Jerimaia 2:25 - Edo Bible (E Baibol Ẹdo) Version 1996

²⁵ Izrẹl, ghẹ wiẹn owẹ uwa a ra ne ẹho uwa vbe kaka ne uwa ya khọn lele ẹbọ ọvbehe khian. Sokpan, wa ghi kha wẹẹ, ‘Ẹn o, I i sẹtin werriegbe. Avbe ẹbọ ẹrrẹe la mwẹ aro nẹ, te I ra lele iran.’ ”

Jerimaia 2:25 Iomraidhean Croise

II Krọnikol 28:22

Ọ ghi sẹ ẹghẹ ne emwi hia ya ba su ẹe sẹẹ, ọmwa na ighẹ Ehaz keghi wa dọlegbe sẹmwẹ e Nọyaẹnmwa sẹẹ vbe ne ọ te ka ye yi.

II Krọnikol 28:23

Ọ keghi zọ ese ghe avbe ẹbọ e Siria ni khọn miẹn irẹn otọ, ọ na kha wẹẹ, “Avbe ẹbọ ivbi e Siria ọ re ọ ye Siria obọ, rhunmwuda ọnii, a dẹghe mẹ zọ ese ghe iran, ughaghe iran gha vbe yọ mwẹ obọ.” Ọna keghi si ọfuan ye irẹn kevbe ẹvbo ẹre egbe.

Aizaia 2:6

E Nọyaẹnmwa, wẹ mianmian avbe emwa ruẹn ne, ighe avbe ivbi e Jekọb. Uyinmwẹ oso ọ re ọ ghi gba otọe nii hia, ke odẹ ahọ yasẹ Filistia. Uyinmwẹ, ẹvbo ẹrrẹe ọ re avbe emwa nii ghi yin.

Aizaia 57:10

Wa miẹn ẹsọn a gha wu a rrie gha gualọ ẹbọ ọvbehe, sokpan, wa ma zobọ vbọ. Wa ro wẹ ukhurhẹ oya ọghe uwa ọ re ọ rhie ẹtin ne uwa, rhunmwuda ọnii, ọ re egbe ma na wọ uwa.

Jerimaia 13:21

A deghẹ avbe emwa ne u tie ẹre ọse ruẹ ghi khọn ruẹn, iran na gha khaemwisẹ yan ruẹn, vbe u a ra kha hẹ. U ghi do gha rre uwu obalọ, zẹ vbe okhuo ne emwi ubiẹmwẹ ru.

Jerimaia 13:22

U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Jerimaia 14:10

E Nọyaẹnmwa keghi kha vbekpa avbe emwa na wẹẹ, iran ho ne iran gha lẹ mẹ, iran i sẹtin mu egbe iran yọghọ rhunmwuda ọnii, ẹko iran i rhiẹnrhiẹn mwẹ. I gha ye avbe amaruẹse iran rre, I gha rri iran oya ye orukhọ iran.’ ”

Jerimaia 18:12

Iran gha wanniẹn wẹẹ, ‘Ẹn o, vbọzẹ? Ma gha wa ze vbe udu, a ghi vbe gha ru emwi dan khian zẹ vbene ima ho ne ima gha ru.’ ”

Jerimaia 2:31

Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Jerimaia 22:20

Ivbi e Jerusalẹm, wa gha rrie Lebanọn ya go, wa gha rrie Basian ya viẹ wa ke oke Moab da tie emwa rhunmwuda, obọ ke okhunmwu ne iran ni deba ruẹ hia nẹ.

Jerimaia 22:21

Ẹghẹ ne agbọn na gha ma ruẹn, e Nọyaẹnmwa guẹ guaan, sokpan, u ma zẹ yọ ẹre re. Erriọ ọ re uwa ya ẹdẹ agbọn ruẹn hia gha ru ẹe. U ma he họn ẹmwẹ ne Nọyaẹnmwa ẹdẹ.

