Jerimaia 2:2 - Edo Bible (E Baibol Ẹdo) Version 1996

² ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 2:2 Iomraidhean Croise

Psalm 129:1

Izrẹl, tama mwa vbene avbe eghian zẹ uẹ kpokpo hẹ, ke ẹghẹ ọvbokhan ruẹn gha dee.

Ẹksọdọs 14:31

Ivbi Izrẹl ghi miẹn obọ ẹtin nọkhua ne Nọyaẹnmwa ya mu ivbi Igipt, iran kegha mu ohẹn e Nọyaẹnmwa, iran na mu ẹtin yan e Nọyaẹnmwa, rẹn kevbe Mosis ne ọguọmwadia ẹre.

Ẹksọdọs 16:8

E Mosis keghi kha wẹẹ, “E Nọyaẹnmwa ọre ọmwa ne ọ ra rhie emiowo ne uwa re vbe ota kevbe inu ebrẹd ne uwa ho vbe owiẹ, rhunmwuda ọ họn vbe ne uwa ghi gui ẹzọ irẹn hiẹ.”

Itan 1:20

Danmwehọ vbe ẹwaẹn tie emwa vbe adesẹ ore kevbe ẹki.

Ihuan Ne Ọ Sọọ Ihuan Hia 3:11

Wa ne ikhuo e Zaiọn, wa do ghe Solomọn. Ọ mu ẹde ne iyẹe mu ye ọ re uhunmwu rhuẹ, vbe ẹdẹ ne ọ rhie ọha vbe oghọghọ kevbe ọyẹnmwẹ ọghọe.

Ihuan Ne Ọ Sọọ Ihuan Hia 3:6

Vbe ọna khin ne ọ ke ato dee na yi? Zẹ vbe iki ighogho? Ne ọ winhin eturari kevbe oziya eturari ne avbe ekpatẹ khiẹn?

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Jerimaia 11:6

Ẹre Nọyaẹnmwa na tama mwẹ wẹẹ, “Gha rrie avbe ore nọkhua ọghe Juda kevbe avbe idunmwu ni rre Jerusalẹm. Ya ta uhunmwu ne I giee vbe evba, ma emwa nii ne iran danmwehọ ẹmwẹ ne a ta ye nene ile, ne iran gha ya ẹe ru emwi.

Jerimaia 19:2

ne I la Onurho Ọmakhe gha rrie, Iya Hinọm. Evba nii ọ re ọ wẹ ne I na ta uhunmwu ne irẹn gha gie mwẹ re.

Jerimaia 2:1

E Nọyaẹnmwa keghi tama mwẹ,

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Jerimaia 3:4

“Eban nian, wa do gha tama mwẹ wẹẹ, ‘Wẹ ọre erha mwẹ te uwa gha hoẹmwẹ mwẹ ke ẹghẹ ọvbokhan mwẹ gha dee.

Ezikiẹl 16:22

Ẹghẹ ne u na gha lo ẹdẹ ruẹ ye uyinmwẹ ẹwia ọghe igberagia, u ma ghi dọlegbe ye ẹghẹ ne u na gha rre ọvbokhan rre ọvbehe, ẹghẹ ne u na gha rre irhunmwuirhun, ne u na gha wunnu vbe uwu esagiẹn ruẹn.”

Ezikiẹl 16:60

Sokpan, mẹ gha da ile ne I gu uẹ ta ẹghẹ ne u na ye kherhe yi. I ghi vbe do gu uẹ ta ile ne ọ gha rrọ rhinrin ẹdẹdẹmwẹdẹ.

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.

Ezikiẹl 23:19

Ọ keghi wa dọlegbe khian ebabotu, ọ na wa gha do egbe ẹki ne ọ gha do ẹghẹ ne ọ na re ọvbokhan okhuo vbe Igipt.

Ezikiẹl 23:3

Ẹghẹ ne iran he na ye giẹrẹ vbe iran rre Igipt, ọghẹrẹ iran giagiae, iran na khian ebabotu.

Ezikiẹl 23:8

Iwinna ebabotu ne ọ suẹnrẹn vbe ọ rre Igipt, ehe ne ọghẹrẹ ọre na fian, ọ keghi ye gha ru ẹe khian. Ẹghẹ ne ọ he na rre ọvbokhan okhuo, ọre avbe ikpia kegha gu ẹe ru emwi, iran kegha ru ẹe vbene a ru ebabotu.

Hozia 11:1

E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Hozia 2:17

Mẹ i ghi ra gie ẹe dọlegbe ye so unu ye eni e Baal ọvbehe.

Hozia 2:7

Ọ gha rhie ulẹ lele avbe esiọre, sokpan ẹ i ra vba iran. Ọ gha gualọ iran, sokpan ẹ i ra miẹn iran. Ẹghẹ nii, ọ ghi kha wẹẹ, “I ra do bu ọdọ mwẹ ne I ka rọnmwẹ. Ẹghẹ nii ọre agbọn na ma mwẹ sẹ ne I ghi ye na.”

Hozia 8:1

E Nọyaẹnmwa khare wẹẹ, “Wa kpe orhu okuo! Avbe eghian wa hẹ bu otọe mwẹ dee zẹvbe avbe oghohọn. Avbe emwa mwẹ rra ile ne imẹ vbe iran gba ta nẹ, iran keghi vbe sọtẹ ghe emwi ne I ma iran re.

Hozia 9:10

E Nọyaẹnmwa khare wẹẹ, “Ẹghẹ ne I na ka miẹn Izrẹl, ọ keghi ye vbe ne a miẹn erhan azara ne ọ zọ ye uwu ato. Ẹghẹ ne I na ka miẹn avbe erha uwa odede, ọ keghi yevbe ne a miẹn ọmọ ne ọ vbo ro ne erhan azara ka gha mọ vbe ẹghẹ ọre. Sokpan, iran ghi sẹ Oke Peọ, iran na suẹn gha gho e Baal, wanwanna, iran keghi do gha re emwi osọnnọ zẹ vbene ẹbọ ne iran ho ẹmwẹ ọnrẹn ye.

Jona 1:2

Ọ wẹẹ, “Gha rrie Ninevi, okpẹvbo nọkhua nii, ne u ya ta ku ọre, I rẹn vbene emwa rẹn mwẹ ekhọe dan hẹ.”

Matiu 11:15

Ne ọ mwẹ ehọ gie ẹ họn.

Iyẹn ne ọ Maan Ọghe Luk 12:13

Ọkpa vbe uwu emwa ni rre evba keghi tama rẹn wẹẹ, “Ọmamwaemwi, tama ọtẹn mwẹ ne ọ ghae mẹ vbe ukhu ne erha ima wu fi ye ima otọ.”

Diuteronomi 2:7

“Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.

Diuteronomi 33:3

E Nọyaẹnmwa ho ẹmwẹ emwa ẹnrẹn, ọ keghi vbe degue iran ni re ọghe ọe. Rhunmwuda ọnii, ma ghughẹrre vbe owẹ ọre a na ya uhi ẹre gha ru emwi.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

Arhie Maan 2:4

Sokpan ẹzọ ruẹ ne I gui ọrọre wẹ, u i ghi ho ẹmwẹ mwẹ vbene u te ka gha ho ẹmwẹ mwẹ vbe ẹghẹ okaro.