Jerimaia 19:1 - Edo Bible (E Baibol Ẹdo) Version 1996

¹ E Nọyaẹnmwa keghi tama mwẹ wẹ ne I ya dẹ uru ne a ya obuẹ ma. Ọ na vbe tama mwẹ wẹ ne I viọ eso vbe uwu avbe ediọn ba egbe kevbe eso vbe uwu avbe ohẹn ni wan sẹẹ

Jerimaia 19:1 Iomraidhean Croise

II Ọba 19:2

Ọ keghi gie Eliaikim ne ọkaẹguae, e Siebna ne ọgbenbe iko kevbe ohẹn ne ọdiọn bu Aizaia ne ovbi Amọz. Iran keghi yọ ukpọn akhiẹ.

Aizaia 30:14

Wa gha rẹnkhẹn uan vbe akhe obuẹ, wa gha rẹnkhẹn uan sẹrriọ wẹ ai miẹn ne a gha ya gha wan erhẹn vbọ ra ne a gha ya gha balọ amẹ vbe uhae vbọ.”

Jerimaia 13:1

E Nọyaẹnmwa keghi tama mwẹ ne I ya dẹ utalawẹ eto ovbiohuẹ ne I yọ ẹe, sokpan, ọ keghi vbe wẹ ne I ghẹ viọ iran ye uwu amẹ.

Jerimaia 26:17

Vbe iyekọnii, eso vbe uwu avbe ediọn keghi kpaegbe, iran na gu avbe emwa ni si koko ye evba guan wẹẹ,

Jerimaia 32:14

“E Nọyaẹnmwa ne Oghodua, ne Osanobua Izrẹl tama ruẹn nian ne u viọ avbe ebe ne a ya do ẹki na, kevbe ne a sikan gbua, kevbe ne a ma sikan, ne u viọ iran ye uru obuẹ, ne a miẹn ehe na dọlọ iran yi khẹ ukpo nibun ni dee.

Eve Orriara 4:2

Te avbe igbama e Zaiọn te ghan vbe obọ mwa zẹ vbe igoru. Sokpan, te a ghi ru iran nian zẹvbe akhe obuẹ.

Ezikiẹl 4:1

Osanobua keghi kha wẹẹ, “Ovbi ọmwa mu ibiriki ọkpa, mu ẹẹn ye odaro ruẹ ne u vinnọ emwi lelẹe ne a ya ẹe gie ore Jerusalẹm.

Ezikiẹl 5:1

E Nọyaẹnmwa keghi kha wẹẹ, “Ovbi ọmwa, rhie umozo ne ọ mu ne u ya ẹe zẹ ẹtu ruẹ kevbe eto ruẹ hia kua. U ghi ya esike mwa eto nii ne u gha ẹre ye ihe eha.

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Nọmbas 11:16

E Nọyaẹnmwa keghi tama e Mosis wẹẹ, “Si arhin ekigbe siyenẹ ni re ọkaolotu ni rẹn enegbe kevbe ne ọghọ rre ọre egbe koko, viọ iran bu mwẹ gha die Owa Ukpọn Ile, tama iran ne iran mudia ke uwẹ vba.

Matiu 26:3

Ẹghẹ ni ọre avbe igiohẹn kevbe avbe ediọn avbe Ju na ya do iko vbe ẹguae Kaiafas ne Ogie Ohẹn.

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Iwinna 21:11

Ọ keghi bu ima gha dee, ọ keghi rhie ugbẹkun e Pọl, ọ keghi yae gba egbe ẹre obọ vbe owẹ, ọ wẹẹ, “Orhiọn Ne Ọ Huanrẹn wẹ, ‘Vbe nian ọre avbe Ju khian mu ọmwa ne ọ yan ugbẹkun na gba vbe Jerusalẹm, iran ghi mu ẹn gie avbe emwa ne ẹ i re Ju.’ ”

II Kọrinti 4:7

Sevba, ma ni mwẹ emwi ighobioye orhiọn na, te ima yevbe akhe kẹkan ne a ya obuẹ ma, ne a miẹn ehe na rhie ma wẹ, ẹtin ne ọ sẹ ehia, ọghe Osanobua nọ, ighẹ ẹ i re ọghe ọmwa.