Jerimaia 17:10 - Edo Bible (E Baibol Ẹdo) Version 1996

¹⁰ Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 17:10 Iomraidhean Croise

I Ọba 8:39

u ghi họn erhunmwu iran. U ghi danmwehọ iran vbe owa ruẹ vbe ẹrinmwi, u ghi ya orukhọ bọ iran ne u guan yọ. Wẹ ọkpa kẹkan ọre ọ rẹn emwi ne ọ rre emwa hia ekhọe. Ru ne dọmwadẹ ọghọe zẹ vbene ọ khẹ ke ẹe.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

II Krọnikol 6:30

U ghi họn erhunmwu iran. Danmwehọ iran vbe owa ruẹ vbe ẹrinmwi ne u yabọ iran. Wẹ ọkpa kẹkan ọ re ọ rẹn emwi ne ọmwa mu ro vbe ekhọe. U ghi ru dọmwadẹ ọghe ọe vbene ọ khẹ ke ẹe.

Job 34:11

Te irẹn san emwa ẹse emwi ne iran ru, ọ ghi vbe gha ru iran emwi ne ọ maa iran.

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Psalm 44:22

Sokpan, rhunmwuda ruẹ, ọ re ima na khian ne a ghi gbele ua vbe ẹghẹ hia ne a na ru ima zẹvbe ohuan ne a ra gbele ua.

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Psalm 7:10

Osanobua ọrọre ne ọ degue mwẹ, rẹn vbe miẹn iran ni họn ẹmwẹ ne ẹẹn fan.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Itan 12:14

Ẹmwẹ ne u guan, kevbe emwi ne u ru, ọ re a vbe lele ya san ruẹn ẹse, emwi ne ọ khẹke uẹ ọ re ọ gha vbe sẹ uẹ obọ.

Itan 17:3

Erhẹn ọ re a ya danmwẹ igoru kevbe esiliva ghe, sokpan, e Nọyaẹnmwa ọ re ọ ghe ekhọe ọmwa ghe.

Asan-Ibo 9:3

Emwi okpa ọ re ọ rruan ehia vbe abọkpa nii, ọna ma vbe zẹdẹ kei, zẹ vbene emwi nibun ni sunu vbe agbọn na ye. Omwa vbene a na miẹn wẹ emwa ye rre agbọn, te ekhọe iran vuọn ne ọkhọ kevbe emwẹmwẹ, iran ghi gha wulo uwu udomwurri.

Aizaia 59:18

Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Jerimaia 11:20

Ọ re I na na erhunmwu wẹẹ, “E Nọyaẹnmwa ne Oghodua, ọbuohiẹn ne ẹ i bu eku ọ re uwẹ khin, wẹ ọ re ọ danmwẹ iro ekhọe emwa kevbe vbene emwi ye iran hẹ, ghe I mu ẹmwẹ enegbe mwẹ ye uwẹ obọ, rhunmwuda ọnii, gie aro mwẹ sẹ ọe vbe u gha rria iran na ikhi.”

Jerimaia 12:13

Avbe emwa mwẹ kọ ọka, sokpan iran keghi ya rhọ irunmwu; iran kakabọ winna, sokpan, iran ma miẹn emwirhọkpa vbọ. Rhunmwuda ohu mwẹ ne ọ wegbe, emwiokọ iran ma maa.”

Jerimaia 20:12

Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 23:2

Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Jerimaia 32:19

Wẹ ru emwamwa ẹwaẹn, u keghi vbe winna iwinna ẹtin, u bẹghe emwi ne emwa hia ru, u keghi vbe hae ne iran zẹ vbene uyinmwẹ iran khare.

Ezikiẹl 11:5

Orhiọn Osanobua keghi hin yan mwẹ, ẹre Nọyaẹnmwa na wẹ ne I ta uhunmwu ne irẹn gie ma avbe emwa nii wẹẹ, “Ivbi Izrẹl, I rẹn ẹmwẹ ne uwa ta kevbe emwamwa ne uwa mwamwa.

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Maika 7:13

Sokpan otọ agbọn gha khian ato rhunmwuda uyinmwẹ dan ọghe emwa ni rrọọ.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 6:4

Erhaa ne ọ bẹghe emwi ne u ru vbe ẹkhokho de ra do san ruẹ ẹse.

Iyẹn ne ọ Maan Ọghe Jọn 2:25

Ẹ i re ne ọmwa vbe gha ta otọ vbene emwa ye hẹ ma rẹn rhunmwuda, rẹn rẹn emwi ne ọ rre dọmwadẹ ọghọe ekhọe ẹsẹse.

Iwinna 1:24

Rhunmwuda ọnii iran keghi na erhunmwu wẹẹ, “Nọyaẹnmwa wẹ rẹn ekhọe emwa hia. Rhunmwuda ọnii Nọyaẹnmwa rhie ne u hannọ zẹ vbe uwu iran eva na ma ima.

Ebe ne Pọl gbẹẹn gie emwa Rom 6:21

Sokpan, de ere ne uwa ghi miẹn re vbe ne uwa na gha ru avbe emwi ni ne ekhue ẹre ghi mu uwa ẹghẹ na? Uwu ọre ọ ke avbe emwi ni ikian.

Ebe ne Pọl gbẹẹn gie emwa Rom 8:27

Osanobua ne ọ sẹtin bẹghe uwu ekhọe emwa ne agbọn. rẹn emwi ne nene Orhiọn mu roro, rhunmwuda, te nene Orhiọn rinmwian ne emwa rẹn vbe ehe ne Osanobua ye, zẹ vbe ne ọ gua emwi ne irẹn ho ro.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

Arhie Maan 20:12

I keghi bẹghe emwa ni wulo nẹ ke ni kpọlọ kevbe ni kanmwa, ehia mudia ye odaro ẹkete nii. Iran kegha we ebe, a keghi vbe we ebe ọvbehe, ebe emwa ni ma he wu. A keghi bu ohiẹn avbe eniwulo nẹ zẹ vbene emwi ne iran ru ue, zẹ vbene a gbẹn ọẹn ye ebe ni.

Arhie Maan 22:12

Jesu wẹẹ, “Danmwehọ, I dee ẹgiẹgiẹ! I gha viọ emwi ne I ya san ẹse rre ne I viọ ne dọmwadẹ ọghọe vbene iwinna rẹn khare.

I Samuẹl 16:7

Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”