Jerimaia 19:7 - Edo Bible (E Baibol Ẹdo) Version 1996

⁷ Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 19:7 Iomraidhean Croise

II Ọba 21:14

I gha fi iyeke gbe iran ni miẹn uhunmwu vbọ, I ghi viọ iran yan eghian iran obọ, emwa nii ghi khọn iran muotọ, iran ghi fu emwi iran viọ gha rrie.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Jerimaia 15:2

Iran gha nọ ruẹn wẹ de ehe ne iran ra gha rrie, tama iran wẹ I khare re wẹẹ: “Eso rrọ ne emianmwẹ ra gbele ehe ne iran ra gha rrie ọre ọnii khin! Eso rrọ ni gha wulo vbe okuo ehe ne iran ra gha rrie ọre ọnii khin! Eso rrọ ne ohanmwẹ gha gbele ua ehe ne iran ra gha rrie ọ re ọnii khin! Eso rrọ ne a gha viọ ẹre oghunmwu gha rrie. Ehe ne iran ra gha rrie ọre ọnii khin.

Jerimaia 15:9

Iyọmọ ne emọ ihinrọn wulo, sahẹ, ọ kegha si ọghọnrọn. Ebi avan ro ẹe. A fa ẹre ua, ọ khuọnmwi emianmwẹ udu I gha gie avbe eghian uwa gbele avbe uwa ni ghi ye rre agbọn vbọ. Mẹ ne Nọyaẹnmwa ta ẹe ne.”

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 18:21

Sokpan, banbanna nian Nọyaẹnmwa gie ohan gbele ivbi iran an, gie okuo gbele iran. Gie ọdọ wulo avbe ikhuo ni rrọọ, kevbe emọ. Gie emianmwẹ gbele avbe ikpia ni rrọọ, ne avbe igbama ni rrọọ wulo ye okuo.

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 22:19

Otiti ne ọ rre irorinmwi ekẹtẹkẹtẹ, ọ re a ra ya si ẹe ladian a ghi fi ẹe fua. Vbe a ladian onurho e Jerusalẹm rre nẹ.”

Jerimaia 22:25

I ghi rhie ẹre ne emwa ne ohan rẹn mu ẹẹn, emwa ni ho ne iran gbe uẹ ua. I gha rhie ruẹ ne Nebukiadneza ne Ọba e Babilọn kevbe avbe ivbiyokuo ẹre.

Jerimaia 32:28

I ra mu ẹvbo na ne Nebukiadneza ne ọba e Babilọn kevbe ivbiyokuo ẹre. iran gha khọnrẹn muotọ.

Jerimaia 34:20

I gha viọ iran ne avbe eghian iran ni ho ne iran gbele iran an, ahianmwẹ kevbe aranmwẹ oha ọ re ọ ra rri ikun iran.

Jerimaia 46:26

I ghi viọ iran ne emwa ni ho ne iran gbele iran an, ne Nebukiadneza ne Ọba e Babilọn kevbe ivbiyokuo ẹre. Sokpan, ọ ghẹ ghi kpee fua, emwa gha vbe dọlegbe yin Igipt vbene ọ ka ye yi vbe ẹghẹ ne ọ gberra. Mẹ ne Nọyaẹnmwa taa ẹe nẹ.”

Jerimaia 7:33

Ikun iran ghi gha re evbare ne avbe ahianmwẹ kevbe avbe aranmwẹ oha, ai ra vbe miẹn ọmwa ne ọ gha khulo iran hinrre.

Jerimaia 8:2

Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Jerimaia 8:8

Vbe uwa ra na sẹtin kha hẹ yi ighe wa wan, kevbe wẹ wa rẹn uhi mwẹ? Ghe avbe ọgbenbe ne ẹ i gia mu ẹtin yan, fi avbe uhi nii werriẹ nẹ.

Jerimaia 8:9

A ye ekhue mu avbe umẹwaẹn uwa, ehia tighi ye iran aro, obọ vba iran. Iran hee ẹmwẹ mwẹ yotọ nẹ, de ẹwaẹn ne iran ghi mwẹ nian?

Eve Orriara 3:37

Iho e Nọyaẹnmwa ọkpa, ọ re a ru vbe ẹghẹ hia.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Levitikọs 26:25

I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Ebe ne Pọl gbẹẹn gie emwa Rom 3:31

Ọnii rhie maa ra ighẹ te ima ya iyayi gbe ukhu nene Uhi rua? Hiehie re, vbene ẹmwata, te ima rhie nene uhi mwẹ.

Ebe ne Pọl gbẹẹn gie emwa Rom 4:14

Rhunmwuda, a deghẹ emwa ne ọ ru vbene Uhi khare ọre a rhie emwi ne Osanobua ve na, iyayi ọmwa, kẹkan ghi nọ khekherriọ, emwi ne Osanobua ve i vbe mwẹ esa ne ọ khin.

I Samuẹl 17:46

E Nọyaẹnmwa gha rhie ruẹ ye ẹtin mwẹ atataobọ ẹdẹnẹrẹ na, obọ mwẹ gha ke ukhunmwu ne uẹn, I gha fian uhunmwu ruẹn fua, I ghi viọ ikun ivbiyokuo e Filistin ne avbe ahianmwẹ kevbe aranmwẹ ne iran gha re. Otọ agbọn hia ghi rẹn wẹ, Izrẹl mwẹ Osanobua.