Jerimaia 19:3 - Edo Bible (E Baibol Ẹdo) Version 1996

³ E Nọyaẹnmwa keghi tama mwẹ wẹ ne I kha wẹẹ, “Avbe ọba e Juda, kevbe ivbi e Jerusalẹm, wa danmwehọ ẹmwẹ ne Nọyaẹnmwa ne Oghodua ne Osanobua Izrẹl ra ta. I ra gie egbe ọkhọ okpa do sunu vbe emwa na, wẹ izegbe gha zẹ dọmwadẹ ọmwa ne ọ rhirhi a họn ẹẹn.

Jerimaia 19:3 Iomraidhean Croise

Psalm 102:15

Avbe uhunmwu ẹvbo gha mu ohan e Nọyaẹnmwa, avbe ọba agbọn hia gha mu ohan ẹtin ẹnrẹn.

Psalm 110:5

E Nọyaẹnmwa rre obọ erha ọmwa ruẹn, ohu gha mu irẹn, ọ gha khọn avbe ọba mu otọ.

Psalm 2:10

Rhunmwuda ọnii, wa danmwehọ obọ ne a ya sekhae ne uwa na, wa ne ọba, wa vbe ruẹ iruẹmwi na, wa ni khaemwisẹ agbọn na.

Aizaia 28:19

Ọ gha kinmwi uwa yan egbe yan egbe owiẹ owiẹ, wa ghi vba ẹre vbe egbe ke avan kevbe asọn. Dọmwadẹ uhunmwu ọgbọn ne Osanobua gie rre, ọ re ọ gha vbe gha si ugborrirri ọgbọn rre.

Jerimaia 13:18

E Nọyaẹnmwa keghi tama mwẹ wẹẹ, “Tama ọba ke ẹe kevbe iye ẹe wẹ ne iran tuorre vbe ẹkete gha die otọ rhunmwuda, ẹde iran ne mose mose dele hin iran uhunmwu rre nẹ.

Jerimaia 17:20

U ghi tama avbe ọba kevbe emwa ni rre Juda hia kevbe avbe emwa ni rre Jerusalẹm, ni ghi la onurho na nẹ, ne iran danmwehọ ẹmwẹ ne I guan.

Jerimaia 18:11

Banbanna nian, tama ivbi e Juda kevbe Jerusalẹm wẹ, I wa khuan khẹ iran, I wa mu egbe ne I ya rri iran oya. tama iran ne iran dobọ uyinmwẹ dan ne iran yin yi, ne iran fi ohọ werriẹ kẹe kevbe emwi ne iran ru.

Jerimaia 19:15

Wẹ e Nọyaẹnmwa ne Oghodua, ne ọ re Osanobua Izrẹl khare wẹẹ, “Oya hia ne I khare ighe I gha rri iran re, I ra mu ẹẹn sẹ vbe egbe ẹvbo na kevbe avbe ẹvbo ni sikẹ ọre, rhunmwuda, wa zevbudu gbe, wa i vbe danmwehọ ẹmwẹ ne I ta.”

Jerimaia 25:29

Ẹvbo mwẹ ọ re I ra na suẹn iwinna ọ dunmwu an nii. Te iran ro wẹ iran gha lẹ ọre fe vbe ne a i na rri iran oya ra? Hiehiere, te a ra rri iran oya rhunmwuda, te I ra gie okuo gie emwa hia ni rre agbọn. Mẹ ne Nọyaẹnmwa ne Oghodua tae nẹ.

Jerimaia 35:17

Rhunmwuda ọnii nian. Mẹ ne Nọyaẹnmwa ne Osanobua Izrẹl, gha gie ẹe gele rruan uwa ne ivbi e Juda kevbe ivbi e Jerusalẹm avbe ọkhọ ne I khare ighẹ ọ gha rruan uwa. I gha ru ẹe vberriọ rhunmwuda wa ma danmwehọ mwẹ vbe I gu uwa guan, wa ma khuẹnniẹn mwẹ vbe I tie uwa.”

Jerimaia 44:3

Rhunmwuda, emwa iran ru emwi dan ne iran na ya ohu mu mwẹ. Iran zọ ese ghe avbe ẹbọ ọvbehe; iran kevbe gha ghoo avbe ẹbọ ne iran tobọ iran, ra uwa, ra avbe erha uwa odede ma gho ẹdẹ.

Jerimaia 6:19

Otọ agbọn, danmwehọ! Zẹ vbe emwi ne I ra ya rria iran ikhi ye uma ne iran si, I ra gie ọkhọ rruan iran na, rhunmwuda, iran he iruemwi mwẹ yotọ, iran ma vbe ya ẹmwẹ mwẹ ru emwi.

Ezikiẹl 7:5

Emwi ne Nọyaẹnmwa ne Udazi khare ọ re ọna khin, “Ọkhọ ra do rruan uwa ke egbe ke egbe.

Matiu 10:18

A gha gu uwa gui ma enibuohiẹn kevbe avbe ọba rhunmwuda mwẹ, ne uwa miẹn ehe na kporhu Iyẹn Ne ọ maa ma iran kevbe iran ne ẹ i re Ju.

Arhie Maan 2:29

“Adeghẹ u mwẹ ehọ, danmwehọ ẹmwẹ ne Orhiọn tama avbe esọsi.

I Samuẹl 3:11

E Nọyaẹnmwa keghi tama rẹn wẹẹ, “I khian ru emwa Izrẹl emwi ne ọ mu ohan sẹ vberriọ wẹ ọmwaikọmwa ne ọ rhirhi họn ẹn, ikponi ghi sa ku ọ re.