Jerimaia 17:12 - Edo Bible (E Baibol Ẹdo) Version 1996

¹² Te Ọgua Osa mwa yevbe ẹkete uyi, ne ọ mudia yan oke ne ọ yo ke omuhẹn gha dee.

Jerimaia 17:12 Iomraidhean Croise

Psalm 103:19

E Nọyaẹnmwa mu ẹkete ẹre ye ẹrinmwi, rẹn ọrọre ọba yan ehia.

Psalm 96:6

Uyi kevbe oyọnyọn ọba gba ẹre egbe, ẹtin kevbe osẹ vuọn Ọgua Osa ẹre.

Aizaia 6:1

Vbe ukpo ne Ọba Uzaia wu, I keghi bẹghe Nọyaẹnmwa. Ọ keghi tota ye ẹkete ẹre, ọ yo, ọ keghi vbe ye gelete, emwi ne ọ ya mu egbe keghi vuọn Ọgua Osa hia.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Jerimaia 14:21

Ye eyan ruẹn rre, ne u ghẹ zan mwa, ghẹ gie efa rruan e Jerusalẹm, ehe ne ẹkete ruẹ ne ọ mwẹ uyi ye. Ghẹ mu ile ne u gu ima ta fua.

Jerimaia 3:17

Ọ gha sẹ ẹghẹ nii, a ghi do gha tie Jerusalẹm ‘Ẹkete Nọyaẹnmwa;’ uhunmwu ẹvbo hia gha vbe sikoko ye evba ne iran do ga mwẹ. Ẹ i re emwi ne ekhọe iran ne ọ wo nii kevbe ọghe dan nii tama iran ọ re iran ghẹ ghi gha ru.

Ezikiẹl 1:26

Ẹkete ne ọ yevbe ne a ye okuta ighobioye safaia ru kegha rre odukhunmwu emwi ne ọ yevbe ekharha ne a fi nii, emwi okpa ne ọ yevbe ọmwa nagbọn keghi tota yan ẹkete nii.

Ezikiẹl 43:7

“Ovbi ọmwa, ghe ẹkete mwẹ vbe emwa na. I gha gu ivbi Izrẹl yin emwa na, I ghi vbe gha khaemwisẹ yan iran ẹdẹdẹmwẹdẹ. Ke ivbi Izrẹl kevbe avbe ọba iran, ne ọ gha ye dọlegbe fa eni mwẹ nọ huanrẹn uan, ẹ i ghi rrọọ, ogha re vbekpa ne a na gho ẹbọ ọvbehe nọ, ra vbekpa ne a na re ikun avbe ọba iran sikẹ emwa na nọ, ẹ i ghi dọlegbe sunu.

Matiu 25:31

“Ovbi Ọmwa ghẹ ghi rre zẹ vbe ọba ke irẹn kevbe avbe odibosa ẹre, rẹn ghi miẹn dia vbe uhunmwu ẹkete ọba ẹre.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Hibru 4:16

Rhunmwuda ọnii, wa gie ima din khekherriọ, ne a gha die odaro ẹkete Osanobua, ehe ne ẹsọhẹ ye. Evba nii i ọre ima gha na miẹn itohan rhie kevbe ẹsọhẹ ne ọ gha yi ima obọ vbe ẹghẹ ne a na gualọe zẹẹ.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.