Jerimaia 17:4 - Edo Bible (E Baibol Ẹdo) Version 1996

⁴ Wa gha vbe zobọ vbe otọe ne I te mu ne uwa, I ghi vbe ru ẹe ne uwa ya ga avbe eghian vbe otọe ne uwa ma rẹn emwi rhọkpa vbe ekpa ẹre rhunmwuda te ohu mwẹ ye vbe erhẹn, ọ gha vbe gha yọn rhinrin ẹdẹdẹmwẹdẹ.”

Jerimaia 17:4 Iomraidhean Croise

I Ọba 9:7

ẹghẹ nii I ghi viọ ivbi Izrẹl ne emwa mwẹ hin otọe ne I mu ne iran rre. I ghi fi iyeke gbe Ọgua Osa na ne I ya khian ne ọ huanrẹn ne a ya gha ga mwẹ, emwa hia ghi gha giẹ Izrẹl vbe ehe hia, iran ghi vbe gha yagha ẹe.

II Ọba 25:21

Vbe otọe Hamat. Evba ọba na wẹ ne a viọ ivbi e Juda hin ẹvbo iran rre gha rrie iwe.

Nehimaia 9:28

Ọfumwegbe ghi vbe se obọ nẹ, iran kevbe dọlegbe rukhọ ghe ruẹ wẹ kevbe gie eghian dọlegbe khọn iran, sokpan, iran ghi fiwerriẹ, iran na vbe rinmwian ne u miẹn iran fan, u keghi họn vbe ẹrinmwi, yan egbe yan egbe u keghi ya itohan fannọ iran vbe irri.

Aizaia 14:3

E Nọyaẹnmwa gha rhan ivbi Izrẹl yotọ vbe obọ obalọ iran kevbe usẹ iran kevbe iwinna ne ọ wegbe ne a ya ẹtin munọ iran gha winna.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Aizaia 50:11

Wa hia ni si uma ne uwa fuẹn ẹrrẹe rua uma ne uwa si nii ọ re ọ ra fuẹn uwa a. E Nọyaẹnmwa tobọ ẹre ọ re ọ ra gie ẹe gha ye vberriọ ọkhọ ne ọ wegbe ọ re ọ ra rruan uwa.

Aizaia 66:24

“Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Jerimaia 15:14

I gha gie iran ya ga avbe eghian iran vbe otọe ne iran ma rẹn emwirhọkpa vbe ekpa ẹre, rhunmwuda, ohu mwẹ yevbe erhẹn, te ọ ra vbe gha yọn rhinrin ẹdẹdẹmwẹdẹ.”

Jerimaia 16:13

Rhunmwuda ọnii, I gha filo uwa kua hin otọe na rre, gha rrie ẹvbo ne avbe erha uwa odede kevbe uwa tobọ, uwa ma rẹn. Evba wa gha na ya gha gho avbe ẹbọ ọvbehe ke avan ke asọn, I i ra vbe tohan uwa hiehiere.’ ”

Jerimaia 18:23

Sokpan, Nọyaẹnmwa, wẹ rẹn emwamwa iran wẹ ne iran ghe mwẹ uan. Ghẹ ye ọkhọ iran bọ iran, ra ne u ya orukhọ iran bọ iran. Mu iran gbotọ ne obọ ke ukhunmwu ne iran, ne u vbe ye obọ mu iran vbe ohu a gha mu uẹn.”

Jerimaia 2:14

“Izrẹl i re ọviẹn, a ma te biẹ ọre ọviẹn vbọzẹ ne avbe eghian rẹn ghi na zọ owẹ ọre ya khu ẹe khian yi?

Jerimaia 22:28

Mẹ keghi kha wẹẹ, “E Jehoiakim ne ọba wa vbe yevbe uru ne ọ wu ne a mu fua, ne ọmwarhọkpa i gualọ nẹ ra? Ọnii ọ siẹe ne a na viọ irẹn vbe ivbi ẹre gha rrie iwe vbe otọ ne a ma rẹn emwi rhọkpa vbe ekpa ẹre?”

Jerimaia 5:19

Iran gha nọ emwi ne ọ si ẹe ne I na ru avbe emwi na, u ghi tama iran Jerimaia wẹ, zẹ vbene iran fi iyeke gbe mwẹ, iran na gha gho ẹbọ ẹrrẹe vbe ẹvbo iran, erriọ zẹẹ iran khian ya ga avbe orhunmwuyẹn vbe ẹvbo ne iran ma yan.”

Jerimaia 5:29

“Sokpan, mẹ ne Nọyaẹnmwa gha rria iran ikhi ye emwi na, I gha rria uhunmwu ẹvbo na ikhi.

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Eve Orriara 1:12

Ọ datu ma avbe emwa ni gberra khian wẹẹ, “Wa ghe mwẹ o, wa ni gberra khin a ma he miẹn ọmwa ne ọ miẹn egbe obalọ vbe ọghomwẹ na ẹdẹ. Obalọ ne Nọyaẹnmwa hihiẹẹ yan mwẹ vbe ohu mu ẹẹn.

Eve Orriara 5:2

Ẹrrẹe ọ re ọ ghi ya ima emwi ru; erhunmwuyẹn ọ re ọ ghi rre owa mwa.

Ezikiẹl 21:31

Wa gha họn obọ ohu mwẹ vbe egbe vbe ẹghẹ ne I gha na rhurhẹ ọe yan uwa zẹ vbe erhẹn ne ọ baa gidigidi. I ghi viọ uwa yan emwa dan obọ, emwa ni fuẹro emwi ne a mu rhia.

Ezikiẹl 7:24

I gha viọ uhunmwu ẹvbo ne ọ ghi rrei sẹẹ gha die emwa na. I ghi gie iran mu uwa miẹn uwa owa. Emwa uwa ni wegbe sẹẹ gha mitan uan vbe ẹghẹ ne I gha na gie avbe uhunmwu ẹvbo nii, do mu awua la ehe ne uwa na ga.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.