Jerimaia 2:23 - Edo Bible (E Baibol Ẹdo) Version 1996

²³ Vbe uwa ghi ra tae hẹ yi ighe wa ma ru awua, wẹ, wa ma he gho e Baal ẹdẹ. Wa ghe vbene uwa ru orukhọ hẹ vbe uwu iya, wa ghe emwi ne uwa he ru, te uwa ye vbe ede amwẹ vbe ẹghẹ owowo, wa gha rhulẹ yo rhulẹ rre vbe ne a ma na gbe odẹ,

Jerimaia 2:23 Iomraidhean Croise

Ẹsta 8:16

Ẹko avbe Ju keghi vuọn ne oghọghọ ọghe a fe vbe iwe, ọyẹnmwẹ kevbe akhọnmiotọ.

Psalm 36:2

Rhunmwuda ukpo ne ọ yo ne ọ ro egbe ẹre yi, rẹn ro wẹ, Osanobua i ra miẹn otọ orukhọ ẹre, ne ọ bu abe gbẹe.

Psalm 50:21

Wa ru avbe emwi na hia mẹ keghi hunwan kpọi wa keghi rhunmwuda ọnii gha ro wẹ, te imẹ yevbe uwa. Banbanna nian mẹ gu uwa gui nẹ I keghi rhan otọ ẹmwẹ nii ma uwa.

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Itan 30:12

Emwa eso rrọ ni ro wẹ te iran wa huan, vberriọ te iran wa gbe iruẹn sẹlẹkẹ.

Itan 30:20

Emwi ne okhuo ne ọ ma gua obọ ọdọ ru ọ re ọna khin: ọ ghi ya ghẹ, iyeke ọnii, ọ ghi ya khuẹ, ọ ghi kha wẹẹ, “I ma ru a i ghẹ ru!”

Jerimaia 14:10

E Nọyaẹnmwa keghi kha vbekpa avbe emwa na wẹẹ, iran ho ne iran gha lẹ mẹ, iran i sẹtin mu egbe iran yọghọ rhunmwuda ọnii, ẹko iran i rhiẹnrhiẹn mwẹ. I gha ye avbe amaruẹse iran rre, I gha rri iran oya ye orukhọ iran.’ ”

Jerimaia 16:10

“U gha talọ ena hia ma iran ne, iran gha nọ emwi ne ọ sii ẹe ne I na yan rria ikhi vberriọ. Iran gha nọ emwi ne ọ re awua ne iran ru kevbe orukhọ ne iran ru ghe e Nọyaẹnmwa ne Osanobua iran.

Jerimaia 2:36

Wa ye egbe uwa khian ekẹkẹ ẹbo vbekpa ne uwa na gha rrie ọghe ẹbọ ẹrrẹe. Igipt gha hiẹ uwa zẹ vbene Asiria vbe hiẹẹ uwa.

Jerimaia 3:2

Wa tọn aro mu ya ghe avbe uhunmwu oke. Ihọkpa rrọọ ra ne uwa ma na he ka do ẹki ebabotu yi? Wa ghi gha mudia khẹ emwa ne uwa zẹ ọre ọse vbe ọkpẹn odẹ zẹ vbene Igabari diakhẹ emwa ni gha defi iran obọ vbe ato. Wa keghi ya ẹki ebabotu ne uwa do mu awua ye avbe otọe nii.

Jerimaia 31:22

Inu ẹghẹ wa gha biro eveva la, wa ne emwa ne ẹ i mwẹ iyayi? I yii emwi ọgbọn kevbe ne ọ lughaẹn nẹ ọ wa lughaẹn sẹẹ okhuo ne ọ degue okpia.”

Jerimaia 7:31

Iran ma Ogiukpo okpa ne iran tie ẹre Tofẹt ye Iya Hinọm, ne iran miẹn ehe na gha ya ivbi iran nikpia ke nikhuo zọ ese vbe erhẹn. I ma gie iran ru emwi na, ọ ma vbe zẹdẹ gha rrọ mwẹ ekhọe hiehiere.

Jerimaia 9:14

Sokpan iran keghi zevbudu, iran ke ya gha gho e Baal ne ẹbọ, zẹ vbene avbe erha iran ma iran re ne iran gha ru.

Hozia 1:2

Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Iyẹn ne ọ Maan Ọghe Luk 10:29

Sokpan ne ọmaemwa uhi ni keghi ho ne irẹn rhie maa ighẹ rẹn yin ẹse, ọ keghi rhunmwuda ọnii nọ Jesu wẹẹ, “Gha ọre ogieva mwẹ?”

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.