẹn egbe. Mẹ ne Nọyaẹnmwa taa ẹe nẹ.”

Jerimaia 2:3 Iomraidhean Croise

Ẹksọdọs 22:29

Ghẹ mwẹ u ma gha viọ imuohan gun mwẹ vbe ọka ruẹ, ayọn ruẹn kevbe ofigbọn oliv ruẹ vbe ẹghẹ a sẹ ẹe. Wa ghi gha ya ivbi uwa ne ikpia ne ọdiọn fiohan mẹ.

Ẹksọdọs 23:16

Wa ghi vbe gha ru emwi ukpo Akọrhọre Ọka vbe uwa gha rhọ emwi okaro ne uwa kọ ye ugbo rua. Wa ghi ru emwiukpo Emwiorhọ Okaro vbe ufomwẹ ukpo vbe uwa a ghi rhọ emwiorhọ ke ugbo kevbe agọ rre.

Aizaia 41:11

“Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Jerimaia 12:14

E Nọyaẹnmwa khare wẹẹ, “I mwẹ ẹmwẹ ne I gha tama avbe ẹdogbo Izrẹl, emwa ni rhia rua a ighẹ otọ ne I mu ne ivbi Izrẹl, ne emwa mwẹ. I gha viọ emwa nii hin ẹvbo iran rre zẹ vbene a vbokho ovbi erhan, I ghi vbe miẹn e Juda fan vbe obọ iran.

Jerimaia 2:4

Wa danmwehọ uhunmwu ne Nọyaẹnmwa gie rre, wa ne ivbi uniẹn Jekọb wa ne ẹwae Izrẹl.

Jerimaia 30:16

Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

Jerimaia 50:7

A vba gbe ọ re iran ghi khin, avbe eghian iran khare wẹẹ, ‘Iran sẹ ẹmwẹ e Nọyaẹnmwa nẹ, rhunmwuda ọnii, ma ma ru a ghẹ i ru. E Nọyaẹnmwa ọ re avbe erha iran odede mu ẹtin yan, te ọ te kei ne iran vbe rhie ekhọe lele ẹe.’

Joẹl 1:3

Wa talọ ẹe ma avbe ivbi uwa, iran gha vbe talọ ẹe ma avbe ivbi iran, enii ghi vbe talọ ẹe ma avbe orre ne ọ ghi vbe diake ẹe.

Emọs 6:1

U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Habakọk 1:11

Iyeke ọnii, iran ghi bi gha khian vbe ẹhoho, iran rrie; ighe avbe emwa na ne ẹtin iran re ẹbọ ne iran gho.”

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Nọmbas 18:12

“I ra vbe viọ emwi okọ nọ maa vbe uwu ne ivbi Izrẹl ka rhọ ne iran viọ gun mwẹ ukpukpo ne uẹn, ofigbọn oliv, ayọn kevbe ọka.

Ebe ne Pọl gbẹẹn gie emwa Rom 11:16

A deghẹ a rhie ekan unu eka ne okaro ne Osanobua, rẹn ọ ghi wa yan ududu eka ni hia, erriọ, a deghẹ a vbe ye inian ni rre erhan fiohan ne Osanobua, rẹn ọre ọ wa vbe yan abọ ẹre ba ẹre.

Ebe ne Pọl gbẹẹn gie emwa Rom 16:5

Wa vbe guotuẹ esọsi ne ọ do gha miẹn egbe vbe owa iran. Wa we Epaonetọs ne ọse mwẹ ne ọ ghan do, rẹn ọre ọmwa ne ọ ka gha ye Kristi yi vbe otọ Esia hia.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Diuteronomi 14:2

Ọghe Nọyaẹnmwa Osanobua rua ore uwa khin, rhunmwuda te ọ hannọ uwa zẹ vbe uwu ẹbu emwa ni rre otọ agbọn hia ne uwa gha re ọghe irẹn.

Diuteronomi 26:19

Ọ ghi gie uwa kpọlọ sẹ avbe agbọn ẹvbo hia ne irẹn he yi. Wa ghi gha re emwa nihuanrẹn ọghe ọe, wa ghi gha rhie urhomwẹ kevbe uyi gie eni ẹnrẹn. Wa ghi gha re emwa irẹn, zẹẹ vbe ne irẹn yanrẹn.”

Diuteronomi 7:6

Wa ghi ru ẹe vberriọ rhunmwuda, ọghe Nọyaẹnmwa Osanobua uwa ọ re uwa khin. Te ọ hannọ uwa zẹ hin uwu ẹbu emwa ne agbọn hia rre ne uwa do gha re emwa ughaẹn ọghe irẹn.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.