Jerimaia 17:3 - Edo Bible (E Baibol Ẹdo) Version 1996

³ Kevbe avbe oke nekhua vbe oha. I gha gie avbe eghian uwa viọ avbe ẹfe emwi ewe uwa gha rrie rhunmwuda avbe orukhọ hia ne uwa he ru lele otọe uwa hia.

Jerimaia 17:3 Iomraidhean Croise

II Ọba 24:13

Ọ na viọ emwi ẹfe hia ni rre Ọgua Osa kevbe ni rre ẹguae, avbe ọkpan igoru ne Solomọn ne ọba ru ne a ya gha ru emwi vbe Ọgua Osa.

Psalm 78:58

Iran ya ehe ne iran na ga ẹbọ ya ohu muẹn iran keghi vbe ya amazẹ iran rhia ẹre ẹko rua.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Jerimaia 12:12

Emwa wa fian uhunmwu oke ato ni rra do fu emwi hẹ, I gie okuo ne ọ ya fuẹn otọe nii hia a, ọmwa ne ọ ra gha rre ọfumwegbe i rrọ.

Jerimaia 15:13

E Nọyaẹnmwa keghi tama mwẹ wẹẹ, “I gha gie avbe eghian rre ne iran do viọ ẹfe kevbe emwi ewe ọghe avbe emwa mwẹ, ne a miẹn ehe na rri iran oya ye orukhọ ne iran hẹẹ gba otọe na hia.

Jerimaia 20:5

I gha vbe gie avbe eghian iran fu iran ẹfe ni rre ẹvbo na viọ gha rrie, iran ghi vbe ya ẹtin viọ ẹfe ni rrọọ kevbe emwi ne iran mwẹ hia, ya sẹ egbe emwi ewe ọghe avbe ọba e Juda, iran ghi viọ emwi hia gha rrie Babilọn.

Jerimaia 21:13

E Jerusalẹm, wẹ tota ye ehe ne ọ yo sẹ avbe iya ẹsẹse, zẹ vbe okuta nọkhua, ne ọ yo sẹ otọe ne ọ rriẹe ẹsẹse. Sokpan, I gha guẹ gbinna. U khare wẹ ọmwa ne ọ gha sẹtin dekun ruẹn i rrọọ ra ọmwa ne ọ gha sẹtin ha emwi ne u ya gba ogba ga egbe i rrọọ.

Jerimaia 26:18

“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Eve Orriara 1:10

Avbe eghian do ẹre emwi ne ọ mwẹ hia viọ. Rẹn ye aro ẹre bẹghe iran vbe iran lao uwu Ọgua Osa tobọ ẹre; ehe ne Nọyaẹnmwa wẹ ne emwa ne ẹ i re Ju ghẹ lao.

Ezikiẹl 16:39

I gha rhie ruẹ ye iran obọ, iran ghi dunmwu ehia ighẹ ehe ne u na gbe igberagia kevbe ne u na gho ẹbọ, iran gha miẹn ruẹn avbe ikpẹrọnmwọ ne u ya te egbe, kevbe avbe ukpọn ruẹn, iran ghi sẹ uẹ rae ye irhunmwuirhun.

Ezikiẹl 23:46

Vbenian ọ re e Nọyaẹnmwa ne Udazi khare, “Wa viọ otu ni si ọbọbọ ẹrhia gha dee ne iran do runran iran kevbe ne iran vbe do iran emwi hẹ.

Ezikiẹl 6:3

Tama avbe oke Izrẹl ne iran danmwehọ vbene e Nọyaẹnmwa ne Udazi khare, ne iran họn ẹmwẹ ne imẹ ne Nọyaẹnmwa ne Udazi tama avbe oke nekhua ke negiẹrẹ, avbe ugboghodo kevbe iya: I gha gie umozo ne ọ do guọghọ ehe ne emwa na ga avbe ẹbọ rua.

Levitikọs 26:30

I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Zẹfanaia 1:13

Emwa gha fu iran emwi viọ, a gha dunmwu owa iran an. Iran i yin owa ne iran bọlọe ra ne iran da ayọn vbe ọghe ugbo azara ne iran gbee.”