Jerimaia 19:12 - Edo Bible (E Baibol Ẹdo) Version 1996

¹² I yaan nẹ ighe I gha ye ẹvbo na kevbe emwa ni rrọọ khian vbene Tofẹt ye.

Jerimaia 19:12 Iomraidhean Croise

Jerimaia 10:13

Amẹ ne ọ rre odukhunmwu iso ghi davan vbe irẹn a wẹ ne ọ ru vberriọ, ọ ghi ke ehe ne agbọn sẹe viọ okuku rre. Ọ ru ẹe ne ayan gha yan vbe amẹ rhọ ọ ghi giee ẹhoho ladian ke ehe ne ọ viọ ẹre lẹre yi gha dee.

Jerimaia 11:5

“Ẹghẹ nii, I gha do mu ẹẹn sẹ ighe eyan ne I yan ma avbe erha iran odede wẹ, I gha mu otọe esi nii ne ọ maa emwiokọ, ne iran ye na ne iran.” Mẹ keghi kha wẹẹ, “I họẹn, Nọyaẹnmwa.”

Jerimaia 19:11

Ne I vbe tama iran wẹ e Nọyaẹnmwa ne Oghodua khare wẹẹ; “I gha guọghọ emwa na kevbe ẹvbo na an, ọ ghi ye vbe uru obuẹ ne a guọghọ ua nẹ ẹ i ghi gie a dọlegbe mama kugbe. Emwa gha ya gha re orinmwi iran ye Tofẹt, rhunmwuda ehe ọvbehe i ghi ra gha rrọ ne a gha re iran yi.

Jerimaia 19:13

Avbe owa ni rre Jerusalẹm, avbe owa avbe ọba ni rre Juda, vbe ẹmwata avbe owa hia ne a ghi na gien eturari vbe ẹrhunrhun owa ẹre ne avbe orhọnmwẹ, kevbe avbe owa ne a ghi na sa ayọn kua zẹ vbe emwi izọ ese ghe avbe ẹbọ ọvbehe, ehia ọ re ọ gha khian ne awua ye zẹ vbe Tofẹt.”