Jerimaia 17:8 - Edo Bible (E Baibol Ẹdo) Version 1996

⁸ Te irẹn yevbe erhan ne ọ zọọ vbe ọkpẹn ẹzẹ, ne ọ vbe zẹẹ inian ya fi uwu amẹ ohan i mu ẹẹn vbe uyunmwu a rre rhunmwuda, ebe ẹre ghi ye biua nunuunu ẹ i vbe hawa vbe amẹ ma rhọ ọ ghi ye gha mọ khian.

Jerimaia 17:8 Iomraidhean Croise

Job 29:19

I keghi ye vbe erhan ne inian rẹn miẹn amẹ vbe ẹghẹ hia kevbe ne evbu tuo ye avbe abọ ẹre.

Job 8:16

Emwa dan ghi zọ zẹ vbe irunmwu vbe uwu ovẹn, zẹ vbe irunmwu ne ọ rhu gba ogba hia.

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Itan 11:28

Emwa ne ọ mu ẹtin yan ẹfe iran gha dele zẹ vbene ebe khuọn kua vbe ẹghẹ okhuakhua; sokpan, agbọn gha ma ẹmwata zẹ vbene ebe ye vbe ẹghẹ orhọ.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Jerimaia 39:18

I gha degue ruẹ, ai ra gbe uẹ ua. U gha miẹn uhunmwu rhunmwuda u mu ẹtin ruẹn yan mwẹ. Mẹ ne Nọyaẹnmwa ọ re ọ taa ẹe.”

Ezikiẹl 31:3

U ye vbe isida ne ọ rre Lebanọn ne ọ mwẹ abọ ne mose mose ne ọ mwẹ irhu erhan ne ọ tan sẹrriọ wẹ ọ keghi sẹ ikpakpiso.

Ezikiẹl 47:12

Erhan ughughan gha zọ vbe obọ eva vbe ọkpẹn ẹzẹ nii ne iran gha rhie evbare ne a re rre. Ebe iran i ra kaka ẹdẹ, a i vbe miẹn wẹ iran dobọ umọmwẹ yi. Uki uki ọre iran gha ya gha mọ ọmọ ọgbọn, rhunmwuda, ẹzẹ ne ọ ke uwu Ọgua Osa lẹ rre, ọ re ọ rhie amẹ ne iran. Ọmọ ne iran mọẹn, a ghi gha rri ọe, ebe ni rrọ ghi gha re ukhunmwu ne a ya sinmwi emwa.”