Jerimaia 3:13

Sokpan, u ghi miẹnkue wẹ, wa rriabe kevbe wẹ wa sẹmwẹ e Nọyaẹnmwa ne Osanobua uwa. Miẹnkue wẹ u rhie aho ruẹ ne avbe ẹbọ ẹrrẹe vbe ototọ erhan ni mwẹ ebe ni bii hia kevbe wẹ u ma ya ẹmwẹ mwẹ ru emwi. Mẹ ne Nọyaẹnmwa ọ re ọ tae.

Jerimaia 44:17

Emwi ne ima khare ighe ma ra ru hia ọ re ima ra ru. Ma gha zọ ese ghe avbe ẹbọ nokhuo ọghe ima ighe Ọba okhuo ne Ẹrinmwi, ma gha vbe gha sa ayọn ye otọ ne ẹẹn, zẹ vbene ima kevbe avbe erha mwa odede, avbe ọba ima kevbe avbe ọkaolotu ima ka ru ẹe dee yi vbe avbe ẹvbo e Juda, kevbe vbe adesẹ idunmwu ni rre Jerusalẹm. Vbe ẹghẹ nii, evbare keghi maa ne ima ọghe ọkpọkua, te agbọn wa gha maa ima ẹghẹ nii, ma ma vbe gha mwẹ ọlọghọmwa.

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 4:4

Iran gie ohanmwẹ kevbe ovbamẹ gbele iran emọ uan ibiẹka gha vbu evbare khian, vbe ne a i na miẹn ne ọ gha rhie ne iran.

Ezikiẹl 20:32

Wa tae mu olọ yan rẹn nẹ wẹ te uwa ra gha yevbe avbe ẹvbo nekpa, zẹvbe emwa ni rre ẹvbo ọvbehe, iran ni gho erhan kevbe okuta. Sokpan, ọnii i gba hiehiere.

Hozia 2:3

Adeghẹ ọ ma dobọyi, I gha bannọ ọẹn ruan ye irhunmwuirhun, egbe ne ọ gha ye vbe ẹdẹ ne a biẹ ọe. I gha ru ẹe ne ọ khian otọe ne ọ kae kevbe ne ọ dihoi rua. Ohanmwẹ amẹ ghi gbẹe rua.

Malakai 3:14

Wa khare wẹẹ, ‘Ẹi zẹdẹ mwẹ esa ne a gha ga Osanobua. De esa ne ọ khin ne a gha ru vbene ọ khare ra ne a gha rhie ma e Nọyaẹnmwa ne Oghodua wẹ ọ da mwa ne ima na ru emwi ne ima ru?

Iyẹn ne ọ Maan Ọghe Luk 15:22

Sokpan erha ẹe keghi datie avbe eguọmwadia ẹre, ọ keghi tama iran wẹẹ, ‘Wa zẹgiẹ viọ avbe ẹwu ne ọ maa sẹ rre ne a viọ ye ọe, wa rhie oroka ye ẹre obọ, wa viọ ibata ye ẹre owẹ.

Iyẹn ne ọ Maan Ọghe Luk 16:24

Rẹn keghi datu wẹẹ, ‘Ebraham ne Evbavba! Tohan mwẹ ne u gie Lazarọs ne ọ ya fi ukpẹ ihiẹn obọ ye amẹ do nọnọ ya fu mwẹ aranmwẹ rre, rhunmwuda erhẹn na ya mwẹ rrie!’

Ebe ne Pọl gbẹẹn gie emwa Rom 8:24

Rhunmwuda, idaehọ ọre a ya miẹn ima fan. Sokpan, deghẹ ma bẹghe emwi ne a mwẹ idaehọ ẹre nẹ, ọnii i ghi re idaehọ. Wa he vbe miẹn ọmwa ne ọ rhie aro ye odẹ gha khẹ emwi ne ọ rre ọre obọ nẹ ra?

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Diuteronomi 32:16

Iran ya ẹbọ ne iran gho ya e Nọyaẹnmwa gha ruẹe, emwi dan ne iran ru keghi ya ẹe mu ohu.