Jerimaia 2:19 - Edo Bible (E Baibol Ẹdo) Version 1996

¹⁹ Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 2:19 Iomraidhean Croise

I Ọba 18:18

Elaija wanniẹn wẹẹ, “Ẹ i re imẹ ọre ọgbẹti, wẹ nọ, wẹ kevbe erha a. Wa i họn ẹmwẹ ne Nọyaẹnmwa ta, wa keghi vbe gha gho e Bal ne ẹbọ.

II Krọnikol 12:5

E Siemaia ne akhasẹ keghi bu e Rehoboam ne ọba kevbe avbe olotu e Juda ni lẹ fe Sisiak gha die Jerusalẹm, ọ tama iran wẹẹ, “Uhunmwu ne Nọyaẹnmwa gie gie uwa ọ re ọ na khin: ‘Wa fi iyeke gbe mwẹ nẹ, banbanna nian, mẹ vbe sẹ uwa rae ne Sisiak.’ ”

II Krọnikol 21:10

Idọm ma ghi dọlegbe ga gie Juda ke ẹghẹ nii gha dee. Vbe ẹghẹ ne a vbe kha na, ọ re ẹvbo ne a tie ẹre Libna na vbe sọtẹ, rhunmwuda e Jehoram na fi iyeke gbe Nọyaẹnmwa ne Osanobua avbe erha ẹe odede.

II Krọnikol 25:16

Amezaia keghi gbe eta ye ọre unu wẹẹ, “De ẹdẹ ne ima ghi vbe zẹ uwẹ iguọbaziro yi? Gue unu uẹn vba ne u ghẹ ya ye uhunmwu tae.” Vbe akhasẹ ni ghi te gue unu ẹnrẹn, ọ tama rẹn wẹẹ, “I rẹnrẹn wẹ Osanobua tae nẹ ne irẹn fuẹn ruẹn uan, rhunmwuda ne u na ru avbe emwi na hia kevbe ne u ma na rhie ude ne I bu ruẹ re.”

Psalm 36:1

Orukhọ gu ọmwa dan guan vbe uwu ekhọe ẹre, ọ he Osanobua ye otọ, ẹi vbe ya ọghọ ne ẹẹn.

Ẹksọdọs 33:6

Rhunmwuda ọnii, ke uhunmwu oke Sainai kpao, ivbi Izrẹl ma ghi viọ ikpẹrọnmwọ itegbe iran ye egbe ọvbehe.

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Itan 1:32

Emwa ne ẹ i mwẹ ẹwaẹn wulo rhunmwuda iran he ẹwaẹn yotọ. Ai tie emwi emwi ọghe iran ne akpa ọ re ọ ra fuẹn iran an.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Aizaia 3:9

Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.

Aizaia 5:5

“Vbene I ra ru ogba mwẹ hẹ ọ re ọna khin. I gha guọghọ ogba ne I gba ga ẹre hin rre, I ghi vbe guọghọ ekẹn ne ọ te degue ẹre. I ghi vbe gie aranmwẹ oha rri ọe, ne iran vbe ya owẹ rrilo ẹe muotọ.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Jerimaia 1:16

I gha rri avbe emwa mwẹ oya rhunmwuda iran ru orukhọ ne, iran he mwẹ yotọ. Iran zọ ese ghe avbe ẹbọ ọvbehe, iran mannọ avbe amazẹ, iran keghi gha gho iran.

Jerimaia 13:22

U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Jerimaia 2:17

Izrẹl, obọ ruẹ ọ re u ya sii ọna ye egbe ruẹ egbe! U fi iyeke gbe mwẹ mẹ ne Nọyaẹnmwa ne Osanobua ruẹ, vbe imẹ su uwẹ khian vbe odẹ.

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 4:18

E Juda, vbene u ya gha yin hẹ kevbe avbe emwi ne u gha ru ọ re u ya sii emwi na ye egbe ruẹ egbe. Orukhọ ruẹ ọ re ọ sii usẹ na rre. Ọ bi agbada ye uwẹ ogiudu nẹ nian.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Jerimaia 5:24

Wa ma he zẹ ọe vbe iro ẹdẹ wẹ, wa gha ya ọghọ mẹ, vberriọ, mẹ ọ re ọ giẹ amẹ ahọ orhọ kevbe ahọ uyunmwu rre, I ghi vbe gha rhie ẹghẹ emwiorhọ ne uwa vbe ukpukpo.

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Jerimaia 7:19

Sokpan mẹ ọ re iran gele ye ohu mu ra. Ẹn o, egbe iran ọ re iran ru khọ, iran na vbe gha fa egbe iran an.

Jerimaia 8:5

Emwa mwẹ vbọzẹ yi ne uwa na fi iyeke gbe mwẹ wa i ghi dọlegbe werriegbe? Wa rhikhan mu ẹbọ uwa, wa ma ghi dọlegbe bu mwẹ gha dee.

Ezikiẹl 23:30

ọ re ọ sii ọna ye uẹ egbe. Ebabotu ọ re u gha khin ne agbọn ẹvbo nibun, u keghi vbe ya amazẹ iran mu awua ye egbe ruẹ egbe.

Ezikiẹl 39:24

Emwi ne ọ ma iran ye uyinmwẹ ohọhọ kevbe ekhọe dan ọ re I ru iran re, I keghi fi iyeke gbe iran.”

Hozia 11:7

Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.

Hozia 13:9

“I gha fuẹn uwa ne ivbi Izrẹl ua! De Ọmwa ne ọ ghẹ ghi sẹtin ru iyobọ ne uwa?

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 4:16

Te ivbi Izrẹl wa zevbudu zẹ vbe avbe ekhuia. Vbe imẹ a ghi ra na gha koko iran vbe uwu irhu hẹ zẹ vbe ivbi ohuan?

Hozia 5:5

Uhiomwẹ ivbi Izrẹl ya iran rrie. Orukhọ iran ọ re ọ ye iran rrua owẹ ne iran na dele. Ivbi e Juda keghi dele ba iran.

Hozia 7:2

Ọ ma vbe la iran uhunmwu wẹ, I gha ye avbe emwi na rre, sokpan orukhọ iran gba ogba ga iran, ẹ i mwẹ mẹ ma bẹghe ẹre.”

Hozia 9:1

Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Maika 1:5

Ena hia gha sunu rhunmwuda ivbi Izrẹl ru orukhọ nẹ, iran keghi vbe sọtẹ ghe Osanobua. De ọmwa ne a gha lẹ isọtẹ ivbi Izrẹl ginna ẹre obọ yi? E Sameria ne igiogbẹ ẹvbo nii tobọ ẹre! De ọmwa ne ọ rri abe ẹbọ ne a gho vbe Juda yi? E Jerusalẹm tobọ ẹre nọ ra!

Zẹkaraia 7:11

“Sokpan, emwa mwẹ keghi ze vbe udu, iran ma zẹ yọ. Iran keghi rri ekhọe iran gbua,

Ebe ne Pọl gbẹẹn gie emwa Rom 3:18

amawẹ ne iran ruẹ vbene a mu ohan Osanobua hẹ.”

Giọgis 10:13

Sevba, wa keghi fi iyeke gbe mwẹ, wa na ya gha ghoo avbe ẹbọ ọvbehe, rhunmwuda onii nian, mẹ i ghi dọlegbe miẹn uwa fan.