Jerimaia 16:9 - Edo Bible (E Baibol Ẹdo) Version 1996

⁹ Danmwehọ ẹmwẹ ne I ra ta, mẹ ne Nọyaẹnmwa ne Oghodua, ne Osanobua Izrẹl. I gha dobọ urhu oghọghọ yi kevbe ọghe ọyẹnmwẹ, kevbe urhu oghọghọ evbare irhiọha. Emwa ni rre emwana gha rre agbọn ne aro iran sẹ ọe vbe emwi na a sunu.

Jerimaia 16:9 Iomraidhean Croise

Psalm 78:63

A gbele avbe igbama vbe okuo avbe uvbi ma ghi miẹn ọdọ rọnmwẹ.

Jerimaia 25:10

I gha dobọ uwemwẹ oghọghọ kevbe ọyẹnmwẹ iran yi, kevbe uwemwẹ oghọghọ ọghe evbare irhiọha, iran i ghi miẹn ofigbọn sa ye ukpa iran, ọka i ghi ra vbe gha rrọọ.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Ezikiẹl 12:25

Mẹ ne Nọyaẹnmwa gha gu iran guan. A gha vbe ru vbene I khare. A i ghi dọlegbe yae rhọ ẹghẹrẹ ọvbehe. Wa ne etẹ na, vbe ẹghẹ ne uwa na he ye rre agbọn na, ọ re I ra na ru emwi ne I khare ighe I gha ru. Erriọ I tae,” erriọ Nọyaẹnmwa ne Udazi khare.

Ezikiẹl 26:13

I gha dobọ ihuan ne uwa so yi, I gha gue emwi ne akpata ruẹ kpe unu.

Hozia 2:11

I gha dobọ ugie ne ọ do hia yi. Ugie ukpukpo kevbe ugie ukiuki ne ọ do deba, emwi ne ọ ru vbe Ẹdẹ Ikẹtin hia fẹẹrẹ, kevbe iko ugamwẹ ne ọ ko hia.