Jerimaia 17:11 - Edo Bible (E Baibol Ẹdo) Version 1996

¹¹ Ọmwa ne ọ ye odẹ ero miẹn igho, ọ yevbe ahianmwẹ ne ọ gbe ekẹn ne ọ ma họ. Ọ gha he wa rre atẹ, ọ gha mu ẹfe ẹre fua, ọ gha ghi sẹ okiekie, rẹn ghi do gha re akpa.

Jerimaia 17:11 Iomraidhean Croise

Job 20:21

Ọ gha rri evbare, ẹ i vbe kẹrre, banbanna nian, ẹfe ẹre sẹ ufomwẹ nẹ.

Psalm 49:13

Ghe emwi ne ọ rruan iran ni mu ẹtin yan egbe iran ne a zẹ khẹ iran ne ẹfe ẹre sẹ ọre ọkẹn.

Psalm 55:23

Sokpan, Osanobua, wẹ ọ ra silo avbe izigha kevbe avbe ọhọn ohoghe la idin iran ọ te sẹ ukhiọnmwẹ ẹdẹ agbọn iran. Sokpan, zẹ vbe ọghomwẹ mẹ gha mu ẹtin yan ruẹn.

Itan 13:11

Ẹfe ne ọ ma sọn ọ sẹ ọmwa obọ, ẹ i vbe sọn ọ kpao sẹ ọmwa rae, vbene ọ ya lọghọ a ke miẹn ọẹn, erriọ ọ re ọ vbe ya di ọmwa obọ ya.

Itan 15:27

Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.

Itan 21:6

Ẹfe ne u ya uyinmwẹ ogberhu miẹn, te ọ rherhe zagha, sokpan, ọ te zagha, ọ ghi ka siọ sẹ agbanmwẹ idin nẹ.

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Itan 28:16

Enọkhaemwisẹ ne ẹ i wan, ọmwa ne ọ rre asẹ ne ekhọe azẹn khian gha nọ. Ọmwa ne uyinmwẹ ero i yẹ, gha tọ vbe egie.

Itan 28:20

Emwa ni mwẹ uyinmwẹ ne ọ diae, te ẹdagbọn iran wa ye ọyẹnmwẹ sẹ ota, sokpan, u gha wẹ ẹfe ẹgiẹgiẹ ọ re u gualọ, a gha rriọ oya.

Itan 28:22

Emwa ni, rẹn ọghe egbe iran okpa wa khirhi ne iran fe sẹrriọ wẹ, iran i rẹn vbe ogue a ra fi iran emwi.

Itan 28:8

Adeghẹ igho isu kevbe igho ne u miẹn vbe obọ emwa ne emwi ba so ọ re u ya fe, ẹfe ruẹ gha gberra gha rrie obọ ọmwa ne ọ tohan ivbiogue.

Jerimaia 22:13

Ọwiri ọ re ọghe ọmwa ne ọ ye a i ta ẹmwata bọ owa. Ọ na vbe ya ẹkẹ vbe iwẹnwẹn bọ ba ẹre; ọmwa ne ọ ye ẹvbo ẹre miẹn ẹsọn kua kẹkan vbene ẹ i na vbe ha iran osa.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Jerimaia 6:13

Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Emọs 3:10

E Nọyaẹnmwa khare wẹẹ, “Emwi ne emwa na ya okuo igbe kevbe imu viọ, ọ re iran viọ vuọn owa iran ne mose mose. Iran ma kue rẹn vbene a ru emwi uhẹn hẹ.

Maika 2:9

“Wa khulo avbe ikhuo ne emwa mwẹ mwẹ kua vbe owa ne ọ yẹ iran. Wa ma ghi gie afiangbe mwẹ sẹ ivbi iran obọ ẹdẹdẹmwẹdẹ.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Zẹfanaia 1:9

I gha rri iran hia oya ighẹ iran ni ru ugamwẹ zẹ vbe ivbi ẹbọ, iran ni rha, ni vbe do izigha ne a miẹn ehe na ye emwi ne a fu hẹ vuọn owa arowa iran; deba erẹrẹ kevbe uyinmwẹ ne ọ wegbe.

Zẹkaraia 5:4

E Nọyaẹnmwa ne Oghodua khare wẹ te irẹn ra tie ihen na. Ọ gha la uwu owa avbe oyi hia kevbe iran ni vẹn ihen ta ohoghe. Te ọ ra gha rre iran owa, ọ ghi ya iran khian itowa.”

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iyẹn ne ọ Maan Ọghe Luk 12:20

Sokpan Osanobua tama rẹn wẹẹ, ‘Wẹ ne akpa! Asọn na, a gha miẹn ruẹn orhiọn ruẹn. De ọmwa ne ọ ghẹ ghi yan ekhuan ne u khuan ye otọ ne egbe uẹ na.’ ”

I Timoti 6:9

Sokpan iran ni ho ne iran fe, edanmwẹ ọre iran de yi, ifi orriarria ukọnmwẹ ne ẹbe ye ni bun ghi mu iran, emwi na ọre ọ sua emwa fi uwu ọfuan kevbe ne ọ gbe ẹro.

Taitọs 1:11

Ọ kere ne a da iran obọ ẹmwẹ ne iran guan yi, rhunmwuda, igiowa ni bun ọre iran ye emwi ne ọ ma te kei ne iran ma emwa ẹre, gbe sẹ otọ, ba ẹmwẹ emwiekhue wẹ, te iran gualọ igho.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.