Jerimaia 2:22 - Edo Bible (E Baibol Ẹdo) Version 1996

²² Ọ gha khọn uwa, wa ya ye evbakhuẹ ne ọ ghi huan emwi sẹ khue te I gha ye bẹghe ehe ne abakuru uwa ya iruẹn yi.

Jerimaia 2:22 Iomraidhean Croise

II Samuẹl 11:12

Ẹre Devid ghi na kha wẹẹ, “Ọ maa, mudia vbe emwa na ẹrẹna, akhuẹ, I gha wẹ ne u werriegbe gha khian.” Ẹre Uraia ghi na mudia vbe Jerusalẹm ẹdẹ ne ẹdọ kevbe ẹdẹ ne ọ lele ẹe.

Job 14:17

U gha yabọ iran, u ghi viọ iran kua, u ghi khiẹn emwi ne I baku ru hia kua.

Psalm 130:3

Wẹ gha wẹ ne u ka orukhọ mwa ye ima owẹ, de ọmwa okpa ne ai ra bu abe gbe?

Psalm 90:8

U wa orukhọ ima ye odaro ruẹ, orukhọ ẹkhokho ima vbe ehe ne u gha na gha bẹghe ẹre.

Jerimaia 16:17

I bẹghe emwi ne iran ru hia. Emwi okpa ma rhie egbe lẹre mẹ, orukhọ ne iran ru ma sẹtin rhie egbe lẹre ne aro mwẹ.

Jerimaia 17:1

E Nọyaẹnmwa keghi kha wẹẹ, “Ivbi e Juda, ukeke ematọn ọ re a ya gbẹnnẹ orukhọ uwa yotọ, emwi ne ọ mwẹ ukpe ọghe ẹdaimọn ọ re a ya gbẹnnẹ ọẹn ye uwa ẹkoko udu, a keghi kaa ẹre ye efẹn Ogiukpo uwa.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Ezikiẹl 24:6

Ẹmwẹ ne Nọyaẹnmwa ne Udazi tae ọ re ọna khin: “Ọwiri ọ re ọghe ẹvbo avbe izigha, ọ yevbe akhe ne ọ wiẹn uan nẹ ne a i ghi kpe. A ghi hẹko gha zọ emiowo nii ọkpọkpa ladian, vbe ne a i na sẹrae yọ.

Hozia 13:12

“A gbẹnnẹ orukhọ kevbe irriabe Izrẹl yotọ, a keghi vbe hẹko viọ emwi ne a gbẹnnẹ ọẹn yi hin rre.

Emọs 8:7

E Nọyaẹnmwa ne Osanobua Izrẹl vẹn ihen nẹ wẹẹ, “Mẹ i ra mianmian emwi dan ne iran ru.

Diuteronomi 32:34

“E Nọyaẹnmwa rẹn emwi ne eghian iran ru, rẹn mudia khẹ ẹghẹ ne ọ kere ne a ya rri iran oya.